زواج مزيف

البارت الخامس عشر

لينا:اومال ايه اللي خلاك تاخد الخطوه ديه رغم انك عارف اني رفضاها يامراد
مراد:مش هيهمك السبب اوي يالينا عمتا انا اتكلمت مع مامتك وحددنا الخطوبه بعد يومين
لينا بصدمه:ايه ليه مش بدري اوي كده ليه الاستعجال
مراد بعفويه:لينا أنا بقولك خطوبه مش هنتجوز بعد يومين مش حابب يحصل مشكله زي اللي حصلت
لينا بضيق:والتمثيليه اللطيفه ديه آخرها امتي
مراد بجديه:بس انا مقولتش أن علاقتنا تمثيليه يالينا وآخرها هتكوني مراتي مش حاجه تانيه
لينا بانفعال:نعم مراتك بتهزر مش كده يامراد وخدت السكينه من قدامي وقربت منه اقتلك وارتاح طيب بتعمل فيا كده ليه لقيته شدني من زراعي ففقدت اتزاني ووقعت في حضنه فكنت قريبه منه جامد
مراد:نظرت لعينيها مش هتراجع عن اللي عايزه وعايزه تقتليني أنا قدامك اهو وتبقي خلصتي مني غير كده مفيش امل تخلصي مني يالينا وابعدت خصلات شعرها لوراء وكلها فتره وتبقي مراتي ومش هتقدري تمنعي ده
لينا باضطراب في نبضات قلبها وانفاسها اثر قربه:فشردت في عينيه بس فوقت علي صوت ماما فبعدت عنه وتلاشيت النظر اليه فأنا يحدث لي هذا مره اخري أن اهدأ بقربه رغم غضبي
مني:اتفقتوا ياولاد
مراد:اه ياطنط بعد يومين زي مااتفقنا ناقص بس اعرف لينا حابه الخطوبه تبقي فين وازاي
لينا بتنهد:مش هتفرق حته لوعملناها هنا في البيت
ونعزم القريبين لينا وخلاص
مني:لقيت صمت يعم المكان بعد كلامها بص يابني ديه بنتي وانا عارفاها لوسبتلها الموضوع هتخربه فااعمل اللي يريحك انت وتشوفه كويس
مراد:تمام هشوف مالك واظبط الدنيا واتصل بحضرتك
لينا بغيظ:بماني شبه قفص الجوافه هنا مليش لازمه فابقوا اعملوا اللي انتوا عايزينه وبلغوني وطلعت من الغرفه واتجهت لغرفتي وقفلت الباب علي نفسي
مني باحراج:أنا بعتذر يابني لينا ليها تصرفات غريبه شويه
مراد بابتسامه:لاعادي أنا اتعودت عليها بالمناسبه هو مازن لسه بيضايقها
مني بضحك:قلبك طيب اوي يابني ديه اديته حته علقه وخدت حقها الصبح عشان عمل مشكله لينا مبتسكتش عن حقها متقلقش ضاربه ناس كتير لحد دالوقتي ميغركش شكلها😂
مراد بدهشه:اه واضح ربنا يستر
                        ✨✨✨✨
سيلا بصدمه:جااااسر!!فأنا رأيته وواقف جنب جاسي ومحاوط خصرها بزراعه
مالك بانفعال:بيعمل ايه هنا وانت ازاي دخلت مش مانع انو يدخل البيت هنا اطلع بره بدل ماانديلك الأمن ياجاسر وقبل مااقربله لقيت جاسي وقفت قدامي ابعدي عن طريقي احسن ياجاسي ومتدخليش نفسك في قصص انتي مش قدها باي حق تدخليه البيت أنا هخرجه بمعرفتي
