كل فتاه تحلم من صغرها بفستان الزفاف والطرحه البيضاء وتتخيل نفسها وهي ترتديه فتظل تحلم بهذا اليوم والذي ستقرر فيه الارتباط بمن أحبت وملك قلبها والذي ستكرث حياتها لأجله ولأجل أن تحقق معه كل أحلامها وتضع آمالا كبيره وتخيلات لحياتها المستقبليه،فتنظر لمر...
ادهم بابتسامه:لاحظت خوفها اكيد لو حاجه في أيدي هعملها عايزه ايه ليلي:بصراحه كنت عايزه ادهم:فلوس ليلي:لالا كنت عايزه رقم حضرتك عشان فيه موضوع محتاجاك فيه لو مفهاش مشكله يعني ادهم بابتسامه:لا عادي انتي تؤمري ده الكارت بتاعي لواحتجتي اي حاجه متتردديش اعتبريني ابنك ليلي بابتسامه:تسلم ربنا يخليك لعائلتك بعد مامشي اتجهت لغرفتي لاخرج سلوبت صغير وبطانيه اطفال لابتسم بحزن وانا أنظر إليها لتفر دمعه من عيني انهارده المفروض كان عيد ميلادك كان نفسي اشوفك و احضنك لو مره واعملك حاجات كتير بس انا خسرتك ومقدرتش اشوفك حته ولااقرب منك سامحني يابني لاحضن البطانيه وانظر لتلك الالعاب وانهار باكيه ☃️☃️☃️☃️☃️ لينا بتعب:ابتديت افتح جفوني فلقيته صاحي لاوكمان ماسكه أيده اسفه نمت من غير مااخد بالي انت فضلت قاعد كده طول الليل مراد:اه قولت يمكن تحتاجي حاجه لينا بتنهد:مكنش فيه داعي تتعب نفسك كل ده عشان احساسك بالذنب يامراد مراد بعفوية:اممم بس انا معملتش كده عشان احساسي بالذنب يالينا عملت كده لانك تهميني وانا كنت قلقان عليكي مش اكتر مش كل حاجه تفسيرها علي مزاجك لينا بتنهد:تمام اسفه بس انا كويسه احنا المفروض هنمشي مش كده بس بالنسبه لهدوم مراد:جبتلك هدوم امبارح اهي الممرضه جت وهتساعدك وانا هروح اخلص الورق عشان تخروجي وتركتها واتجهت لخارج وبعد فتره رجعت كانت خلصت وقعده علي السرير لينا بتساؤل:مسكت طرف الفستان بس ده مكنش من لبسي يامراد مراد:منا جبته امبارح مش كنت لسه هرجع علي البيت قدره تقومي ولا لينا باحراج:لاهمشي عادي وقومت وقفت بس كدت اقع بس لقيته سندني واتجهنا لخارج ساعدني اركب السياره مراد:عم الهدوء لفتره لاقطعه تتحسدي قعده هاديه ولاتعبانه لينا:لامش تعبانه اوي مراد:امال مالك هادئه زياده ليه عن الطبيعي لينا بعفوية:لاعادي قولت اريحلك دماغك بمان بقالك يومين او اكتر مش نايم لاسكت قليلا مراد مراد:نعم لينا:هو لوكنت مت كنت هتعمل ايه لقيته وقف العربيه بعيدا عن احساسك بالذنب مراد:ايه مغزي من سؤالك يالينا لينا بعفوية:مجرد سؤال خطر علي بالي حبيت أسأله مراد بتنهد:لينا أنا متنمناش ولادقيقه من اليومين اللي فاتوا افتكرهم كان اسوء احساس أعيشه والاسوء وهو وأنا شايفك بتموتي قدامي وانا مش قادر اعمل حاجه كنت خايف لاني عارف انك مش عايزه حياتك ديه ولاعايزاني أنا شخصيا فتقرري تستسلمي وتفضلي في غيبوبه أو متفضليش اصلا وفكلتا الأحوال كنت هخسر حياتي وروحي مقدرش حته اتخيل الوضع كان هيبقي ازاي لاغمض عيناي وافتحهما حته اهدأ شوفي