زواج مزيف

البارت الثالث عشر

سيلا بعصبية:روحي شوفي ابن اختك اللي مبيغلطش واعتبري اني مت أو انك مجبتنيش علي الدنيا اصلا يامدام ناريمان لقتها خرجت من الغرفه
مروان:فقد أتيت علي الصوت سيلا لقتها سبتنا ودخلت الحمام ورزعت الباب وراها هي هتبقي كويسه
مالك:محتاجه شويه تهدي هسبيلها الغرفه شويه وابقي ارجعلها تعال واتجهت أنا ومروان لخارج
سيلا:سمعت صوت خروجهم ففتحت الباب وطلعت كانت دموعي تتساقط خدت الصوره وقعدت في زاويه الاوضه محتضنه ساقاي فنظرت إليها وتذكرت ذلك اليوم
فلاش باك
احمد:مسحت علي خصلات شعرها اميرتي لسه نائمه لحد دالوقتي ليه مش متحمسه لهديتك لقتها مفتحتش عينيها برضو ياخساره كنت جايبلك الشكولاته اللي بتحبيها بس انتي نايمه
سيلا بابتسامه:فتحت عيني وقومت لااستني انا صاحيه اهو فينها بقي
احمد بضحكه خافته:اميرتي الصغيره اللي مبتكبرش ابدا وطلعتلها الشكولاته😂
سيلا بتذمر:بس انا عندي١٩سنه يعني كبرت بس انا بحب الشكولاته برضو
احمد:بس هتفضلي اميرتي الصغيره برضو ياسيلا مهما كبرتي ورحت وخدها في حضني عارفه أن انهارده بيبقي اسعد يوم في حياتي
سيلا:ليه
احمد بابتسامه حانيه:عشان ربنا رزقني بيكي ودخلتي حياتي نورتيها ياسيلا انتي اجمل حاجه حصلتلي في حياتي واللي بدعي أن ربنا يحفظهالي مش قادر أتخيل أن فات ١٩سنه وانتي معايا عدوا بسرعه عارفه اول مره شيلتك فيها كنتي صغيره جدا ملامحك جميله ومازلتي اجمل اميره شافتها عيني
بس مقولتليش ليه مكنتيش عايزه تقومي المفروض انك تكوني سعيده
سيلا بنبره حزينه:بسبب ماما انت عارف بتسمعني كلام قد ايه ليه هي مش بتحبني هو أنا وحشه لدرجه كل عيد ميلاد تضايقني
احمد بنبره خافته:انتي عمرك ماكنتي وحشه ياسيلا ولاهتكوني ومسحت علي وجنتها وبعدين سيبك منها انتي عارفه طبعها وكده مش مكفيكي حبي ياسيلا واهتمامي بيكي أنا مش مهم بالنسبالك عشان تفرحي
سيلا بابتسامه:متقولش كده انت قلبي اصلا لو لفيت الدنيا كلها مش هلاقي حد يحبني قدك وطول مانت معايا مش ببقي محتاجه اي حاجه تانيه ورحت حضنته ربنا يخليك ليا يا احلي اب في الدنيا
احمد:بس هيجيلك يوم وتحبي وتجوزي وتسبيني عارفه هيكون تاني احلي يوم في حياتي وانا شايفك بالفستان الابيض وبسلمك لحبيبك وجوزك اللي هتنوري حياته بس هبقي حزين لانك هتبعدي وحياتي هي اللي هتبقي ضلمه من غيرك ياريت معيش ليوم ده
سيلا بضيق:بابا متقولش كده بعد الشر عنك وحضنته أنا مش عايزه حد غيرك ولاهقدر القي حد يحبني قدك فقعده ازهقك لطول عمرك بس اوعدني انك متسبنيش عشان انا اللي مش هقدر اعيش من غيرك
احمد بضحك:اوعدك يااميرتي وكفايه دراما بقي وقومي البسي الفستان اللي جبتهولك عشان هنتصور وهتكون احلي ذكري ويوم كالعاده
نهايه الفلاش باك
سيلا بدموع:حضنت الصوره ياريتك كنت موجود ومكنتش لوحدي أنا اللي حياتي بقت ضلمه من غيرك وبقيت بتمني اشوفك أو احضنك حته مش مجرد ذكريات عايشه عليها
                        ✨✨✨✨
هدي:احم مالك ممكن اتكلم معاك
مالك:قفلت الاب خير ياماما
هدي:يعني مش حابه ادخل بس سيلا بقالها ساعتين
قافله علي نفسها الاوضه من وقت الخناقه وقلقانه عليها
مالك:عندي سؤال من أمتي بتهتمي بسيلا اصلا مش كنتي مش عاجبك بسبب جوازها مني وأنها متتفرقش معاكي ايه اتغير
