زواج مزيف

البارت الثامن وعشرون

مروان باستغراب:اللي هما ايه
لارا:اولا أنا هفضل في اوضه الضيوف مش معاك لحد مانبقي نحدد فرحنا أمتي
مروان بعفوية:معنديش مشكله اعملي اللي يريحك والشرط التاني
لارا بتنهد:هو أن هحتفظ ببيت اهلي زي ماهو وأن كل فتره هروح اقضي يوم او يومين هناك ابقي محتاجه فيها اقعد مع نفسي شويه عارف البيت ده عزيز عليا هو الحاجه الوحيده اللي كلها ذكريات بتجمعني بيهم اه يمكن مكنتش بقعد كتير فيه وبروح علي النوم بس انا ذكرياتي كلها مرتبطه بالبيت ده طفولتي وكل حاجه عندك اعتراض علي ده
مروان بابتسامه ممزوجه بنبره هادئه:مسكت ايديها لامعنديش اعتراض أنا عارف كويس قيمه الذكريات وانك تسيبي المكان اللي عشتي فيه طول حياتك فاي وقت تحبي تروحي عادي سواء كنتي عايزاني معاكي أو لوحدك بس اخرك يومين عشان مش ناوي افضل لوحدي اكتر من كده بعد مااتعود علي وجودك
لارا بضحك:اعتقد وقتها هتبقي عايز تخلص مني وتقولي خليكي بتاع اسبوعين شهرين حاجه في الحدود ديه😂
مروان بعفوية:لامعتقدش مهما كنت مضايق منك في أي كان اللي حصل بينا مش هقولك تبعدي عمتا يلا عشان اوصلك لأن الوقت اتاخر
                        ✨✨✨✨
سيلا:عايزاني اقول الحقيقه وهتتقبليها اي كانت هي ايه وتعرفي أن بقولك كده لانك اختي وبنصحك ولااكدب عليكي يالينا بالحاجه اللي عايزها قرري
لينا دموع:سيلا انتي عارفه أنك اختي وانا صدقيني تعبت أنا عايزه اسمع الحقيقه منك أنتي شيفاني ايه وشايفه اللي قولته عن مراد صح ولاانا ظلماه بمانك عارفاه اكتر مني
سيلا بنبره خافته:بصي يالينا مش فكره انو خد منك حلمك وحرمك منه انتي فاهمه مراد غلط صدقيني ده اكتر شخص هنا عقلاني مش معني كلامي أني بقلل من الباقي لا طبعا بس هو بيقدر يحل المشكله بهدوء مقارنه بعصبيه مالك ومروان وده طبعا لطبيعه شغله هو مش بيعيب فيكي يالينا ولاشايفك انك متنفعيش لوتخلي بالك هتلاقي أنه ذكر انك مجتهده وحبك للي بتعمليه برضو بيخليكي افضل
لينا:طالما كده مكنش هيهددني ياسيلا ويسحب ورقي
سيلا:اسمعيني لآخر هو مهددكيش هو شايف أن اجتهادك ده مش كفايه وان لازم تكوني مؤهله نفسيا لده وانتي مش كده هو معاه حق
لينا بسخريه:حته انتي هتقفي معاه وانا اللي هطلع غلطانه
سيلا:انتي طلبتي الحقيقه وانا بقولهالك مش بتحيز لحد معين أنا مقولتش انك غلطانه ولاهو صح أنا بتكلم عقلانيا من وجهه نظره فاكره الحادثه اللي حصلت معاكي وكنتي هتموتي فيها لما هاجمك شخص كان في نوبه هزت راسها بااه تمام انتي لوبقيتي دكتوره وعندك نفس المشكله وحد اذاكي أو اذي نفسه مش هتقدري تساعديه بالعكس هتدخلي في نوبه ومتعرفيش ايه اللي هيحصل وقتها أنا عارفه مراد كويس يالينا متربين سوا وهو يعتبر اخويا اصلا مبيهتمش بالمظاهر يعني لوشايف أن شكله واسمه هيضر لوحصلك حاجه زي كده وناس موجوده وهيتفضح مثلا مكنش فكر يتجوزك من الأصل وهو عارف مشكلتك وصمم يكمل ومحدش بيتجوز حد عند برضو وبالنسبه لمشاكلكم فديه حاجه وشغله حاجه تانيه وده انا واثقه فيه كويس هو مش بيقولك تعملي حاجه غلط ولاتنحرفي حته عشان تدي رده الفعل ديه ضده بالعكس هو حابب يشوفك كويسه وده لانه بيحبك فبلاش تخسريه عشان عندك يالينا
لينا بضيق ممزوج بدموع:انتي بجد شيفاني أن محتاجه اتعالج ابتدت دموعي في التساقط انا خايفه انتوا مش قادرين تفهموا ده أنا الفتره اللي قضيتها في المصحه كانت اسوء فتره في حياتي بعد موت تالا أنا مش بعند علطول الا اني فيه جزء جوايا خايف برضو من اخد قرار زي ده انا مش زي مانتوا شايفني ولاحابه حالتي ديه عارفه أن شوفت كل حاجه عملتها يوم اللي اتصابتي فيه أنا كنت ممكن اقتله من غير مااحس واذي لارا انا مكنتش عايزه ده انا مش وحشه أنا بفقد السيطره علي نفسي بشوفها قدامي وهي غرقانه في دمها وهدومي وأيدي كلها دم لتبدأ ايدي في الرعشه أنا مقدرتش انقذها الصدمه كانت صعبه عليا لدرجه ان بعاني لحد دالوقتي محدش قدر يتحملني وودوني مصحه بالاجبار كنت بعيده عن الكل هما بيعاملوني علي اني مجنونه أنا مش عايزه ارجع هناك
سيلا بنبره هادئه:شدتها لحضني اهدي يالينا مين قالك هنوديكي في حته احنا منقدرش نستغني عنك وافقي بس عشان خاطري لوانا عزيزه علي قلبك زي ما بتقولي وبعدها كل حاجه هتبقي كويسه مسحت علي خصلات شعرها لتهدأ قليلا لابتعد احسن شويه أنا صارحتك بالحقيقه اللي انتي عايزها بس حابه اعرف قرارك ايه
لينا:...