جاسي بانفعال:ابعد يامالك مش من حقك تقرب منه أو تأذيه وبعدين هو دخل البيت لانه جزء من العائله جاسر جوزي ومش هسمحلك تقربله
مالك بصدمه فهو لم يتخيل أنه سيحدث هذا فقد رأي ابتسامه انتصار علي وجهه:انتي اكيد اتجننتي اتجوزتي أمتي وايه اللي يخليني اصدق ده
جاسي:طلعت قسيمه الجواز ده دليل مش كده واه اتجوزنا امبارح وبمان بيت جاسر مش جاهز فيه توضيبات عشان اكيد مش هعيش فيه وهو كان كله من ذوق مراتك لأنها كانت هتبقي مرات حبيبي قبل مايسيبها فهنفضل هنا وانا كلمت بابا محمود وهو موافق أننا نفضل هنا الوقت اللي نحبه
مالك بعصبية:ده باي حق مش اتجوزتي اللي انتي عايزاه وخلصنا ولافكره انو بيتك اصلا كمان عشان تجيبي الحيوان ده هنا مش هسمحلك بده هو مش هيفضل ولادقيقه هنا وبعدتها عن طريقي ومسكت فيه فضربته بالبوكس في وجهه
سيلا بقلق:لازم ابعدهم عن بعض قبل ماتحصل مصيبه مالك مالك عشان خاطري ابعد عنه فكان نازل فيه ضرب هو إصابته بعد الضربات بعد معاناه بعدتهم قربت منه انت كويس انتوا اتجننتوا
جاسر بعصبيه:جوزك هو اللي بدأ مش هفضل ساكتله كتير
مالك بعصبية مفرطه:لابجد وريني هتعمل ايه ياجاسر ولسه كنت هقرب منه لقيتها مسكت ايدي
سيلا بعصبية:بااااس انتوا الاتنين اوف لقيته ابتسم فوقفت قدامه متفرحش اوي ياجاسر واتمني تخليك في حالك ومركز مع مراتك وبس عشان غير كده مش هيحصل خير واه حاجه كمان ياريت تحاول منشوفش وشك كتير ياابن خالتي عشان بتشائم ويومي بيبوظ لاسف لحد ماتغور من بيتي وسيبته واتجهت لغرفتي مفيش حاجه ولقيت مالك جيه
مالك:سيلا لقيتها سبيتني واتجهت لدولاب
سيلا:اتجهت لدولاب جبت علبه الإسعافات واتجهت ليه وقعدت جبت قطنه وحطيت عليها معقم وعملت بيها اثر الجرح اللي جنب فمه مكنش فيه داعي للي عملته يامالك
مالك بضيق:بجد شايفه أن اللي حصل ميخلنيش اتعصب أنا مش حابب وجوده هنا ياسيلا الا لوانتي..
سيلا بنفاذ صبر:قطعت كلامه وبعدت ايدي ووقفت قدامه مش هنخلص من ام الحوار ده قولتلك جاسر ميفرقش معايا حته لو كان بيموت قدامي بس هعمل ايه يعني مش هغير اللي حصل بعصبيتي وانت كل اللي فكرت فيه أن اعتراضي علي تصرفك أو أن وقفتك عشان لسه بحبه اوووف كنت لسه همشي من قدامه قبل مااتعصب اكتر بس اتفاجئت بأنه شدني لحضنه فكنت قريبه منه جدا فكنت هبعده بانفعال بس لقيته مال واحتضن شفتاي في قبله وقربني أكثر منه من صدمتي لم أشعر أنه ابتعد عني
مالك بابتسامه:لقيتها متنحه وجهها اصتبغ باللون الاحمر فهمست بجانب أذنها ياريتني عملت كده من فتره لواعرف انك كده هتسكتي😉
سيلا بصدمه وعدم استيعاب لما حدث:ايه!!
