زواج مزيف

البارت الثاني عشر

محمود بسخريه:ياهدي لونسيتي الماضي أنا قادر افكرك بيه كويس مش أنا اللي تعملي عليه دور الطيبه الملاك لانك مش كده ولاعمرك هتكوني...
هدي بضيق:أنا منستش الماضي يامحمود بس متنساش أن ديه مكنتش غلطتي وانك كنت السبب اه يمكن حرمته من بعض حاجات بس مقستش عليه لدرجاتي
محمود بجمود:تمام ياهدي مش من حقك انك تكلميني كده انتي ضيفه في البيت مش اكتر وانا مش جوزك عشان تكلميني كده
هدي بانفعال:ربنا يشهد أن قعده هنا بس عشان ولادي يامحمود لولا كده كنت سبتلك البيت من زمان وقت مااطلقنا وانت عارف انا مين لكن استحملت كلامك والحربايه اللي مسبتش لحظه وخربت فيها حياتي مش هسمحلها تعمل ده مع ولادي طالما انت شايف انك كده انت صح فبراحتك أنا كنت بقيه عليك لكن كنت غلطانه هيجي يوم وتخسر واللي فكرها بتحبك هتسيبك وقتها هتندم ندم عمرك وسعتها صعب ترجع اللي كسرته وفعلا أنا مكنتش ام كويسه قبل كده بس في قدامي وقت اصلح ده عن اذنك وخرجت بره الغرفه لقتهم في وشي فمسحت الدمعه اللي فرت من عيني سريعا وقربت منهم حبايبي اخيرا جيتوا واتجهت ناحيتهم وحضنت مالك وبعدين حضنت سيلا
مالك باستغراب:ماما انتي كويسه يعني من أمتي الحب ده كله
هدي:قصدك ايه يامالك
مالك:قصدي من أمتي بتهتمي بوجودي أو لا يعني مش علطول بنشوف بعض مش حاجه جديده ونادرا لمانتكلم حته مش قادر افتكر اخر مره حضنتيني فيها أمتي ايه اتغير خير فيه حاجه حصلت مثلا
هدي بصدمه ممزوجه باستنكار:هو أنا عشان وحشتني يبقي فيه حاجه حصلت يامالك
مالك بجمود:مهو محدش في البيت ده بيعمل حاجه غير عشان مصلحه أو كارثه حصلت لكن مشاعر حقيقيه اسره حقيقيه مش موجودين بمان مفيش حاجه فأنا تعبان ومحتاج ارتاح تصبحي علي خير وسبتها واتجهت لغرفتي
سيلا:اسفه ياعمتي بس مالك الفتره ديه مضغوط فمضايقيش نفسك هو مش عارف بيقول ايه
هدي بحزن يظهر في ملامحها:لاهو مش مضغوط ياسيلا هو قال اللي جواه وبس وهي ديه الحقيقه انا اللي وصلته لكده
سيلا:لا بس انتي فاهمه غلط وهو بيحبك بس مضايق
هدي بابتسامه حزينه:يحبني!!سيلا صدقيني أنا معملتش حاجه تخليه يحبني اصلا وكمان أحنا وصلناه أن معدش بيحب حد وبقي شخص بارد وقاسي عكس ماكان عمتا خلي بالك منه تصبحي علي خير واتجهت لغرفتي
سيلا بتنهد:هل علاقته بامه سيئه لهذه الدرجه لماذا كيف لم أري هذا رغم انو عايشين حياتنا كلها في بيت واحد اتجهت لغرفتي فكان واقف في الشرفه فااتجهت ناحيته مالك هو اسفه في اللي أقوله بس مش قسيت علي مامتك بكلامك ده
مالك بسخرية:قسيت أنا معملتش حاجه اللي قولته هو الحقيقه انتي متعرفيش حاجه ياسيلا بالرغم انك عايشه معايا بس متعرفيش عن حياتي حاجه تمام فمش من حقك تحكمي أني غلطان ولالا
سيلا باحراج:تمام اسفه أنا رايحه انام لسه همشي لقيته مسك ايدي وشدني لحضنه
مالك:ممكن تفضلي شويه معايا ياسيلا بعدت عنها قليلا ولاهتضايقي
سيلا بابتسامه ممزوجه بعفوية:قربت منه وحضنته أنا لامش هضايق لقيته ضمني أكثر ودفن وجهه بعنقي حركت ايدي بين خصلات شعره بخفه اتمني لو اعرف مايضايق قلبك لهذه الدرجه فمن الممكن أن اقدر علي مساعدتك والتخفيف عنك قليلا
