زواج مزيف

البارت السادس وثلاثون

سيلا:عايزه اعرف الحقيقه أعتقد ان ده حقي ياجدو مالك يبقي ابن مين
حسين:هتفرق معاكي ايه ياسيلا ليه بدوري في الماضي عشان تكملي مع مالك أو لا
سيلا بضيق:لاطبعا أنا ميفرقش معايا كل ده
حسين:بس ده مش الواضح ياسيلا لدرجه وصلتي لتقارير ديه
سيلا:مش بمزاجي فيه حد عايز يظهر الحقيقه بهدف أن يدمر مالك عن طريقها وانا لازم اعرف ايه اللي حصل وليه خبيته سر كبير زي كده يعني تفتكر كدبه هتفضل عايشه قد ايه مش انت بتحب مالك وهو حفيدك الكبير ليه خبيت عليه عشان متجرحوش مهو مسيره هيعرف
حسين:سيلا انتي متعرفيش حاجه اللي انتي عرفتيه ده نبذه عن الماضي أنا مكنش بايدي يحصل كل ده عمك هو السبب اه كنت عارف انو بيخون هدي بس مكنتش اعرف انو متجوز في السر والاسوء بقي لما قرر يخلع كانت حامل هتقولي المفروض واخدين احتياطهم بس اراده ربنا فوق كل شئ
سيلا بتردد:مالك يبقي ابنها
حسين بتنهد:ابني كان عايزها تنزل الطفل ده وكل واحد يروح لحاله بس هي مقدرتش أن تموت ابنها
واوهمته أن نزلت الطفل وبعد عنها بس طلب حد يراقبها وبعد فتره عرف بأنها منزلتش الطفل والموضوع كبر وحرفيا كان هيقتلها هي واللي في بطنها
سيلا:وايه اللي حصل
حسين:أنا كنت علي علم باللي حصل وقدرت أنقذها من تحت أيده بس منكرش انو حاول كتير يخليها تسقط لانه كان عارف لوولدت مفيش حاجه والكل هيعرف وهيخسر هدي
سيلا:هو كان بيحبها اصلا
حسين:لا بس هدي ليها اسمها وعائلتها كبيره وغنيه ومحمود بيدور علي المظاهر وقتها هددته انو لوقرب منها اوائذاها هعرف هدي كل اللي بيعمله وسعتها هو خاف وبعد
سيلا:طيب ليه هي مش موجوده متقولش ياجدي انك حرمتها من ابنها عشان اسم العائله
حسين بتنهد:أنا مش ظالم لدرجاتي ياسيلا مش انتي عايزه تعرفي سبيني اكمل وقتها كانت هدي حامل كمان اول حمل ليها وكان ولد بس كان فيه مشاكل بينها وبين محمود وجت وهي في أواخر الشهر السابع حد من قرايبها قالها عن علاقه من علاقات محمود واداها صور من كتر الانفعالات والمشكله اللي حصلت جالها الم الولاده ولسوء الحظ ليلي كانت متحدد ليها أنها تولد في اليوم ده برضو بعمليه واللي مكنتش اقدر اتخيله وان ابني ممكن يعمل حاجه زي كده لماهدي فقدت ابنها وليلي ولدت رشي كذه ممرض وقدر أن يبدل الطفلين ويطلع تقرير مزيف لذلك انتي لقيتي تقريرين ياسيلا مالك مش ابن هدي بس هي معرفتش ده الا بعد سنه وشويه من ولادته بالصدفه كانت حامل وقتها في مروان ومن وقتها تصرفاتها اتغيرت مع مالك
سيلا:انت كنت عارف بأنهم اتبدلوا
حسين:لا ياسيلا محدش فكر يدور ورا الموضوع وقتها كان بالنسبالنا أن هدي قامت بالسلامه والطفل كويس خلاص طبعا هتساليني عن ليلي أنا معرفش عنها حاجه حاولت ادور عليها بس فيه ناس بتقول انها ماتت من حزنها علي موت ابنها صدقيني مش من مصلحه مالك أن يعرف اي حاجه
