مروان باستغراب:وايه هو الشرط يامالك يعني
مالك:هقولك فلاش باك
سيلا بعفويه:شرطي يامالك أنا هشتغل معاك طول المده ديه وهعمل كل اللي في وسعي عشان احسن من نفسي بس محدش يعرف في البيت أن بشتغل معاك لحد مالشركه تتحسن وترجع احسن من الاول
مالك:وليه شرطك ده هيفرق في ايه وبعدين مش هنسب التصاميم ديه لحد تاني ياسيلا انسي
سيلا:محدش قالك انسبها لغيري يامالك اكتب اختصار اسمي S.Aهفضل شخص مبهم لحد ما الشركه تتحسن وهظهر في الصوره
مالك:متهزريش ياسيلا انتي عارفه أن ده شبه مستحيل حد يعرف هتفرق معاكي ايه ديه شركتنا في النهايه حته لوفشلتي محدش ليه عندك حاجه
سيلا:ده شرطي يامالك باستثناء عن الأسباب وجودي في الشركه مش دائم يعني هشتغل علي بعض حاجات في البيت وبس هوقع العقد ده هااا ايه رايك
نهايه الفلاش باك
مروان بدهشه:بس ليه الشرط الغريب ده مش قادر افهمها
مراد بعفوية:بسيطه ياشباب سيلا حطت حاجه معينه في دماغها وصعب حد يعرفها واكيد ورا شرطها ده سبب وورا موافقتها بعد رفضها سبب قوي وسيب الوقت هو اللي يكشفه افضل من أن تتعب نفسك مالك انت معايا
مالك بتنهد:معرفش يامراد
✨✨✨✨
لينا:خطوه حلوه اللي عملتيها بس مش ناويه تقوليله علي السبب ياسيلا
سيلا:لا مش ناويه الفتره ديه خالص ويمكن ميقدرش يعرفه حلمي لبابا وان مشفتهوش بقالي فتره طويله رغم كنت بدعي بقالي فتره أن يجيلي في الحلم بس مكنش بيحصل وبعد كده اتلهيت في مشاكل يمكن مفهمتش المغزي الكلي من مشاورته علي مالك وابتسامته وبمان حوار الشغل ده كان وأكل دماغي فاستنتجت أن ليه علاقه وخلاص
لينا بعفوية:طيب ليه مفكرتيش أن عمي كان قصده انك متسبيش مالك وانو هو طريقك الصح اللي انتي تائهه عنه وانك تبتدي معاه حياه جديده مش مجرد شغل وبس
سيلا:باااس يالينا ياحبيبتي انا ومالك ايه بس احنا جوازنا كان غلطه اصلا ومسيرها تخلص مش ابتدي حياه جديده وانو هو طريقي الصح لانه بالنسبالي هو ابن عمي وبس
لينا بسخريه:وبس ده علي أساس انو مش جوزك مثلا
سيلا بضحك:هو يعني بالنسبالي ابن عمي اكتر من جوزي وده لان جوازنا غريب خالص
لينا بتنهد:يارب صبرني هلقيها منك ولامن اخو جوزك مراد
سيلا بضحك:لسه بتتخانقوا
لينا:اه ده شئ اعتيادي اتعودت عليه
سيلا بعفوية:قعدنا نرغي فتره لحد بليل وهي اضطرت تمشي ومروان راح يوصلها جبت الأب وقعدت عليه فكنت بشتغل علي تعديل تصميم معين فوجئت بحد بيقفل الاب فببص ماما
ناريمان:عايزه اتكلم معاكي
سيلا بضيق:ماما لوناويه تفتحي حوار جوازي فااقفلي علي السيره احسن أنا مش ناقصه
ناريمان:اه هفتحه ياسيلا عشان الغلط فيكي انتي مش انتي تفرحي بحياتك وجوازك وانا اخسر علاقتي بااختي
سيلا:ماما ليه بتحبي تنكدي عليا كل شويه أنا مليش دعوه باللي حصل وقتها ولاعلاقتك بااختك وقومت من مكاني لقتها مسكت ايدي
ناريمان بنفاذ صبر:بسبب اللي عملتيه مع جاسر وخيانتك ليه مكنتش خسرت علاقتي بااختي لا وكمان ضرب مالك ليه وانتي عشتي حياتك واتجوزتي الشخص اللي غلطتي معاه