                      ✨✨✨✨
والده لينا:حبيبتي مروحتيش الشغل ليه انهارده
لينا:كنت تعبانه شويه فمقدرتش ياماما محتاجه حاجه اعملها
والده لينا:لاياحبيبتي قولت اطمن عليكي انتي عارفه أن مش قدره اشوفك
لينا بحزن:عارفه ياماما ومسكت ايديها بس متقلقيش أنا كويسه ماريا واخده بالها منك كويس
والده لينا:اه ياحبيبتي متشغليش بالك ديه بالنسبالي بنتي التانيه بصحيح فيه حاجه كنت عايزه اقولهالك عارفه مازن جارنا
لينا بعدم اكتراث:ماله
والده لينا:متقدملك يالينا وانا شيفاه مناسب ليكي
لينا:بس انا مبفكرش في الارتباط اصلا مش ناقصه هم ياماما أنا مركزه في دراستي وشغلي وبس
ومش هضيع حلمي عشان خاطر ارتباط آخرته دماري وانا مدمره اصلا
والده لينا:فكري تاني ياحبيبتي ولو رافضه عشاني فأنا قدره أدبر اموري
لينا:لاياماما أنا رافضه عشان نفسي ومش هرجع في قراري ياماما تصبحي علي خير واتجهت لغرفتي ومسكت الموبايل فكان فاصل شحن من امبارح وشحنته وفتحته فلقيت عده مكالمات من مراد وسيلا يانهار ازرق اتصلت عليه احم اسفه جدا يادكتور مراد بس موبايلي كان فاصل شحن ولسه فتحاه من شويه بعتذر أن مجتش انهارده
مراد:لينا مفيش موضوع بيتحل لما تقفلي علي نفسك وتختفي كده ده اسمه هروب كان ممكن تبلغيني أو تبلغي المستشفي انك مش جايه لكن ده محصلش ليه يالينا
لينا:كنت محتاجه اقعد لوحدي عارفه انو مش مبرر بس انا كنت تعبانه وانشاء الله بكره هاجي في معادي وهحاول ميتعدش الحوار ده تاني عمتا الجرح اللي في ايدك عامل ايه
مراد:جرح بسيط متشغليش بالك بس قبل ماتيجي المستشفي عايز اتكلم معاكي في كافيه جنب المستشفي هقابلك هناك
لينا:تمام قفلت المكالمه واتنهدت الوقت اتاخر أن اتصل بسيلا اكلمها بكره بقي بس ياترا هو عايزني في ايه
                       ✨✨✨✨
مروان:عديت علي مكتبها عشان اخدها لقيتها نائمه علي الكنبه فقربت منها كانت نائمه وبحضنها ملف فكنت أتأمل ملامحها الهادئه الرقيقه علي عكس شخصيتها وشعرها البني المائله لاحمرار فوقت من شرودي وقولت افوقها لارا يالارا وهزتها براحه
لارا بنعاس:اوف يالينا سبيني انام شويه
مروان:اممم أنا عرفت هفوقك ازاي جبت كوبايه مايه متوسطه البروده ودلقتها علي وجهها
لارا بفزع:اعااااا في ايه السقف بدل مابينقط بقي بينزل سيول😰فوقت علي اثر ضحكاته واستوعبت اني مازلت بالمكتب مش في البيت بقي أنا تعمل فيا كده وتضحك عليا غرقتني
مروان بضحك:شكلك مسخره وانتي مفزوعه كده ياريتني جربتها من زمان كان زماني ضحكت كتير اه يابطني مش قادر بقالي كتير مضحكتش كده😂😂
لارا بغيظ:أنا هوريك تضحك عليا ازاي يامروان وجايه اتحرك كان فيه باقي مايه في الأرض فكنت هقع لاني فقدت اتزاني اعااااا
مروان بضحك:يخربيت صوتك يالارا فكنت محاوط خصرها وهي مسكه قميصي فاتفتح اثر مسكتها وزرارين اتقطعوا
لارا باضطراب:لاحظت قربي منه الجامد كنت أشعر بانفاسه حسيت باضطراب في نبضات قلبي وفوقت من شرودي وبعدت عنه لاحظت قميصه المفتوح احم
انا..