سيلا بنبره حزينه:عارف انكم غلطانين برضو وبالأخص عمتي هدي دمرتوه تخيل شخص يعيش كل حياته حاسس ان أهله مش طايقينه حته ميعرفش السبب
حسين:كان المفروض اعمل ايه أقوله وهو صغير تفتكري كان هيستوعب ده حته لوفهم هيسال عن امه اللي معرفش إذا كانت عايشه ولاميته،سيلا اتمني متعمليش حركه مجنونه أو تفكري تتخلي عن مالك مثلا
سيلا بجمود:اعتقد متفرقش كتير اللي هعمله ياجدو عن اذنك واتجهت لخارج فكدت انفجر ولكن بحاول التماسك لاصطدم بها عن غير قصد اسفه
هدي:لاعادي ولايهمك انتي كويسه وقبل أن أكمل الجمله لقتها مشيت سريعا متجهه لخارج كانت خارجه من عند عمي لاتجه إليه هي سيلا كانت عندك اصل شوفتها وكانت عن غير طبيعتها فيه حاجه حصلت
حسين:اه فيه سيلا عرفت الحقيقه وان مالك مش ابنك
هدي بصدمه:عرفت كل حاجه
حسين:لامش كل حاجه وبالأخص عن ليلي
هدي بضيق:بس سيلا مش هتهدي غير لما تعرف الباقي انت عارف انها ذكيه
حسين:انتي كنتي عارفه أن هيجي يوم ويحصل ده ياهدي لوسمحتي سبيني لوحدي
                        ✨✨✨✨
ادهم بنعاس:في ايه يامدام ماجده
ماجده:أنا اسفه أن بصحيك يابني بس حور
ادهم بقلق:مالها
ماجده:بحاول أقنعها تأكل عشان تاخد ادويتها بس هي خايفه ومش عايزه تاكل وشكلها تعبان
ادهم بتنهد:تمام يامدام ماجده هغير هدومي واروح اتكلم معاها واتجهت لحمام خدت شاور وغيرت هدومي وخرجت يارب صبرني علي المصيبه اللي انا فيها اقتربت من غرفتها وخبطت علي الباب فسمعت رد بسيط فدخلت لقيتها قاعده علي السرير وضامه ساقيها لصدرها لأنظر بجانبها فكان الاكل موجود لاهدئ نبره صوتي مش عايزه تأكلي ليه ياحور الأكل مش عاجبك
حور بقلق:مش عايزه اكل أنا عايزه اهلي
ادهم بعفوية:طيب ممكن اجي اقعد جنبك ونتكلم بعد تردد كبير علي ملامحها وافقت فخدت كرسي وقعدت جنب السرير بصي انك تأكلي وتاخدي ادويتك ده مهم عشان تبقي كويسه وساعتها اقدر اوصل لأهلك لوقتها انتي ضيفه عندي هنا وكمان امانه يرضيكي يحصلك حاجه من عدم اكلك سعتها الكل هيفتكر أن كنت بعذبك هنا ولاحاجه😅عمتا لوحابه اجبلك اكل من بره ده هيريحك اكتر فإني مش هسممك يعني معنديش مشكله ملقتش رد اكل مدام ماجده حلو جدا اضمنلك ده يعني هي شبه اللي ربتني تعتبر امي التانيه لامسك الطبق يعني مفيش اطيب منها عشان تاذي اي حد لاخد معلقه وأمد يدي أمامها جربي
حور بتردد:كنت أنظر له بتردد وقلق من أن اثق به لاقترب واكل من يده
ادهم:عجبك ولانعمل اكل تاني
حور:لاحلو لأخذ بعض المعالق كده كفايه
ادهم بابتسامه:تمام وحطتلها الادويه وجبت كوبايه مايه لالمح اثر جرح بيدها الاخري ولكن لااركز علي هذا أنا مضطر اروح شغلي بقي البيت بيتك خدي راحتك يعني مش لازم تتحبسي في الأوضه اي حاجه تحتاجيها نادي مدام ماجده وهنا امان ياحور محدش هيأذيكي ثقي في ده فياريت متطلعيش من البيت عشان انتي متعرفيش اي حاجه هنا وممكن تتوهي اي سؤال او اعتراض اي حاجه
حور بتردد:لاشكرا يا..