سيلا بانفعال:بجد انتي لسه مصدقه أن ابن اختك برئ وانا اللي غلطانه وبيني وبين مالك حاجه
ناريمان:ايوه ياسيلا مصدقه انتي اللي غلطانه لانك مجنونه وممكن تعملي اي حاجه وعايزاكي تكلمي خالتك وجاسر وتعتذري منهم وتحلي الحوار
سيلا بعصبيه:لاكده كتير ياماما اعتذر ليهم ليه واكلم جاسر ليه انا لوابن اختك برئ أوي كده وانا اللي غلطانه ميدهوش الحق يعمل اللي عمله معايا ويسيبني قبل فرحنا بشويه اخر الكلام ياماما أنا مش هكلم ولاجاسر ولاخالتي ومش هبرر لحد حاجه طالما مش مصدقني حلي مشكلتك بعيد عني
ناريمان بضيق:سيلا لومعملتيش اللي عايزاه اعتبري اني مش امك اصلا يكفيني الفضائح اللي عملتيها لحد دالوقتي قرارك النهائي ايه
سيلا بجمود:مش هغير قراري وجاسر ولايهمني ولاخالتي حته ومش هعتذر من حد وكمان من أمتي بتعامليني أن بنتك اصلا حياتك الفخمه وشكلك قدام الناس واختك وابنها اللي غلطانين بالنسبالك كل دول أهم مني ياماما لوبابا كان عايش مكنش اتصرف معايا كده علي أقل كان سمعني وصدقني بدل مايسمع لكلام الناس كلها ويصدقه معاده أنا
ناريمان بضيق:كل حاجه هو ابوكي ادي آخره تربيته ليكي كان احسن انو مات قبل مايشوف فضايحك
سيلا بعصبية:متجبيش سيرته لانه كان علي أقل هيصدقني مش هيعمل زيك لما فضلتي ابن اختك عليا عشان مصلحتك وشكلك وانو راجل مستحيل يغلط لقتها ضربتني كف علي وجهي
ناريمان بانفعال:قليله الادب ازاي تكلميني كده بس من اليوم ورايح ولاانا امك ولاليا علاقه بيكي ياسيلا واتجهت لخارج وقفلت الباب ورايا جامد
سيلا بضيق:حطيت ايدي علي وجهي وشفتاي التي نزفت اثر ضربتها قعدت علي الكنبه ودفنت وجهي بين كفي بتعب لم أشعر بدخوله الغرفه ولم اشعر كم بقيت هكذا بس فوقت علي صوته
مالك باستغراب ممزوج بقلق:سيلا انتي كويسه وقربت منها فلمحت اللي بوجهها
سيلا بتوتر:انت هنا من كتير عمتا أنا هنام تصبح علي خير لقيته مسك ايدي وشدني في ايه لقيته مسح بإصبعه جانب شفتاي فغمضت عيني بالم
مالك:فكراني مش هاخد بالي ياسيلا أنا شوفت مرات عمي طالعه من الاوضه اتخانقتوا مش كده
سيلا بسخريه:عادي مش فارقه اتبرت مني قبل ماتمشي جرح صغير مش ازمه لقيته سابني واتجه لدولاب طلع حاجه وجيه لقيته مرهم لالاا مش عايزه فضلت ارجع لورا لحد مااصتدمت بالحائط وهو حاصرني لقيته قرب مني حط بإصبعه المرهم علي جانب شفتاي كان لايفصل بينا غير مسافه قصيره فااحسست باضطراب في انفاسي وضربات قلبي
مالك:سيلا مرات عمي كانت عايزه ايه واللي انتي منفذتهوش وهي قالت كده
سيلا:شئ مش مهم حاولت ابعد عنه بس معرفتش
مالك:سيلاااا مش هخليكي تعدي الا لمانتكلم
سيلا بعند:وانا مش هتكلم حته لوفضلنا كده لصبح يامالك مش فارقه
مالك:بطلي تعندي معايا ياسيلا احسنلك