عايزه اوصلك لفين يالينا لينا بعدم فهم:بمعني مراد بمحاوله التماسك:بديكي حريه الاختيار يالينا انك ترجعي معايا علي البيت ولا اوديكي لعند مامتك اللي انتي عايزاه وحباه هعمله لينا:اشمعنا دالوقتي بتعرض عليا حريه الاختيار فين تمسكك واللي كان سبب في مشاكل كتير ايه اتغير مراد:ولاحاجه اتغيرت بالعكس أنا بدل ماكنت معجب بيكي بقيت بحبك وأمكن الكلمه ديه أبسط من اللي بحسه اتجاهك بس في نفس الوقت حابب اعمل اللي يريحك ويسعدك وطبعا عارف أن ده مش هيبقي وانا موجود في حياتك يالينا أنا معرفش ابقي بالنسبالك ايه فبقولك هعملك اللي انتي عايزاه حته لو قرارك معجبنيش لينا بضيق:تمام يامراد عايز تطلع الكويس والمضحي وانا اللي وحشه ومعنديش احساس بس مش هنولهالك مش رايحه في حته وإذا كان عاجبك أما انت بالنسبالي ايه فمش هتفرق كتير لاغمض عيناي واخذ شهيق وزفير حته اهدأ مراد أنت بقيت شخص مهم في حياتي بس ليه معرفش أو بعتبرك ايه برضو معرفش لكن في أغلب الأوقات مببقاش قصدي كلامي ولاتصرفاتي اللي ممكن تجرحك أنا محترمه مشاعرك ديه يامراد بس انا معرفش حقيقي بس كل اللي متاكده منه أن بثق فيك وبحس بالأمان وانا معاك مراد بعدم تصديق:انتي طبيعيه يالينا يعني انك تقولي حاجه زي كده لينا بضحك:متحسسنيش انو بعذبك ومطلعه عينك يامراد😂 لقيته رفع حاجبه احم يعني هو شويه الله براحتي يعني انت مبتسم ليه مراد بعفوية ممزوجه بابتسامه:كنا وصلنا فوقفت السياره كان وحشني مناقرتك ليا الحقيقه يعني الهدوء ده مكنتش متعود عليه ومكنتش لاقي حد ياخد هدومي ويطلع عيني باستثناء اعتراضك علي كلامي ده بس انتي وحشتيني يالينا لينا بعفوية:اممم مش هعترض علي الكلام بس انت لازمك راحه لأن شكلك مرهق جامد يامراد ونزلت من السياره واتجهنا لداخل واضح أن لسه الكل نايم مراد:تقريبا واتجهت لغرفتنا لاقلع الجاكت وافك بعض ازرار القميص أنا هروح أبدل هدومي وارجعلك وسبتها لينا:تمام واتجهت لمكتب لاري مذكراتي لافتحهم لاري ورقه لاقرأها"حمدالله علي السلامه لوحابه تنقذي نفسك ومتزوريش المستشفي تاني ولا المره الجايه تفقدي حياتك وفي نفس الوقت ترجعي لحياتك الطبيعيه وتخلصي من الجوازه اللي اتجبرتي عليها اعملي اللي بقولك عليه في نص المذكرات هتلاقي كيس صغير فضي جزء منه في عصير جوزك لأن اعتقد أن حياتك بالنسبالك اغلي ومتفكريش تقوليله حاجه لان براقبك"ابتلعت ريقي بصعوبه لافتح المذكره والقي الكيس ولكن لاغلق المذكره سريعا وأحط الورقه اثر احساسي بخطواته ليحتضني من الخلف خضتني يامراد مراد بعفوية:معتقدش لاطبع قبله علي خدها كنتي حسه بوجودي متخضتيش واقفه ليه انا قولت هرجع القيكي نائمه واستغل الفرصه واكسر القاعده واخدك في حضني وانام بوظتيلي خطتي😕لابتعد عنها اثر هدوئها الغريب انتي كويسه فلقيت نظرتها غريبه لينا كنت بهزر اه عايز اعمل كده بس اكيد مش هضايقك