زواج مزيف

البارت السادس وعشرون

لينا بعدم فهم:يعني ايه هو ايه اللي خدت قرارك فيه يامراد
مراد:أن عندي مسئوليه كدكتور ولازم اقوم بيها واكون مظلمتش حد معايا فيها فلذلك قراري هو أن صعب تكملي تدريبك وتنجحي في أول امتحان يالينا معلش عارف انك مجتهده وكل حاجه بس ده ميمنعش انك مش مؤهله انك تكملي طموحك واجتهادك مش كفايه لده لأن غصب عنك هتأذي اللي حواليكي وظيفه الدكتور أن يعالج يالينا لكن انتي محتاجه علاج اصلا تفتكري أن شخص مريض هيساعد حد مريض ده مستحيل لو وقعتي في موقف بعدين حصل وان مريض عندك جرح نفسه بالغصب أو دخل في نوبه مش هتقدري تساعديه هتخشي انتي كمان في نوبه هتأذي نفسك وهتأذيه
لينا بضيق اثر كلامه فهو بالنسبه لها كلامه قاسي فهو من هو ليحكم ماذا ستفعل حينها:مراد مش معني انك مضايق مني بسبب تصرفاتي انك تأذيني في شغلي ودراستي
مراد:أنا مدخلتش حاجه في حاجه يالينا أنا بتكلم بصفتي الدكتور اللي بشرف عليكي بكل بساطه ممكن تروحي تسالي عني هتعرفي أن مبدخلش حياتي الشخصيه في العمليه أنا بتكلم بمنطقيه أنا لوخليتك تعدي وابتديتي تدريب حقيقي وبقيتي دكتوره بالمنظر ده يبقي أنا بعمل كارثه في حقك وفي حق المرضي اللي هيبقوا تحت ايدك فيما بعد
لينا بعصبية:تمام بمان انت شايف أن منفعش لدرجاتي وان مينفعش تخليني اكمل تدريبي معاك كده انا ممكن اتدرب تحت ايدك اي دكتور يامراد مش هيهمني كلامك مش هيفرق معايا متفتكرش أنك بتتهددني كده
مراد بجمود:مش بهددك أنا بقولك الحقيقه عمتا احب اقولك أن محدش هيقبل يدربك طالما عرف بحالتك وده مش صعب علي دكتور أن يلاحظ ده فمحدش هيقبلك وكمان في الوقت ده صعب ولما يعرفوا أنك كنتي تحت تدريبي وسيبتك مش هيرضوا اكتر لأن هيعرفوا أن فيه سبب ورا ده
لينا بانفعال:انت اكيد اتجننت ليه بتعمل معايا كده هما كلهم كام شهر وتخلص ليه عايز تدمرني كده هو ده سبب اصرارك علي جوازنا عايز انك تدمرني كل ده لان عندي مشكله هتتحل مع الوقت
مراد بنفاذ صبر:هتتحل انتي شايفه كده طيب اقنعيني بمانك دارسه ومجتهده شايفه أن حالتك طبيعيه شوفتي حالتك امبارح وانتي بتصرخي وبتكسري في الحاجه ولمجرد خدت منك الدوا كنتي عايزه تقتليني وتأذي لارا كمان واذيتي نفسك تحبي اوريلك حالتك امبارح وقوليلي انتي شايفه ايه وفتحت الموبايل علي فيديو لها امبارح لاري الدموع والحزن الذي ظهر في عينيها وجع قلبي ولكن سيطرت علي نفسي هااا يادكتوره لينا تشخيصك لحاله ديه ايه
لينا بدموع والحزن يظهر علي وجهها:أنا اسفه مكنتش في وعي امبارح وجثيت علي ركبتاااي مقصدتش اذي حد كل لما اشوف دم بفقد السيطره علي نفسي بشوفها قدامي وبشوف أن ايدي كلها دم وهي بين ايديا مقدرتش اتخطي ده رفعت راسي لأنظر إليه والدموع تتساقط من عيناي حاولت كتير ابعدك عني بس انت كنت مصمم تكمل مكنش ده كله حصل ولاكنت فكرت توقف تدريبي عشان خاطر اغلي حاجه في حياتك يامراد ملكش دعوه بدراستي وشغلي اوعدك اللي حصل امبارح ميتكررش