سيلا بانفعال:وانت بطل تكلم معايا كده كل حاجه أسأله وانا المفروض اجاوب براحتي مش مجبره ارد عليك يامالك متنساش أن جوازنا شكلي وكمان احنا مش علي تواصل مع بعض لدرجه ان كل حاجه بتحصل اقولهالك مش هتيجي انت كمان وتضغط عليا اوف تعبت من العيشه بالمنظر ده حياتي كلها باظت بسبب الزفت جاسر مش قادره اتعايش علي حياتي الحاليه تعبت كل واحد عايزني اعمل حاجه واللي يغلطني واللي يفضل يسالني بطلوا تدخلوا في حياتي
مالك بجمود:بعدت عنها عندك حق ياسيلا مكنش المفروض اضغط عليكي بس انا حاليا كنت بطمن عليكي مش اكتر وان لو المشكله كانت بسبب جوازنا والصور كنت هحل الموضوع ده سبب سؤالي لان فكره انك تخسري حد من عائلتك وهو عايش احساس وحش لكن من انهارده براحتك ياسيلا اعملي اللي انتي عايزاه مش هدخل ولاهسأل تاني تصبحي علي خير واتجهت لسرير وقفلت النور
سيلا بضيق وفي نفسي:اوف مني لله مكنش المفروض اتكلم كده طلعت عصبيتي كلها فيه وهو مغلطش يلا عشان تكمل اشوف ابقي اصلح الحوار ده ازاي🤦
✨✨✨✨
تاني يوم الصبح،لينا:روحت المستشفي فلقيت ممرضه وقفتني
الممرضه:حمدالله علي السلامه يا دكتوره لينا نورتي المستشفي وبجد سامحيني علي تصرفي الغبي لما بعتك اسفه
لينا بابتسامه:عادي ولا يهمك مش محتاجه تعتذري كل ده انا كويسه اهو
الممرضه:بس انا سبب اللي حصلك مكنش زمان حصل كل ده معاكي
لينا بعفويه:مش بسببك ولاحاجه انا غلطت برضو أن مخدتش حذري بعد كلام دكتور مراد اتمني تنسي اللي حصل عادي كلنا بنغلط بس لازم نتعلم أن منوقعش في نفس الغلط مره تانيه أنا مسمحاكي يلا بقي هتضطر امشي عشان دكتور مراد هيقتلني واتجهت لمكتبه ودخلت
مراد:متاخره كالعاده
لينا:أنا جايه من إجازتي اصلا عشان كائن مجتهد وظبطت نضارتي
مراد:اه واضح كم الاجتهاد خدي الملفات ديه
لينا بتنهد:أنا تعبت من كتر الملفات هنوصل ليڤل نشتغل علي حاله أمتي لما ااموت مش كده
مراد بعفوية:اممم تمام لوعايزه نبتدي بدراسه حاله مفيش مشكله بس اولا بلاش تهورك تعالي معايا
لينا بقلق:اتجهت معاه لأحد الغرف هو زي عبدلله ولاايه😶
مراد:لاطبعا مش مجنون عشان ادربك علي حاله زي عبدلله ديه تبقي نور عندها مشكله في التعامل مع البشر هي متوحده نوعا ما ومش مولوده كده هي تحت إشرافي فيه تحسن بسيط في حالتها بس هي شبه مستسمله فالموضوع صعب
لينا:وايه اللي وصلها لحاله ديه أو ليه هنا في المستشفي يعني من بعيد شكلها طبيعيه
مراد:من بعيد فعلا شكلها كويس بس هي بتتعرض لنوبات احيانا وبتأذي الناس اللي حوليها فيها عمرها١٨سنه جت من سنتين وأهلها هما اللي سبوها
لينا:بس ايه اللي ممكن يوصلها لكده وهي بالعمر ده
مراد:احيانا بيكون الاهل هما السبب يالينا وده سبب كافي لمرض نفسي ولاايه لقيت ملامحها اتغيرت وشردت معقول يكون وراها قصه هي كمان
✨✨✨✨
سيلا:روحت لجدي عشان طلبني أن اروحله لأن بعد ماحالته الصحيه تعبت شويه مع كترت المشاكل اقنعناه يروح يقعد في شقته اللي ابتدت منها الحكايه فهو يحبها ويرتاح بها أكثر يعتبر بها ذكرياته كلها مع جدتي ورغم صغرها عن بيتنا الحالي فهي مصدر راحه ليه وصلت لبيت ونزلت من العربيه واتجهت لاعلي وفتحت بالمفتاح أنا جيت ياجدو ياللي وحشني 🤗واتجهت لغرفته وصمت لما لقيت مالك قاعد جنبه ايه ده بيعمل ايه هنا😶