مثلا أنا هروح انام شويه لوتعبتي أو فيه اي حاجه صحيني واتجهت لسرير لينا بابتسامه اثر كلامه ممزوجه بتردد:بعد ما لقيته نام علي طرف السرير اتجهت لسرير واقتربت منه بعد تردد كبير لاقترب أكثر لاضع راسي علي زراعه واضم نفسي ليه ليفتح عيناه مراد بعدم تصديق:ده بجد أنا مكنتش مضايق و لينا بابتسامه:ششش نام يامراد أنا جايه بمزاجي قولت لازم استغل حضنك شويه لو رجعت في كلامك انام مكاني لقيته ضمني أكثر ليه لابتسم واغمض عيناي محاوله تناسي مايشغل تفكيري ويقلقني ☃️☃️☃️☃️ سيلا بابتسامه:فتحت عيناي لاري اني مازلت نائمه بحضنه حته الان لارفع راسي لاراه مازال نائما فابتسم بخبث واتحرك بخفه لاخرج شئ وازمر به جنب وجهه ماااالك ليستيقظ مفظوعا مالك بفزع:في ايه لاراها تضحك سيلا بضحك:مش قادره قولت اصحيك بطريقه مختلفه وحنينه صباح الخير ياحبيبي😂 مالك بغيظ:حنيتك هتجيب اجلي ياسيلا منك لله وخدتها من ايديها زماره ياسيلا حد يصحي حد كده ده انتي لوعايزه تخلصي مني وتموتيني بازمه قلبيه مش هتعملي كده😕 سيلا بضحك:ايه رأيك فكره جديده مجربتهاش قبل كده ولاحد جربها اعتقد😂وبعدين هعوز اخلص منك ليه بس انا قولت اعمل فيك مقلب عشان بقالي كتير معملتش😅 مالك بنفاذ صبر:وانا اللي قولت عقلتي لاسمح الله ومسكتها من البلوزه اللي لبساها وشدتها بخفه باتجاهي اعمل فيكي ايه اشعلقك علي اي مسمار عالي عشان متطوليش تنزلي طيب عشان تحرمي سيلا:أنا عارفه انك متقدرش تعمل كده في مراتك حبيبتك ولاايه 😌 مالك:متثقيش في نفسك كده عشان مفيش حاجه مضمونه مش معني أن بقيت بتعامل معاكي عادي أن مشعلقكيش زي زمان يابنت عمي وشويه وهرتكب جريمه قتل😒 سيلا بملامح طفوليه:عايز تقتلني وتشعلقني عشان مقلب صغنن قد كده🤏مفيش قلب يخربيت الظلم🥺وبعدين سيب البلوزه بقي انت ماسك حرامي🙂 مالك بسخرية:وهو الحرامي همسكه كده قلبك طيب ياسيلا😏 سيلا بعفوية:كنت هتتاخر علي شغلك وانا صحيتك ادي آخره فعل الخير في الدنيا ديه🙄لاعدل خصلات شعري لورا مفيش في حنيتي اصلا وطيبتي وهدوئي متجوز ملاك😌😇 مالك بسخريه:اوه ملاك مره واحده ده من وانتي طفله مكنتيش ملاك هتبقي دالوقتي وبعدين أنا مستغني عن حنيتك خلهالك😒 سيلا بغيظ:اعاااا المفروض تطبلي وتقولي كنت طفله قموره وهادئه ايه المعامله ديه🥺هو عشان كنت مجنونه وانت كنت طفل رخم لقيته رفع حاجبه احم قصدي لطيف او نوعا ما عاقل عني والحمدلله مبقتش💃 مالك بعفويه:لسانك بينقط سكر ياسيلا الحقيقه يعني حته انهارده مقدرتيش الا وانتي بترمي دبشك كده سيلا بضحك:ليه هو انهارده في ايه عشان مرميش دبشي لاسمح الله😂فلقيت ملامحه اتغيرت مالك:انتي مش فاكره انهارده في ايه🙂 سيلا بعفوية:هفتكر ايه عادي انهارده يوم زي اي يوم ايه الجديد مذكرش أن فيه عيد مثلا مالك بابتسامه عكس مايشعر به:اه عندك حق عمتا انا هقوم عشان متاخرش عن شغلي واتجهت لحمام فأنا