ادهم بضحك:اسمي ادهم
حور بتوتر:اه معلش نسيت اسمك بس هو انت عايش هنا لوحدك يعني عشان وجودي ميضايقش حد أو يعملك مشاكل
ادهم بعفوية:اه عايش لوحدي محدش عايش معايا غير مدام ماجده بتهتم بالبيت ومتقلقيش محدش بيجي لهنا اصلا وكمان أنا مش مرتبط فمفيش اي مشاكل ارتاحي
حور:أنا اسفه لوضايقتك بكلامي او سؤالي
ادهم بضحك:لامش لدرجاتي ياحور أنا مش بدقق لدرجاتي ده غير أن مبسوط بحياتي كده
ماجده:ادهم أنا جبت الحاجات اللي طلبتها مني امبارح لحور
ادهم:لاحظت خوفها اهدي ياحور أنا مطلبتش ادوات تعذيب مثلا😂احم طيب انا طلبت من مدام ماجده تجبلك هدوم تناسبك عشان هدومك كانت متبهدله وكده واكيد هتبقي عايزه تغيريها بس كده
حور:مكنش فيه داعي عمتا شكرا
ادهم:العفو ديه أبسط حاجه ممكن اعملها اسيبكم مع بعض ولوفيه حاجه كلميني يامدام ماجده واتجهت لخارج بعد فتره كنت وصلت لقسم وقعدت علي مكتبي هااا وصلت لأي حاجه عن البنت ديه اي بلاغ أنها مفقوده
الشخص:لايافندم دورنا ومفيش اي بلاغ بوصفاتها
ادهم:غريبه مر يومين ازاي محدش من أهلها قدم بلاغ أنها مفقوده
الشخص:ممكن يافندم تكون يتيمه مثلا وملهاش أهل
ادهم بتنهد:هو ممكن بس كان علي أقل اي حد من اصدقاء ليها قدم بلاغ المهم دورلي علي معلومات لازم اعرف عنها أي حاجه
الشخص:هي لسه في بيتك ياباشا
ادهم:اه اكيد مش هرميها في الشارع بالمنظر ده مش هتكمل يومين محدش هيسيبها في حالها اديها هتفضل عندي لحد مانوصل لاي معلومات ليها ديه صوره ليها دور في محيط المنطقه اللي حصلت فيها الحادثه يمكن نعرف عنها حاجه بس خلي بالك
الشخص:وأمكن مكنتش من سكان المنطقه
ادهم:سعتها الموضوع هيبقي اصعب وهيطول وأمكن حد يبلغ عن اختفائها وهيسهل الموضوع اشتغل علي الحوار ده
الشخص:انت تأمر ياباشا
                         ✨✨✨✨
لينا:ابتديت افتح جفوني فضلت ثواني حته استوعبت اني نائمه في حضنه كنت قريبه جدا منه بس ازاي لابتعد سريعا
مراد:صحيت اثر حركتها انتي كويسه
لينا بتردد:أنا ايه جابني من طرف السرير لحضنك يامراد
مراد بعفوية:اممم ديه المشكله يعني طيب عشان تهدي انتي امبارح حلمتي بكابوس وقومتي مخضوضه بسببه بتعيطي وبتتنفضي وخايفه فأنا خدتك في حضني عشان تهدي وبعد شويه لقيتك نمتي فمرضتش اقلقك ونمت بنفس الوضعيه وده قبل مادماغك تضرب بعيد
لينا بتنهد:اسفه أن قلقتك باليل بس انا مش فاكره حاجه
مراد:لاعادي متعود بقيتي احسن لقيتها هزت راسها ده ناتج أن موقفه المهدئات اللي كنتي بتاخديها
لينا:أنا مش فاكره حاجه اصلا
مراد بعفوية:اممم بس انا مكنتش اعرف ان حضني وحش لدرجاتي عشان تبعدي كده
لينا بتوتر:مش كده انا مش متعوده فيه فرق اسيبك تكمل نومك وانا هقوم لقيته شدني فوقعت في حضنه وحاوط خصري بزراعه مراد بتعمل ايه
مراد بابتسامه:قولت الحقك قبل ماتهربي كالعاده أنا مش هنام حاليا يعني لابعد خصلات شعرها لوراء كنتي بتعتذري انك قلقتيني امبارح بس كان بالنسبالي احلي قلق بسببه نمتي في حضني
لينا:يخربيت صراحتك يامراد علي استغلالك لفرص
مراد بضحك:يعني اكدب عليكي مثلا ومقولكيش أن امبارح كانت احلي نومه انامها من فتره وطلعت الكوابيس بتجيب حاجات حلوه معاها احيانا