مالك بضحك علي رده فعلها:خلاص اهدي قلت اسكتك واهديكي شويه ونجحت في ده😉
سيلا بغيظ:قصدك استغليت الموقف يامالك😒
مالك بعفوية:يعني مانتي مكنتيش هتسكتي غير كده عشان اعرف اتكلم
سيلا:هتكلم في ايه فيه اتهام ناسيه لسه
مالك:سيلا انتي فهمتيني غلط اصلا أنا قصدت مش حابب وجودك هنا في نفس البيت مع جاسر لأن اغلب الوقت بتبقي في البيت وانا في الشركه ومش هكون مرتاح كده مش فكره ان بشك فيكي ياسيلا
سيلا عقدت حاجبيها بشك:افهم من كلامك ده انك غيران عليا يامالك
مالك بجمود عكس مايشعر به:بعدت عنها لاهغير ليه يعني ده مجرد عدم ارتياح لانك عارفه المشاكل اللي بيعملها
سيلا:ده بجد!!
مالك:اه هيكون ايه غير ده
سيلا بغيظ:اه لامتقلقش قدره اتخطي المشاكل اللي هتحصل في النهايه هو قريبي برضو وهعرف اتعامل معاه تصبح علي خير واتجهت لحمام بعد ماخذت هدوم
مالك بتنهد:اوف أنا لازم القي حل لجاسر مش هسيبها وهو في نفس البيت لا بس لازم افكر كويس هعمل ايه
                      ✨✨✨✨ 
بعد مرور يومين،سيلا:لارا سرحانه في ايه يابنتي يلاعشان تجهزي أنا ولينا خلصنا
لارا بتنهد:ممكن مروحش ولالينا هتولع فيا
سيلا بنفاذ صبر:لارا بقالك يومين مش مظبطه مالك وكمان يعني انتي عارفه احنا بالنسبالها ايه فهتيجي لأهم يوم المفروض جنبها وهتمشي عارفه ممكن تحس بايه وقتها
لارا بضيق:مش بايدي أنا مش عايزه اشوفه ولو روحت مضطره أقابله
سيلا:معرفش انتوا متخانقين غالبا بس اللي اعرفه ان لينا ملهاش دعوه وكمان مش بتعتبري مراد زي اخوكي فااعتقد عيب اوي انك متروحيش بسبب مشكله هتتحل عادي روحي اجهزي وبعد الحفله لينا كلام وسبتها واتجهت لغرفه اللي بها لينا فكانت خلصت حبيبي القمر كنتي مخبيه ده كله فين
لينا بابتسامه:حبيبتي وحضنتها امال فين لارا مختفيه من ساعت ماجت
سيلا بعفوية:ديه طلعت عيني كل شويه تقول لاحاجه مش مظبوطه بقالها ساعتين قدام المرايه يوم فرحها هتتعبنا اوي لقتها ضحكت واخيرا شفنا ضحكتك يابنتي😂
لينا بضحك:فصلتيني يابنتي وبعدين منا بضحك اهو مالي😂بس
سيلا:بس ايه
لينا بتنهد:انتي اتكلمتي مع مراد يمكن يتراجع بجد الموضوع مش سهل عليا وانا مش هتحمل فكره أن حد يتخلي عني تاني ولايسيبني هو حته ميعرفش حاجه عن الماضي بتاعي ولاالحادثه اللي دمرت حياتي اكتر ماهي كانت مدمره
سيلا بعفوية:لينا انهارده خطوبتك بلاش نتكلم في الموضوع ده انا متكلمتش معاه حته لو اتكلمت فصدقيني مش هيغير رأيه مراد مبيدخلش اي حد حياته يالينا وهو شخص كويس جدا لدرجه انو مستحيل يتخلي عنك وقربت منها ومسحت الدموع اللي فرت من عينها انسي الماضي ليوم وافرحي صدقيني اللحظات ديه مبتكررش فخليها ذكري حلوه تمام أنا متاكده انك قادره تبقي احسن يالينا لقيتها حضنتني فبادلتها العناق
لارا بضحك:اه ياخونه استغليتوا عدم وجودي وبتحضنوا بعض ومحدش معبرني
لينا بضحك:لااحنا نقدر برضو تعالي وحضنا بعض احنا التلاته فهما بالفعل نعمه من عند ربنا رغم اللي خسرته بس عندي أختين بالدنيا كلها بعد شويه كنا قومنا نرتب نفسنا عشان ننزل
ده كان فستاني