كنت مضايق فكيف لاتتذكر ماهو اليوم ☃️☃️☃️☃️ سيلا:روحت علي الجريده عشان كان بقالي فتره مروحتش لاشاهد خناقه علي الطريق كنت هطنش بس فيه حاجه خلتني انزل واتجه اليهم غالبا فضولي فاتجهت بالقرب منهم فلقيت واحده مسندنها وواحد عمال يتخانق معاها في ايه بتكلم معاها كده ليه الرجل:وانتي مالك انتي سيلا بعصبية:كنت أراها تبكي حته أنها لاتقدر علي الوقوف اتكلم عدل احسنلك علي أقل احترم أنها قد امك او علي الاقل حته لو حصل ايه ميدكش الحق تتكلم وتتعامل معاها كده الرجل:لا ليا حق لما تكون عاميه وترمي نفسها قدام عربيتي وتتخبط أنا اللي وهروح في مصيبه وطبعا من شكلها ده هتستغل الموقف وتطلب تعويض ده لومكنتش قاصده ليلي بتعب ممزوج بدموع:انا مقصدتش اكيد مش هأذي نفسي عشان فلوس العربيه طلعت فاجئه ملحقتش اتفادها أنا مش عايزه منك حاجه ومش هشتكي سيلا:سمعت مش معني انك غني ومعاك عربيه متهتمش بالناس وكمان تبجح رغم انك غلطان يااستاذ أنا لومنها كنت اشتكيت عليك ده حقها عشان تتعلم الادب وان الشارع مش ليك لوحدك وانك تحترم غيرك الرجل بعصبيه:وانتي مين عشان تعرفيني الصح من الغلط خليكي في حالك ومتدخليش مجتش غير واحده اللي هتعلمني وكمان تحاسبني لقيتها ماسكه الموبايل وبتكلم حد بتعملي ايه سيلا بابتسامه:مش أنا واحده مين اللي تعلمك الادب ومستقل بيا الو ياادهم فيه واحد خبط واحده وكان هيقتلها ومش بس كده عمال يهنها عشان هي ست غلبانه وهو معاه فلوس ومستقل بيا أعتقد أن لازم تبعت ناس يقبضوا عليه وانا والناس هنشهد علي اللي عمله هيتظبط مش كده وفتحت الاسبيكر ادهم بعفويه:اكيد هبعت ناس دالوقتي وممكن اجي أنا كمان مهو مينفعش حد يغلط في مرات اخويا وكمان ده غير القضيه الاساسيه وان هيتسحب منه الرخصه أو يدفع غرامه أو يفضل عندنا شويه لو اشتكت عليه الرجل بخوف:احم أنا اسف ياباشا اخر مره ومش هتكرر أنا اسف يامدام متعمليليش مشاكل سيلا:قفلت المكالمه متعتذرش مني اعتذر منها لو سامحتك مش هعمل حاجه الرجل:حاضر أنا اسف ليكي اي حاجه عايزاني اعملها هعملها سامحيني لوحابه اوديكي المستشفي اي حاجه معنديش مشكله ليلي:أنا مش عايزه حاجه انا مسمحاه سيلا بابتسامه:حظك أنها ست طيبه ومرضتش تأذيك روح بعد مامشي تعالي معايا هنعدي علي المستشفي نطمن أن رجلك مفهاش حاجه ليلي:مفيش داعي تتعبي نفسك شكرا علي اللي عملتيه سيلا:بس انا مصممه وسندتها واتجهت لسيارتي قعدتها واتجهت لمكاني وكلمت ادهم شكرا ياادهم تعبتك معايا أو عطلتك ايهما اقرب😂 ادهم:لاعادي ولايهمك اتصلي في أي وقت خلص الموضوع ولااجيلك سيلا بضحك:عيب عليك أنا محدش يقلق عليا خلصت الموضوع هو اه استغليتك شويه بس مش مشكله ادهم:اه مانسيت أن دماغك عاليه ويتخاف منك سيلا بضحك:مش اوي كده يلا هقفل عشان اعرف اسوق وقفلت معاه واتجهت لمستشفي ☃️☃️☃️☃️ ادهم:روحتله مكتبه صباح الخير لقيته