مراد بحزن داخلي وضيق عكس مايظهره من تماسك:متوعديش بحاجه انتي عارفه كويس انك صعب تتحكمي فيها سواء اتجوزنا او لا فأنا كنت واخد قراري كنت حابب تاخدي القرار من نفسك بس مفيش فايده أنا مش بأذيكي ولااي حاجه ده تصرف اي حد مكاني انتي محتاجه تتعالجي مش انك تعالجي حد حياتك ودراستك متوقفه علي قرارك وبصحيح ممنوع الادويه ديه تدخل البيت ولو عرفت
انك خدتيها مش هيحصلك خير يالينا واتجهت لخارج تاركا لها فأنا أعرف أن ماافعله ليس بصحيح ولكن ليس امامي خيار غير ذلك فهي من أجبرتني علي فعل هذا بها
                        ✨✨✨✨
مالك:بس من غير مااعرف امتي حصل ده انا حسيت بيه المرادي عقلي خسر قدام قلبي بسببك ياسيلا لاني حبيتك
سيلا بصدمه:هااا مالك الشافعي اللي مبيؤمنش بالحب والعلاقات بيحبني أنا؟!!!انت اكيد بتهزر مش كده😳
مالك بغيظ:يعني هو ده بس اللي لفت انتباهك في كلامي ده وكمان لمااصارحك بمشاعري ياسيلا يبقي بهزر هو ده رد فعلك كنت هبعد بس لقيتها مسكت ايدي😒
سيلا بعفويه:تمام اسفه بس انا مش عارفه اقول ايه او يمكن واتنهدت مش قادره ارد الرد اللي انت عايزه لأن مش حابه اكون السبب اللي يجرحك يامالك مش معني كده أن بكرهك بالعكس انت مهم في حياتي وقررت أن أفضل معاك بس محتاجه وقت مش اكتر يامالك
مالك بتردد:مش هتبعدي لوقتها ياسيلا
سيلا بضحكه خافته:هبعد اروح فين بس واسيبكم واسيبك هااا مين هيزهقك غيري انا وعدتك أن أفضل بس محتاجه وقت عشان اقدر اخد خطوه أو اني ابقي عارفه عايزه ايه
مالك بعفوية:لاامشي ياسيلا أنا ناقص زهق وطلعان عين😐
سيلا بضحك:من ورا قلبك يافوزي عارفه أحم انت بجد مش مضايق اصل افتكرت هتدي رده فعل غير ديه 😂
مالك بضحك:لامتثقيش في نفسك اوي كده😂عمتا ياسيلا اكيد مكنتش هبقي مبسوط لما تكدبي عليا عشان تريحيني مؤقتا بالعكس أنا بحب عفويتك وصراحتك ياسيلا ومش مضايق لان عارف أن التجربه اللي مريتي بيها مش سهله ولسه ماثره عليكي لحد دالوقتي بس منكرش أنك اتغيرتي عن الاول في حاجات
سيلا:لسه كنت هتكلم لقيته قرب مني جامد لاشرد في عينياه لاشعر بلمساته الهادئه علي وجنتي لاغمض عيناي لاشعر بها علي زراعي لاتوتر أكثر اثر ذلك ولكن لحظه ماذا يفعل لاتذكر أن زراعي هذا  المتصاوب وأنه فك جزء من الشاش لااااا وبعدت عنه تاني يامالك اعااا منك لله يامستغل ياظالم ابعد
مالك بضحكه خافته:مستغل وظالم سيلا أعقلي ياحبيبتي متخلنيش اعمل زي المره اللي فاتت اقعدي خليني اغيرلك علي الجرح خمس دقايق بس
سيلا بملامح طفوليه:هو أنا مبصعبش عليك حرررام عليك فيه حد يعمل كده في شخص بيحبه ده حته عيب واللهي🥺
مالك بعفوية:مهو عشان بحبك وده لمصلحتك عشان الجرح يلم ياسيلا أعقلي لمره في حياتك واسمعي الكلام وانزلي فكانت واقفه فوق السرير
سيلا بتذمر:مش عايزه اوف المعقم بيوجع اوي ولو نزلت انت هتكتفني عشان مفيش ذره انسانيه في قلبك 🥺
هدي بقلق:جيت علي صوتها فلقيتها واقفه فوق السرير مالكم صوتكم عالي كده ليه أنتي كويسه ياسيلا
سيلا:لاااا ياعمتي ابنك بيعذبني وبيجي عليا اااه هو كده بالظبط عشان انا ضعيفه وغلبانه وحجمي صغير وكتكوت صغير مكسور الجناح وابنك مفتري وظالم مفيش ذره انسانيه في قلبه🥺🤧 كويس انك جيتي ياعمتي خديه بقي عشان انزل
مالك برفعه حاجب:بجد كل ده طيب لماتنزليلي ياسيلا بلسانك اللي قد طولك مرتين وهوريكي المفتري الظالم بقي🙄