لينا:اممم مراد اتلم عشان انا ميمشيش معايا الحوارات ديه كلها احمد ربنا أني بسيبك تنام جنبي علي السرير اصلا
مراد بضحك:شاهد لينا الرقيقه او اللي بتبان كده بتتحول واللهي لوبكلم صاحبي مش هيتعامل معايا كده حسبي الله😂
لينا بغيظ:أنا صاحبك يامراد وبتحسبن عليا وبعدت عنه وخبطته بالمخده وقومت من مكاني خاف علي نفسك بقي لاتحول واخلص عليك واريح البشريه منك😒
مراد بضحك:الف حد يتمناني علفكره أنا اصلا رايح المستشفي واتجهت لحمام خدت شاور وغيرت هدومي واتجهت لخارج لاراها خارجه من البيت ولكن شكلها غير طبيعي لاركب السياره والحق بها لافتح النافذه اللي بجانبي سيلا ياسيلا يازفته
سيلا بضيق:في ايه يامراد خضتني
مراد:مهو أنا بنادي بقالي كتير بس انتي اللي في عالم تاني اركبي
سيلا:مش عايزه سيبني لوحدي يامراد وروح شغلك هتتعطل
مراد:سيلا انجزي انتي عارفه أن مش هسيبك بالشكل ده خلينا نتكلم شويه لقتها اتجهت لسياره وجلست هنروح كافيه قريب من هنا عازمك علي قهوه بعد شويه وصلنا واتجهت لهناك وطلبت القهوه هااا بقي مالك بقالك فتره ملاحظ انك بقيتي غريبه والاغرب شكلك حاليا وانتي خارجه من البيت مضايقه
سيلا بضيق:معتقدش فيه فائده من الكلام
مراد بعفوية:مش أنا اخوكي وصديقك ياسيلا انتي عارفه كويس أن مهما تقولي محدش هيعرف حاجه وبعدين يمكن نلقي حل وتهدي لماتكلمي الموضوع يخص مالك مش كده
سيلا بتنهد:ايوه بس اوعدني أن ميعرفش اي حاجه
مراد:فيه مره اتكلمتي معايا وحد عرف حاجه اصلا ياسيلا عمتا اوعدك
سيلا بضيق:تمام حكيتله من اول موضوع الرساله لكلام جدو الصبح بس كده انا تعبت يامراد الموضوع مش سهل ده غير معرفش ايه اللي ممكن يحصل لو مالك عرف كمان أنا حسه أن جدو مقالش كل حاجه
مراد بلوم ممزوج بصدمه:ايه كل ده طيب ليه مقولتليش من الاول ياسيلا متقوليش انك خوفتي تقولي عشان مقولش لمالك لدرجاتي مبتثقيش فيا ياسيلا
سيلا بعفوية:الموضوع مش حوار ثقه يامراد أنا فعلا كنت خايفه تقول اي حاجه لمالك بالغلط لأن عارفه انكم قريبين لبعض وكمان أنا مكنتش متاكده من اي حاجه كان صعب اتكلم لمجرد أن معايا رساله او شاكه في حاجه محدش عرف غير لارا وادهم وانت حاليا انت عارف ان مبترددش اتكلم معاك يامراد لاني عارفه انك مبتتصرفش بتهور محدش لسه عرف اللي حصل الصبح انا حسيت أن مخنوقه جدا معدتش فاهمه حاجه يعتبر اكتشفت أن معرفش اي حاجه عن عائلتي
مراد بنبره خافته:تمام اهدي ياسيلا الموضوع حساس وكبير وفعلا انتي عندك حق احنا مينفعش نمشي علي كلام جدي وبس وده مش تشكيكا في كلامه لاطبعا بس الفكره أن اي حد بيتكلم بيقول من وجهه نظره واللي شايفه وحاجات بتبقي مفقوده احنا لازم نعرفها تمام لوقتها حاولي تتصرفي طبيعي لحد مانوصل لاي حاجه جديده يمكن نقدر نوصل لمعلومات عن طنط ليلي مثلا
سيلا:وافرض تكون مش عايشه زي ماقال جدو
مراد:هنشوف هتكلم مع ادهم وأشوف الحوار ده انتي شوفتي الصندوق فيه ايه الاول
سيلا:لامشفتوش اتلهيت في حوار أن مالك يبعد عن التدوير ورايا وان اشوف حوار جدو وحوار التقريرين
مراد باستغراب:مالك وافق ببساطه أن ميدورش ورا الموضوع؟!