مروان:حاولت تلطيف الأجواء يانهاري علي الزراير اللي طارت بتاعت القميص الجديد ارجع البيت ازاي كده هيفتكروني انحرفت من تاني🤦😅
لارا:عادي يعني مكنوش زرارين يعني ومن امتي وانت الاحترام واخدك اوي😕
مروان بضحك:لاعيب يالارا متنسيش أن توبت ومعدتش كده بس شكلي هتعاكس انهارده بسببك وفي البيت هيفهموني غلط ماهي اكيد ديه عملت بنت برضو بس يلا فداكي القميص😂
لارا بغيظ ممزوج بخجل خفي:حسبي الله بتدور علي اي فرصه لانحراف واضح التوبه😏 مش هشيل ذنبك لا يامروان فيه ابره وخيط معايا هجيب الزرارين واخيطهم
مروان بدهشه:ايه ده انت بتشيلي ابره وخيط ليه معاكي هتغزي بيها حد ولاايه لقتها قربت مني وهي مسكاها اهدي بس
لارا:لحد دالوقتي معملتش بيها حاجه شيلاها احتياطي وشكلي هغزك بيها انت اول واحد لومسكتش ودورت علي الزرارين وجبتهم🙂
مروان بقلق:لارا مش مرتاحلك اروح كده احسن مش عايز اموت انهارده هتخيطيه ازاي اقلعه احسن👀
لارا بصدمه ممزوجه بتوتر:لاااا تقلع ايه اتلم هخيطه وانت لابسه عملت الابره وقربت منه عشان اخيطه فكنت قريبه منه جامد أنا مني لله ركزي يالارا بعد فتره كنت خيطهم وقفلتله القميص الحمدلله صلحت اللي عملته لسه هبعد عنه لقيته مسك ايدي
مروان بابتسامه:قربت منها وهمست اول مره اعرف انك بتكسفي لدرجاتي بس قمر وانتي وشك احمر كده وطبعت قبله علي وجنتها سريعا شكرا ورحت غمزتلها😉 وبعدت ولقطتلها صوره قبل مااطلع وضحكت علي منظرها هستناكي في العربيه تحت😂
لارا بصدمه ممزوجه بخجل:فنظرت لمرآه فكان وجهي كله يصتبغ بصبغه حمراء اوف أنا بهبب ايه او دماغي رمت بعيد ليه فأنا اعرفه جيدا مستحيل يفكر بي غير اني صديقته،فحطي لآمال سيكسر قلبي مره اخري وانا لا اريد ذلك
                       ✨✨✨✨
تاني يوم الصبح،لينا:جهزت ولبست سلوبيت جينز علي تيشرت ابيض ولميت شعري لديل حصان وارتديت نظارتي ونزلت اتجهت لمكان اللي قالي عليه بعد شويه وصلت ولقيته هناك فااتجهت ناحيته صباح الخير
مراد:صباح النور يالينا كويس انك جيتي
لينا:قولتلك جايه ومش بخلف بوعدي خير
مراد:لينا انتي عارفه أن بعد شهرين هتتخرجي وتكملي تدريبك في المستشفي
لينا:ايه المشكله يعني
مراد:هتكلم معاكي شويه ومتضايقيش مني فهزت راسها انتي دكتوره امراض نفسيه ازاي اخترتي التخصص ده وانتي نفسك بتعاني يعني ازاي هتساعدي غيرك أو تعالجيهم وانتي نفسك مريضه
لينا وقد فهمت مايتكلم عنه:مراد محدش فينا بيختار حياته ولاان يبقي سليم أو مريض مرضي النفسي والنوبات اللي بتعرض ليها ملهاش تاثير علي شغلي متقلقش
مراد:برضو فهمتيني غلط ده مش قصدي يالينا مقصدي ازاي قدره تعيشي كده قولتي أن مامتك كانت حابه تبقي دكتوره اطفال ليه معملتيش ده ودخلتي نفسي وانتي اصلا محتاجه علاج
لينا:تمام هجاوبك عشان ديه كانت رغبتي أنا حبيت اساعد اللي حواليا واعالجهم وان محدش يوصل أن يبقي زي ولا في مكاني المرض النفسي اسوء مليون مره من الجسدي ولو متعالجش بيفضل يدمر الإنسان من جوه ومن بره بيحرمه من حلاوه الحياه وحاجات كتير حواليه بيخليه منعزل ومختلف عن اللي حواليه لدرجه الناس بتفضل تضايقه وتتنمر عليه أنا سعيت كتير عشان اوصل لهنا كنت بتعالج نفسيا لفتره بعد الحادثه اللي حصلتلي لأن كنت بعاني من نوبات اسوء من ديه بكتير من ساعتها وحياتي مختلفه بس مقدرتش اكمل علاج نفسي ووقفته وبقيت بحاول اسيطر علي نفسي عشان ماثرش علي دراستي ووصل للي عايزاه بس انا مش انسانه طبيعيه عارفه ده ومش بايدي عارف لو كان الموضوع تحت حكمي كان زماني اخترت حياه تانيه خالص
مراد بعفوية:وليه متفكريش ترجعي لعلاج النفسي يمكن تبقي احسن يالينا من انك تحاولي تظهري شخصيه غير شخصيتك عشان اللي حواليكي صدقيني هتتغير حاجات كتير لأن مهما قولتي فنفسيتك هتاثر في حياتك كلها سواء دراستك أو  شغلك