سيلا بضحكه متوتره:ههه عمتي وجريت وقفت وراها لما قرب من السرير ااااالحقينااااااي
                       ✨✨✨✨
في المستشفي،مراد:رجعت علي مكتبي لأن قالولي انو مستنيني صباح الخير
ادهم:صباح النور ياعم قولت مختفي اشوفك فين ومالك شكلك تعبان كده ليه
مراد:مهو عشان منمتش عدل
ادهم:ليه حصل حاجه
مراد:هحكيلك وقولتله كل حاجه بدايه من الحادثه للي حصل الصبح بس كده
ادهم بصدمه:كل ده حصل بجد مش مصدق ازاي كان هيقتل ابنه
مراد بتنهد:معرفش بس عمي اتغير كتير عما كان وبعد اللي حصل الفتره اللي فاتت لازم ناخد حذرنا منه
ادهم:فعلا بس انت ليه صممت تعمل اللي في دماغك يامراد يعني انت كده هتخليها تكرهك بدل ماتحبك
مراد:عارف ده بس مقدميش حل تاني
ادهم:كان ممكن تدور علي حل تاني يامراد
مراد:صدقني حاولت بكذه طريقه بس هي مكنتش موافقه حته عرفت من صحبتها أنهم حاولوا يوصلوا لحل في الموضوع ده معرفوش لازم حاجه كبيره تحركها عارف انها هتكرهني اكتر ماكرهتني بعد إصراري علي جوازنا بس انا حابب اشوفها كويسه متتخيلش قلبي وجعني قد ايه لما شوفتها في الحاله ديه امبارح عارف انها مجازفه بس انا متاكد أن هلاقي نتيجه من وراها
ادهم:ايه اللي خلاك واثق من ده انت تعرفها من فتره قصيره
مراد:عندك حق معرفهاش من فتره طويله بس انا عارف أن الحالات اللي زيها بيبقي عايزين دافع كبير أن يتحركوا من مكانهم والحاجه المهمه في حياتها هي شغلها ودراستها أنا عارف أن اللي بعمله غلط في اني بستغل نقطه ضعفها بس هي اضطرتني لده حته لوحصل ايه مش هتراجع عن اللي في دماغي عمتا هي طلعت
ادهم:طلعت بكفاله بس التحقيق في الشكوي لسه موجود ده غير أن معظم اللي كانوا معاها قلبوا ضدها فهي حاليا ضعيفه انتوا ناوين علي حاجه تاني
مراد:اكيد الدنيا مش هتقف هنا بس محدش عارف مالك بيفكر في ايه حاليا أو ناوي علي ايه بعد اللي حصل
                       ✨✨✨✨
هدي:كنت قاعده بغرفتي فقد تركتهم لاسمع تخبيطه علي الباب فاافتكرت انو مروان ادخل فااتصدمت انو مالك فقلقت لانه غير معتاد أن يأتي لي سيلا كويسه
مالك بعفوية:اه متقلقيش أنا عارف أن قولت لمروان أن هاجي اتكلم معاكي امبارح ومجتش فااسف من قلقي علي سيلا نسيت عشان كده جيت دالوقتي
هدي بابتسامه:مفيش داعي تعتذر أنا مبسوطه لانك قدرت تحب حد وتخاف عليه لدرجاتي انك تقوم بواجبك بانك تفضل جنبها تراعيها وتخلي بالك منها ده يفرحني اكتر
مالك باستغراب:مش غريبه اعتقد انك مكنتيش بتحبي سيلا لدرجاتي ايه غير ده عشان تفرحي كده
هدي بتنهد:أنا عمري ماكرهت سيلا يامالك ومن وقت قريب اعتبرتها زي بنتي حته لومكنش كده فأكيد هتمني ليها تعيش اللي معشتهوش يامالك عمتا كل اللي كنت عايزه أوضحه أن مقصدتش انها تتأذي أو حد يتأذي أنا كنت عايزه احميك مش اكتر حته لوكانت جت فيا
مالك:أنا عارف ده كويس وانك قصدك تحميني مش اكتر بس معني كلامك أنك كنتي متوقعه أن يقتلني مش كده مش غريبه يعني المفروض كنتي تقولي انو مستحيل يعمل كده وانو مجرد تهديد وحصل غير المتوقع