هيتكلم حته لومشغول هقعد مالك بعفوية:صباح النور خد راحتك عادي ادهم:اممم قولت اعيد عليك بعيد ميلادك كل سنه وانت طيب يامالك وقولت اجي ازهقك شويه خدت إذن من شغلي لقيته سرح مالك انت كويس مالك:اه وانت طيب ياادهم شكرا مكنش فيه داعي تتعب نفسك ادهم:لاولو انت غالي عليا برضو اخبارك ايه مالك:كويس نوعا ما عندي حاجات مش مظبطه بس هتعدي ادهم:اول مره اشوف حد مكشر يوم عيد ميلاده وده سببه ايه متخانق مع سيلا مالك:لا مش متخانقين بس مضايق شويه سيلا اللي طول السنين اللي فاتوا منسيتش عيد ميلادي نسيته السنادي ادهم بتفهم:اممم بس ممكن يكون ناتج المشاكل الكتير اللي عندكم في البيت يامالك يعني اعذرها كم اللي حصل بعد جوازكم محصلش السنين اللي فاتت وبعدين ياعم لسه بقيه اليوم مالك:سيلا متغيره ياادهم ومش معني اني ساكت أن عجبني بس مش حابب أعمل مشكله كل شويه معاها عشان منخسرش بعض ادهم:بص يامالك من خلال مقابلتي لسيلا وكلامي معاها كام مره فهي بتحبك فعلا واكتر حد ممكن يخاف علي مصلحتك اكيد سبب قوي ورا تصرفاتها بالمناسبه عرفت مين اللي وصل الصفقه لاستاذ محمود من البيت يعني حد مثلا جديد زي لارا ولينا مالك بعفوية:لادول ملهمش علاقه أنا واثق من ده لان اعرفهم من مده وكانوا بيجوا البيت علطول وحته لارا اللي بتشتغل هنا فأنا عارفها كويس أنا شاكك في حد تاني وطلعت فيديو ورتهولوا ادهم:كان فيديو لشخص بيدخل الغرفه مش ظاهر غير ضهره لابس اسود فاسود بس مش باين غير أيده ديه ايد واحده الخدامه أو حد من برا ودخل مالك:مش الخدامه لأنها مكنتش موجوده في اليوم ده في البيت ومحدش طلع ولادخل البيت في الوقت ده انا شاكك في مدام هدي ادهم بصدمه:مالك ديه امك في النهايه باستثناء الخلافات اللي بينكم معتقدش أنها هتأذيك لاوكمان لصالح ابوك صعبه مالك بجمود:مدام هدي ممكن تعمل اي حاجه ياادهم وانت عارف ده هي مبتعتبرنيش ابنها اصلا ادهم:هي اه غلطت في حقك كتير يامالك بس ده مش سبب مالك:ولوطلع شكي صح وأنها هي انت عارف معني اللي عملته ايه أنها بتأذيني لسبب وأنها بتوقعني مع سيلا ادهم:مش فاهم مالك:عشان الملف كان في اوضتي ده اولا ده غير في الفتره الاخيره فيه حاجه بينها وبين سيلا كأنهم متخانقين سالتها بس مجاوبتنيش كالعاده مش هيحصل خير لواتاكدت أنها اللي وراها ☃️☃️☃️☃️ هدي:كنت عايزني في ايه ياعمي حسين:هدي من رأي تكلمي مع سيلا وتعرف بقيه الحقيقه بدل مالوضع يسوء هدي:عايزني اقولها ايه انت شايف انها من الناس اللي تسكت سيلا غاويه مشاكل وده كان واضح من ساعت جوازها من جاسر حسين:هدي متنسيش أن سيلا حفيدتي هي معملتش حاجه عشان تكلمي عنها كده هدي:عشان حفيدتك ديه هتكون سبب في دمار البيت ومشاكل كتير بس لو اي مشكله من المشاكل ديه اذيت ابني مروان مش هيحصل خير حسين باستنكار:ابنك مروان وبالنسبه لمالك مش ابنك يعني محبتهوش ولارضعتيه