سيلا:ايوه ووعدني مالك مستغرب ليه
مراد بعفوية:مالك مستحيل يوافق بالسهوله ديه الا لوفدماغه حاجه معينه
سيلا:قصدك هيكسر وعده ليا
مراد:لا مالك مبيكسرش وعود بس هيعمل حاجه بعيده عن الوعد ده هتوصله برضو للي عايزه ايه هي بقي الله اعلم فاحذري منه لأن قريب هيعرف كل حاجه وربنا يستر
                       ✨✨✨✨
لارا بتنهد:كنت في المكتب لتدخل علي موظفه فيه حاجه
الموظفه:اه يامدام لارا الجواب ده جالك
لارا:من مين
الموظفه:معرفش هو واحد وطلب مني اوصلهولك مخصوص
لارا:طيب شكرا بعد ماسابتني فتحت الظرف فلقيت ورقه فابتديت اقراها"طبعا ديه اول رساله ومش اخر واحده برضو اتمني تعجبك مفاجئتي ليكي المرادي يالارا اعتبريها البدايه بس"لأنظر في الظرف لاري صور لمروان وهو يتعاطي مخدر لامش معقول واتجهت لمكتبه حته مخبطتش كان معاه موظف مستر مروان عايزه اتكلم معاك فاضي
مروان:اه وشاورت لموظف أن يخرج خير حبيبتي افتكرتني فاجئه وجت تزوريني  معقول وحشتك ولسه هقرب منها لقيتها بعدت لارا انتي كويسه
لارا بانفعال:لا ايه ده واديته الصور مكنتش أتخيل انك تخبي عليا حاجه زي كده وياترا لسه مكمل ولاوقفت ليه كدبت عليا
مروان بصدمه:انتي جبتي الصور ديه منين يالارا
لارا بعصبيه:مش مهم جبتها منين المهم انك كدبت عليا يامروان وانك بتتعاطي
مروان:اسمعيني بس وجيت اقرب لقيتها بعدت تمام اهدي أنا مش هنكر اللي في الصور اللي معرفش وصلتلك ازاي أنا فعلا كنت بتعاطي في وقت بس اتعالجت
لارا بعصبيه:ممكن تفهمني حصل ازاي ده بمانك المفروض كنت صديقي المقرب
مروان:من سنتين الفتره اللي قولتلك أنا هسافر كام شهر عشان بابا عايزني احل صفقه بره وكده ونتواصل كنت في المصحه
لارا بعصبيه:وكدبت عليا ليه وانت عارف كويس أن بكره الكدب يامروان 
مروان بضيق:عشان وقتها مكنتيش هتفهميني يالارا واللي وصلني لكده لأن قيمك واخلاقك ومعاييرك مش هتتقبل ده وكنت هخسرك وانا مكنتش عايز ده كل اللي حصلي مكنش بمزاجي ومتعرفيش الشهور ديه عدت عليا ازاي بس انا اتعالجت يالارا ليه بتدوري في مواضيع قديمه
لارا بانفعال:يعني أنا الغلطانه في الاخر يامروان انت كدبت عليا وقتها وحته دالوقتي شايف أن كان غلطي
وايه كمان هتكون كدبت عليا فيه أو مخبيه يامروان
مروان:لارا متكبريش الموضوع ده غير أننا في الشركه
لارا:عندك حق أنا مش هكبر الموضوع فعلا عن اذنك وتركته واتجهت لخارج
مروان بضيق:اوف اصلها كانت ناقصه بس هي عرفت ازاي
شخص:ايوه يافندم نفذت كل اللي طلبته والخطه نجحت وأهي طالعه من الشركه متعصبه حاضر هراقبها وقفلت الخط واتجهت وراها دون أن تشعر
                        ✨✨✨✨
مروه بابتسامه:عامله ايه ياحبيبتي دالوقتي
جاسي:احسن شويه بس انا أمتي هخرج ياماما
مروه:لما تتحسني عمتا عملالك مفاجأه ادخل
جاسي بعدم تصديق:جاسر انت طلعت أمتي
جاسر بابتسامه:من قريب ومامتك هي السبب الحقيقه
جاسي:شكرا ياماما أنا لوكنت كويسه مكنتش هسيب سيلا ومالك في حالهم الا وهنتقم بس مش قادره اعمل حاجه
مروه بابتسامه خبيثه:وديه تفوتني برضو ياجاسي تفتكري أن كنت هسيب حقك عمتا عملت اللي قولتلك عليه ياجاسر
جاسر:ايوه والباقي هكمله
مروه:لاانا هغير الخطه ومش هتكمل اللي كنت هتعمله
جاسر:امال هعمل ايه
مروه:هقولك...
يكمل
😅❤️اسفه للي سال وقولت أن هنزله اخري التلات بس مكنتش عايزه أنزله صغير عشان كده اتاخرت سيكا عشان مظلمش حد من الشخصيات كمان