هدي بحزن تحاول اخفاؤه:بس انا مقدرش اقول كده لان عارفه محمود كويس يامالك في سبيل مصلحته يعمل اي حاجه خسرت كتير بسبب الحوار ده ومكنش عندي استعداد اخسر تاني لذلك خلي بالك من نفسك ومن مراتك واخوك مروان لوحصلك حاجه بقيه العائله هتدمر
مالك بجمود:متقلقيش هاخد حذري بعد كده لان مش ناوي اللي حصل امبارح يتكرر تاني بس عندي سؤال طالما انتي بتكرهيه وهو اذاكي كده فضلتي ليه كان ممكن تبعدي وتكملي حياتك بحياه جميله عائلتك مش قليله
هدي:عشان حاجات كتير مش هفتح في مواضيع قديمه يامالك تمام روح اقعد معاها وشكرا انك جيت متعرفش فرقت معايا قد ايه انك تيجي ليا وتكلم معايا
مالك بتوتر فلم اعرف ماذا اقول لها فهي تغيرت منذ فتره ولكن التعود علي شئ غريب صعب:احم طيب عن اذنك هروح اشوفها وعندي كام حاجه اعملها كمان وسبتها وقفلت الباب ورايا
هدي بدموع:جلست علي الارض وتساقطت دموعي وفي نفسي لأمتي سأظل هكذا اخفي هذا الالم بداخلي فأنا اود الصراخ ولكني لااستطيع فلااحد حته الان يعلم ماممرت به كليا فانا منذ أمس وقلبي يؤلمني كلما اتذكر ماحدث واني كان من الممكن خساره أحد اولادي فهذا الألم صعب لااقدر علي تحمله مره اخري يكفي ماحدث في الماضي فكلما تذكرته اعتصر الالم قلبي وكأنه سينفلق لنصفين لااعلم ماذا افعل ولكن أن ظهرت الحقيقه أو جزء منها تدمر كل شئ وانا لن أسمح بهذا
                        ✨✨✨✨
لارا بابتسامه:جدو حبيبي انا جيت ودخلت قعدت جنبه في الشرفه
حسين بابتسامه:اقعدي يامجنونه عايزك في حاجه
لارا:ايه ياجدو قولي عايز تتفسح ولاايه أنا تحت امرك هنروح الملاهي وناكل ايس كريم😂💃
حسين بضحك:ملاهي مره واحده أنا قادر اتحرك يخربيت دماغك😂
لارا:ايه ياجدو انت لسه شباب وتتعاكس ونوديك الملاهي تستمتع هناك😂
حسين:اهدي يامجنونه يارب ربنا رزقني بعائله كلها مجانين😂المهم عايزك في حاجه
لارا:خير ياجدو أنا سمعاك وكان قدامي شويه مايه فقولت اشرب
حسين:انا قررت يبقي كتب كتابك انتي ومروان بكره وتيجي تعيشي هنا وبعد شهر فرحكم ايه رايك
لارا بصدمه:اييييييييه!!!
                        ✨✨✨✨
مروه بضيق:بقي أنا يجرالي كل ده انا وبنتي وانت ساكت يامحمود شايف حصلنا ايه من ورا ابنك وانت ساكت مجرد هددته
محمود بعصبيه:أنا كنت هقتله بس لولا تدخل هدي كان زماني خلصت منه معرفش ايه الحب اللي نزل عليها فاجئه لمالك ده انا شغلي وحياتي باظت بسببه هو اللي اتحداني بقي يتحمل اللي هيحصل
مروه:تلقيها عشان مصلحتها بس لأمتي هتحميه بس علفكره يامحمود اكتر حاجه مخليه مالك كده هي سيلا قبل وجودها مكنش كده ليه منستخدمهاش نقطه الضعف بدل قوه ضد مالك
محمود:سيلا مش سهله زي مانتي متخيله يامروه ديه مصيبه اوف لازم اشوف حل لهدي عشان وقفتها دي مش مريحاني
مروه:هددها بالحقيقه زي ماكنت بتعمل
محمود بجمود:لالازم افكر في حاجه اكبر من كده لازم اصلح اللي اتخرب في حياتي وابقي احسن من الاول وبصتلها بصحيح ده ليكي وطلعت ورق وحطيته قدامها عايز امضتك عليه يامروه
مروه بصدمه:.......
يكمل
عارفه أن المفروض كنت أنزله امبارح ومقدرتش اسفه علي التاخير البسيط ده😂
وكمان عارفه أن مروان ولارا ياعيني مظلومين بقالهم كام بارت فهعوض ليهم في اللي جاي انشاء الله
اتمني يكون البارت حلو ويعجبكم❤️