لمده سنه علي أساس انو ابنك هدي:ده عشان ابنك ضحك عليا وافتكرت لمده سنه وشويه انو مالك ابني لكن بعد الحقيقه كان صعب اعتبر ابن واحده تانيه ابني ولحد دالوقتي الفكره صعبه عليا أنا ممكن اعتبر مراد ابني لكن مالك لا المهم انك تعقل سيلا معتقدش هتحب أن تظهر بقيه الحقيقه حسين:مش هقف في طريق سيلا ياهدي بس كنت متخيل انك اتغيرتي ونظرتك اتغيرت لمالك وندمتي بس كنت غلطان واضح أن كان فيه مصلحه ورا ده انا ظلمت حفيدي بأن مقولتلوش الحقيقه وكنت دورت علي ليلي اللي انتي ومحمود ظلمتوها كتير ولو عرفت اوصلها وكانت عايشه هعمل اللي فيه مصلحه لحفيدي ياهدي أعرفي انك هنا عشان خاطر مروان وبس وصدقيني أنا مش ضعيف زي مانتي شايفه انتي ومحمود وقادر اعمل حاجات كتير هدي بسخريه:وهتظهرلك ليلي منين ياعمي ده أن كانت عايشه اصلا وبعدين أنا مظلمتش حد أنا خدت حقي وبس وهي خدت جازتها بأنها اتحرمت من ابنها حسين بجديه:انتي عارفه كويس انها مغلطتش وانو كان غلط محمود ومع ذلك ظلمتيها محدش يستحق أنو يتحرم من ابنه ياهدي ربنا اداكي نعم كتير بس مداكيش قلب هدي:لدرجاتي شايفني قاسيه ياعمي أنا مغلطتش انتوا اللي جيتوا عليا وبسببكم خسرت ابني حسين:كفايه بقي كلام في الموضوع ده انتي عارفه انها اراده ربنا وغلطتي لما عاقبتي مالك وقسيتي عليه من غير سبب تحت حكم انو غصب عنك ☃️☃️☃️☃️ لارا:كنت بعدي قدام الغرفه وسمعت صوتهم فوقفت استمع لاصدم اثر كلامها فهي ماذا فعلت وماذا يقصد جدي بكلامه هذا لأسمع حركه فجايه اتحرك سريعا قبل أن يراني أحد فلقيت حد شدني لاري أنه مروان خضتني انت جيت أمتي مروان:انتي عارفه انو مش صح تتنصتي لكلام حد يالارا لارا:احم مكنتش بتصنت علي حد يامروان مروان:انتي بتكدبي يالارا انا شوفتك تصرفاتك هتعمل مشاكل وبالذات لو كانت ماما شافتك لارا:اسفه بس صوتهم كان عالي ولفت انتباهي وانا معديه بس لاتحرك من أمامه ليمسك ايدي ويتجه لغرفتي ويغلق الباب خلفه في ايه يامروان مروان:أنا اللي مفروض أسألك السؤال ده يالارا بتعملي ايه انتي وسيلا لارا:مبنعملش حاجه مروان بسخريه:بتكرهي الكدب وانتي اول واحده بتكدبي انا شوفتك لما دخلتي اوضه ماما امبارح كنتي بتدوري علي ايه لارا بعفوية:الشاحن عشان مكنتش لاقيه بتاعي هدور علي ايه يعني وانت بتراقبني ليه مروان:مش براقب حد شوفتك صدفه لارا بحذرك بلاش تعملي حاجه تخربي بيها الدنيا اكتر ماهي خربانه ومتنسيش أن ديه عائلتك مش شغاله علي قضيه تبع شغلك لارا:أنا عارفه كويس الكلام ده يامروان مش محتاج تقوله كان هيمشي فمسكت أيده أنا اسفه علي تصرفاتي الفتره اللي فاتت مكنش المفروض اعمل رده فعل بالمنظر ده مروان بضيق:معتقدش أن كلمه اسفه هتحل اللي عملتيه يالارا انتي وجعتيني لما شككتي فيا ورفضتي تصدقي كلامي وتفهميني حته وانا مكنتش متصور انك تعملي كده معايا يالارا لارا:طيب ممكن اعمل