                     ✨✨✨✨
تاني يوم الصبح،سيلا:قضينا معظم النهار بنجهز في البيت لحد ما طلع عيني والحمدلله لينا ساعدتني شويه بعد ما خلصنا اترميت علي الكنبه وهي جنبي اه ياني خلاص مش قادر يدوروا علي مين يعيشلهم لحد بليل
لينا بتعب:عندك حق خلاص كفايه اوي كده علي لارا وسندت راسي علي كتفها
هدي بضحك:يخربيت روح الشباب الميت بتاعكم لحقتوا فرهدتوا بالشكل ده وفين الشباب
سيلا:واللهي ياعمتي أنا لوشوفت الشباب اللي بتسالي عنهم ودبسونا التدبيسه ديه هقتلهم حسبي الله
هدي بضحك:قعدت قدامهم معلش تعيشي وتاخدي غيرها😂لارا جت ولالسه
لينا:لاقدامها ساعه عقبال ماتيجي فااحنا هنجهز عشان لما تيجي نفضالها
هدي:متتعبوش نفسكم أنا هتولي الموضوع لما تيجي عندي خبرتي برضو😂
سيلا:هو اللي يريحك ياعمتي بس احنا مش حابين نتعبك
هدي بابتسامه:ولاتعب ولاحاجه لمااساعد بنتي ومرات ابني الصغير يمكن بسبب الظروف مقدرتش اعمل حاجات كتير معاكم وبالأخص انتي سيلا بس عمتا تتعوض انشاء الله في حاجه تانيه روحوا اجهزوا وسبوها عليا
سيلا بابتسامه:تمام واتجهت أنا لغرفتي حته استعد فهو مكنش موجود لم يأتي بعد طلعت الفستان ولبسته بعد معاناه اثر وجع زراعي اوف علي العذاب ياريتني طلبت من لينا تساعدني حطيت ميكب خفيف وكحل ليظهر لون عيناي بوضوح وروج بلون الفستان اوف أنا هظبط شعري ازاي حته مش عارفه اسرحه بايد واحده ولسه عايزه البس دول اناديها فوقت من شرودي علي صوته
مالك:سيلا انتي لسه مجهزتيش
سيلا بضيق:اوف لسه مش عارفه اسرح شعري واظبطه ولسه كنت هنادي لينا قدامي عشر دقائق واخلص
مالك بنبره هادئه:وقفت خلفها ممكن اساعدك علفكره
سيلا باستنكار:هتساعدني ازاي لقيته قرب ليأخذ المشط ويفك خصلات شعري فكنت مخليه لينا تلمه كحكه مالك انت بتعمل ايه
مالك بابتسامه:ثقي فيا واهدي كده
سيلا بقلق:مالك نادي لينا بلاش تهور مش حابه القي نص شعري في ايدك🥲
مالك:اخرسي ياسيلا لحد مااخلص مسمعش صوتك بدأت بتمشيط شعرها بخفه فكان شعرها كالحرير فأنا احبه وبشده فلم تأتيني فرصه أكثر من ذلك بعد شويه كنت انتهيت لاترك شعرها منسدلا جزء علي ظهرها وجزء اخر علي جنب ولميت بعض الخصلات من الجنب الاخر بدبوس لشعر علي شكل زخرفي رقيق لون فستانها اتناولت الحلق منها ولبستهولها قربت منها واحتضنت خصرها من الخلف خلصنا
سيلا بإضطراب حاولت اخفائه:لقيته حاوط خصري بزراعه قرب مني اكثر واو مكنتش اعرف ان ليك مواهب يامالك وهتعرف تظبطه بس عملته احسن ماكنت ناويه اعمله شكرا ايه رايك في الفستان⬇️ولااقولك انت ملكش في المدح