لينا:ارجع لعلاج النفسي ليه هل لو رجعتله هيرجع اللي راح وفقدته هيرجع طفولتي اللي معشتهاش ولاهيرجع السعاده اللي مقدرتش القيها
مراد:اممم بس انتي عارفه كويس أن العلاج النفسي ميقدرش يغير الماضي يالينا يقدر أن يخليكي احسن في الحاضر والمستقبل مش اكتر يقدر يعالجك من النوبات اللي بتجيلك أو يخف منها افضل من انك تبقي عايشه بماضي مدمر وحاضر ومستقبل اسوء منه
لينا:عايز توصل لايه يامراد
مراد:بكل بساطه أنا حابب اعالجك يالينا وصدقيني محدش هيعرف بالموضوع ده وهنتقابل بره المستشفي في أي مكان حباه ايه رايك
لينا:معرفش اديني فرصه افكر يامراد الموضوع مش سهل عليا محتاجه وقت اخد قرار
مراد بابتسامه:تمام اللي يريحك خدي الوقت اللي يعجبك مش هضغط عليكي وانا موجود في أي وقت بس هستني ردك عمتا يلا عشان اتاخرنا علي المستشفي وحاسبت واتجهنا لهناك
                      ✨✨✨✨
سيلا:قومت الصبح بدري علي اثر اشعه الشمس نظرت بجانبي فكان نائم فهو نام متاخر فكنت أشعر بحركته ابتسمت وخدت روب واتجهت لمطبخ عملت قهوه ليا وليه مع فطار بسيط بس وطلعت شوكولاته كبيره من التلاجه وخدتها واتجهت لغرفه فلقيته صحي صباح الخير كانت واقف في الشرفه فاتجه ناحيتي
مالك بابتسامه:صباح النور وقربت منها وطبعت قبله علي خدها وخدت القهوه منها شكرا كنت محتاجها،لمحت اللي في ايديهاوضحكت يابنتي فيه حد ياكل شوكولاته علي الفطار كده😂
سيلا:متعرفش انت الشكولاته بتبقي قمر قد ايه مع قهوه علي الصبح كده احلي مزاج ديه حياتي😋
مالك بضحك:سيلا انتي انسان غريب مش مجنون😂 ولسه نكمل كلامي لقيت الباب حد بيخبط عليه جامد ففتحت لقتها مرات عمي صباح الخير
ناريمان بعصبيه:صباح الزفت يامالك ايه اللي انت هببته مع جاسر ده
مالك بجمود:أنا مالي أنا عملت حاجه واتجهت لداخل
ناريمان بعصبيه:انت هددت مديره عشان يطرده هو ماله هي الزفته ديه سبب كل المشاكل الاول سبتي جاسر وخونتيه مع مالك ودالوقتي بعد جوازك من مالك اتقربتي من جاسر ورميت الصور في وشها انتي ايه دايما عملالي مشاكل وفضائح مفيش حاجه الا وعملتيها بندم كل يوم اني وافقت ابوكي اني اجيبك علي الدنيا أنا مكنتش عايزاكي من الاصل وانت يامالك لم مراتك ونفسك وابعد عن جاسر نهائيا والا صدقني هندمك يامالك
مالك بجمود:مرات عمي عشان نكون واضحين مع بعض أنا مبتهددش كلامك ده مياثرش معايا تمام ابن اختك لو راجل مكنش اشتكالك هو غلط في حقي وفي حق سيلا وانا اكيد مش هسكتله واللي عملته ده تحذير صغير ليه وكلام ليكي لومقنعتهوش يبعد عني وعن سيلا هيحصله اسوء من حوار شغله وده لوباقيه عليه ومش عايز ادخل بينك وبين بنتك بس انتي غلطانه في حقها كتير هي مش زي مانتي شيفاها وجاسر ده حقير
ناريمان بعصبيه مفرطه:احترم نفسك يامالك ورفعت ايدي عشان اضربه بالقلم لقتها مسكت ايدي ووقفت قدامه انتي ازاي تتجرأي وتعملي كده
سيلا بغضب مكتوم:بعدت ايديها بعصبيه اوعي تفكري تعمليها مش انتي بتقولي انك عمرك ماكنتي عايزاني وانك تعتبري متبريه مني يبقي مش من حقك تتخانقي معايا كده ولامن حقك تفكري تمدي ايدك علي جوزي غلطتي في حقي كتير وسكت وضربتيني قدام الكل وسكت لكن خلاص كفايه كده تعبت مفيش حاجه اللي ماقولتيها عليا تهمتيني بعلاقتي مع مالك وبعدين دالوقتي جاسر وشيلت الصور من الأرض حبه الصور اوي اللي بتصدقيها ومبتصدقنيش مش كده خديهم احتفظي بيهم جنب اخواتهم مش هفسر لحد حاجه تاني محدش ليه عندي حاجه ابعدي عني كفايه روحي شوفي ابن اختك اللي مبيغلطش واعتبري اني مت أو انك مجبتنيش علي الدنيا اصلا يامدام ناريمان.....
يكمل