هدي:مالك مش هنفتح في حوارات قديمه مش وقتها أنا عارفه انك مضايق مني ومبتقبلش مني كلام بس روح اطمن عليها كنت سامعه صوت تكسير حاجات من شويه وجودك جنبها هيفرق معاها لوكنت اضمن أنها هتتقبل وجودي كنت روحتلها وسبته واتجهت لغرفتي
مالك بتنهد:كنت هرجع اكمل اللي كنت بعمله بس كلامها قلقني خلاص هروح اشوفها وارجع واتجهت لغرفه وفتحت الباب فااتصدمت من اللي شوفته فكانت الارضيه مليئه بزجاج مكسور وهي قعده في زاويه بالغرفه فاتجهت ناحيتها بهدوء سيلا انتي كويسه لمحت الجرح اللي في ايديها فكان ينزف كثيرا كانت هتقوم سيلا متتحركيش وقربت منها وحملتها واتجهت لسرير ووضعتها بهدوء وجبت علبه الإسعافات هاتي ايدك ياسيلا سيبتك شويه بهدلتي الدنيا بالمنظر ده
سيلا بدموع:أنا اسفه عارفه اني بهدلت الدنيا ومسبتش حاجه سليمه في اوضتك أنا محستش بنفسي لقيته مسك ايدي عشان يعقم الجرح اااه براحه
مالك:أنا بعمل براحه ياسيلا شئ طبيعي يالمك محدش يعمل في نفسه كده لمحت ظهور الألم علي وجهها فخففت ايدي اكتر ولفتلها ايديها بالشاش بعد ماعقمتها هجيب حد ينضف الاوضه تمام لوقتها متتحركيش لسه كنت هقوم لقتها مسكت ايدي نعم لقيتها حضنتني ودفنت راسها في صدري فضمتها اكثر ليا فكانت تبكي معرفش فضلت لأمتي علي هذا الوضع مسحت علي خصت شعرها بخفه سيلا غرقتيني وغرقتي البيت يعني يوم ماتحضنيني تغسلي القميص بدموعك قربتي تعملي بحيره بدموعك اللي يشوفك يقول بجلدك وبشعلقك كل يوم في المسمار اللي ورا الباب😂 
سيلا بدموع:بعدت عنه قليلا بتتريق عليا وعلي دموعي وبعدين مانت بتعمل كده فعلا وزوج شرير وقاسي🤧
مالك بضحكه خافته:وايه كمان يااخره صبري🤦
سيلا:خدت مناديل من جنبي اه ياني كل يوم بتصبحني بعلقه وتمسيني بعلقه وفي الاخر بتضحك علي دموعي يامالك مكنش العشم ياابن عمي بدل ماتواسيني وتهديني بتضحك عليا
مالك بضحك:لاانا كده اتاكدت انك رجعتي طبيعيه😂،وقربت منها ومسحت علي وجنتيها بخفه كفايه بقي عياط بقيتي شبه الفراوله وانتي خدودك وانفك احمر كده بس شكلك كيوت علي عكس عصبيتك اللي خليتك كسرتي الأوضه
سيلا بنبره حزينه:اسفه يامالك أن دمرتلك اوضتك كده
مالك بابتسامه:اولا هي مش اوضتي هي اوضتنا وعادي كان ممكن أنا اللي ابهدلها كده فداكي ياسيلا مش حابب اشوف دموعك وانك تاذي نفسك مفيش حاجه مستاهله ده ياسيلا
سيلا:كلامها جرحني يامالك
مالك:علي انها مش مصدقاكي وعشان الصور لو ده هحاول احل الموضوع
سيلا بعفوية:لا مش الموضوع ده معدتش مستنيه حد يصدقني وبالذات هي وبعدين هتحل ايه يامالك كنت دائما بسال نفسي ليه بتعاملني وحش أو عمرها ماحسستني اني بنتها بابا كان بيقولي أن ده طبعها بس لا هي مكنتش عايزاني اصلا وبعد كل ده جايه تخانقني وتتهمني وتتخانق معاك وعايزه تمد ايديها كمان ومتخيله اني هفضل ساكته انت مبتسم كده ليه شعرت بما تفوهت به منذ قليل
مالك بابتسامه:سكتي ليه
سيلا بتوتر:هااا ولاحاجه لسه كنت هبعد لقيته قرب وطبع قبله علي وجنتي
مالك بابتسامه:ابتعدت قليلا ولكن كنت مازلت قريبا منها شكرا علي اللي عملتيه وعلي اني مكنتش متخيل أن الموضوع يفرق معاكي
سيلا بعفوية:شردت في عينيه زي مانت بتحافظ علي احترامي وكرامتي ضد اي حد حته لو كان عائلتك فأنا كذلك ده واجبي يامالك فمش محتاجه شكر
                         ✨✨✨✨