ايه احل بيها الموقف عشان تسامحني مروان:معتقدش أن حاليا مستعد لده يالارا ولالكلام حته واتجهت لخارج لارا بتنهد بحزن:اوف لازم اشوفلي حل ونتصالح ياريتني ماعملت كده يخربيت دبشي وكمان لازم اتكلم مع سيلا اللي معرفش مختفيه فين هروح اكمل اللي كانت طالبه مني اعمله عقبال ما ترجع ☃️☃️☃️☃️ هدي:لقيته رجع مالك عامل ايه مالك:خير يامدام هدي ادخلي في اللي عايزاه معتقدش أن صحتي تهمك كتير هدي:مالك متنساش اني.. مالك:امك قديمه يامدام هدي خير هدي:خلي مراتك تعقل يامالك عشان مش ناقصه اتحملها مالك:ليه سيلا عملت ايه هدي:بتدخل في اللي ملهاش فيه وفي حياتي وانا مش هتقبل ده فخليها تعقل وتبعد عني احسنلها لأن واضح أن شخصيتها أقوي منك وانت مش عارف تسيطر عليها مالك بعصبية:مدام هدي خلصتي اللي عندك عايزه توصلي لايه بكلامك ده أن اروح اتخانق معاها مثلا انا معرفش المشكله اللي بينكم ولاعايز ادخل وده مش عشان شخصيتي ضعيفه بس عشان انتي اكتر حد هيضايق هدي بغيظ:قصدك ايه مالك بعصبية:قصدي أن انتي اللي مبيعجبكيش حاجه وانا متاكد انها مغلطتش في حقك اصلا من غير مااسالها حته هدي بانفعال:واضح انها بقت مسيطره عليك كمان يامالك بقولك غلطانه في حقي وبرضو واقف معاها كان اكبر غلط جوازك من واحده زيها حسين باستنكار:في ايه ياهدي ويامالك صوتكم جايب اخر الدنيا ليه مالك:السبب هي منتظره أنها تغلط فيا وفي سيلا وافضل ساكت لاوكمان اروح اتخانق مع سيلا عشانها سيلا:اتجهت لداخل لقيتهم بيتخانقوا في ايه يا جدعان حسين:ولاحاجه حمدالله على السلامه ياسيلا سيلا:الله يسلمك ياجدو احم أنا معايا ضيفه هتفضل هنا كام يوم لحد ماتتحسن ولوحبت تفضل وتشتغل مع الخدامه اللي هنا او ترجع لشغلها علي حسب هي بره هي ست طيبه بس اصرت أن اعرفكم الأول أنا قابلتها صدفه انهارده وهقولكم بقيه التفاصيل بعدين عندكم مشكله هدي بسخريه:حد قالك أن هنا ملجأ لاي حد محتاج ياسيلا عشان تقعد معانا حسين:حسيت باحراج سيلا مفيش مشكله ياسيلا خليها تتفضل بيتنا ينور سيلا:شكرا ياجدو واتجهت ليها وسندتها واتجهت لداخل اعرفكم طنط ليلي هدي بصدمه:..... يكمل
حبيت اعوضكم ببارت طويل سيكا لان بقالي فتره مش عارفه انزل منها لله زنقه قبل الامتحانات🥺اللي مخلياني مش عارفه اكتب🤧أنا مش عارفه هقدر انزل البارت الأربعين الفتره ديه ولالا الحقيقه لأن امتحناتي في شهر واحد لاسف يعني وعارفه أن مقصره وكنت بآخر كتير في التنزيل الفتره ديه واسفه جدا للي متابع الروايه اتمني محدش يضايق علي ده عمتا لوخلصت البارت الأربعين هنزله قريب مقدرتش هيبقي لاسف لبعد نهايه امتحناتي بس نتمني أن اخلصه لأن فيه احداث حلوه كتير جايه استنوني واتمني أن البارت يعجبكم❤️❤️🙊
Oops! This image does not follow our content guidelines. To continue publishing, please remove it or upload a different image.