حسين:أنا اللي اتصلت بيه
سيلا:امال اتصلت بيا ليه طالما عايزه هو🙄
حسين:عشان عايزكم انتوا الاتنين اقعدي
سيلا بعفوية:طيب اخبار صحتك ايه أنا شيفاها عال العال أنا قولت الشقه ديه فيها البركه من زمان وهترجعك شباب كده😂
حسين بضحكه خافته:بس يابنت😂 عمتا عايز اعرف انتوا متخانقين كالعاده شكلكم واضح الصراحه انتوا وحشتوني وأنا زهقت من البيت فاايه رايكم تقعدوا معايا يومين
سيلا:بس ياجدي هنقعد هنا ازاي هدومنا في البيت
حسين:من حيث الموضوع ده كلمت هدي تجهز شنطه هدوم صغننه ليكم ومروان هيجيبها معندكوش فرصه لرفض وكمان عارف أن الشقه صغيره نوعا ما بالنسبه لبيت بس مش صعب تقعدوا فيها عشان خاطري ولاايه
مالك بابتسامه:طبعا ياجدي اللي تشوفه لازم اعمل حاجه تمام اسيبك مع سيلا وخرجت من الغرفه
حسين:سيلا انتي متخانقه مع مالك ولاعامله ايه مش مرتحلك🙄
سيلا:خناقه بسيطه ياجدو متركزش هي أول مره نتخانق يعني😅
حسين:سيلا أنا عارفك كويس وانك احيانا بتخربي الدنيا بلاش تبوظي علاقتك بمالك متنسيش انو جوزك وابن عمك اللي وقف جنبك ومازال انتي مبتفكريش تقربي منه حته كصديقه تعاملك معاه مختلف عن مروان ومراد رغم انو معملكيش حاجه تاذيكي
سيلا بتنهد:انا ومالك مبنتفقش ياجدو وانت عارف ده احنا بعاد جدا أننا نبقي اصدقاء حته مبنتفهمش لأن تفكيرنا وتصرافتنا مختلفه وجوازنا مسيره ينتهي وكل واحد يكمل زي ماهو عايز
حسين:تمام ياسيلا لوافترضنا أن ده اللي هتعمليه انتي ناويه تحبي وتجوزي بعد طلاقك أو ترجعي لجاسر او ايه مخططك فهميني
سيلا:فهمتني غلط أنا مش عايزه ولااحب ولاارتبط بحد قلبي مكسور لدرجه انو صعب يحب حد ولايقدر يبقي سعيد وقتها هسافر هكمل في الشغل اي حاجه تاني غير الارتباط عايزه ابقي لوحدي
حسين بعفويه:عارفه ياسيلا صعب تعيشي لوحدك حته لو ديه رغبتك الحاليه عشان لسه قلبك مكسور وحياتك متلغبطه وجود حب في حياتك هيخلي ليها طعم مختلف ممكن تعملي كل اللي بتقوليه ده مع شخص بتحبيه برضو انا عرفت انك.ابتديتي شغل مع مالك بس هو قالي انك مكنتيش موافقه في الاول بعدين وافقتي ليه ياسيلا اعتقد انك مبتخبيش حاجه عليا
سيلا بتوتر:ولاحاجه ياجدو عادي فكرت تاني ورجعت في قراري
حسين:سيلا صعب تكدبي عليا لاني عارفك كويس اكيد فيه حاجه خليتك تاخدي الخطوه ديه اي السبب
سيلا بتنهد:بسبب حلمي بيه
✨✨✨✨
مروه بابتسامه:ازيك ياجاسر
جاسر:ايه جابك يامدام مروه وايه اللي فكرك بيا
مروه بابتسامه خبيثه:جيالك في صفقه حلوه هتعجبك وهترضيني وترضيك
جاسر:بحب الصفقات بس قوليلي ايه هي
مروه:هقولك.....
يكمل
أنت تقرأ
زواج مزيف
General Fictionكل فتاه تحلم من صغرها بفستان الزفاف والطرحه البيضاء وتتخيل نفسها وهي ترتديه فتظل تحلم بهذا اليوم والذي ستقرر فيه الارتباط بمن أحبت وملك قلبها والذي ستكرث حياتها لأجله ولأجل أن تحقق معه كل أحلامها وتضع آمالا كبيره وتخيلات لحياتها المستقبليه،فتنظر لمر...
