زواج مزيف

البارت الثامن عشر

مالك:قطع شرودي رنين هاتفي فلقيتها ماما انا مليش مزاج اتكلم اصلا فصلت المكالمه فرجعت اتصلت تاني فابتديت اقلق فرديت الو ياماما خير....اييييييه حصل ازاي ده انا جاااي حالا اتجهت بعد فتره وصلت واتجهت لهناك فلقيت ماما ومراد قاعدين بره هي فين و..
مراد:اهدي يامالك هي في اوضتكم لسه الدكتور ماشي من شويه ناتج وقعتها علي السلم راسها اتخبطت جامد ونزفت كتير بس قدر يوقفه الحمدلله مفيش جرح عميق وعندها التواء في رجلها الشمال الحمدلله أن محصلش كسر أو اي حاجه بس عشان هي كانت تعبانه اداها حقنه مسكن قويه وسبناها ترتاح قال هتقوم بكره احسن شويه وبعت يجيبوا ادويتها
مالك بقلق خفي:ايوه بس هي وقعت ازاي يامراد عمرها ما حصلت
مراد:معرفش الصراحه أنا جيت علي صوت ماما وهي بتصرخ بس ممكن تكون داخت ووقعت محدش يعرف غيرها بس حالتها مكنتش تنفع اننا نتكلم لماتتحسن نبقي نعرف بس عايزك في حاجه وخدته بعيد عن مسمع ماما
مالك:في ايه
مراد بتنهد:بص من غير انفعال أنا شاكك أن حد ورا وقعتها بس مش متاكد ومعرفش مين بالظبط وكمان يامالك يعني أنا شايف انك بقالك اسبوع شبه مبترجعش البيت ومهمل سيلا وده مش صح بوجود جاسر هنا كان عقلك فين يامالك
مالك:....
مراد بلوم:سكت ليه انت بتعمل كده عشان تبعد عنها لانك ابتديت تحس بحاجه ناحيتها وده ضد تفكيرك طبعا مالك انت بتدمر نفسك من غير سبب استسلم لاحساسك ده هي محتاجاك مفكرتش للحظه في ده وان في بعدك بالمنظر ده هتكون حست انك زهقت منها سيلا اختي يامالك عايز تبعد يبقي هيكون من غير راجعه هتستني شويه وتنفصلوا رسميا بس ترددك ده هيأذيها كمان
مالك:صدقني يامراد انا مقصدتش ده بس حرفيا أنا بعدت اسبوع بالعافيه الموضوع مكنش سهل عليا وبس
مراد:يبقي يامالك انت بتحبها ومش هتقدر تبعد يبقي تنسي الماضي بلاش تخلي صراع بين قلبك وعقلك سيلا محتاجاك بلاش تتخلي عنها محتاجه مراعيه هسيبك ترتاح وتفكر كويس ونرجع نتكلم في وقت تاني يلاتصبح علي خير وسبته واتجهت لغرفتي
مالك بتنهد:اتجهت لغرفتي وقفلت الباب ورايا وقربت منها فكانت راسها ملفوفه بالشاش ووجهها مورم شويه وجرح عند شفتيها قعدت جنبها فقلبي وجعني اثر رؤيتها هكذا مسحت علي وجهها بخفه فأنا لن ارحم لوتاكدت من فعل بها هكذا قربت وطبعت قبله علي جبينها ورحت بدلت هدومي ونمت علي الطرف الآخر ولكني كنت شارد في ملامحها لحد مانعست دون أن أشعر فأنا تعبت الفتره الماضيه من كثره التفكير
✨✨✨✨
مروان:وطلعت خاتم من جيبي تقبلي تكوني جزء من عائلتي فعليا وانك تكوني مراتي يالارا
لارا بصدمه لم استطع الكلام اثرها:.....
مروان:لارا حبيبتي اخلصي مش شاروخان أنا عشان عشان افضل كده كتير
لارا بسخريه:علي أساس انت بتقارن نفسك بيه ده قمر يابني يااااه🥰
مروان بغيظ:لوخلصتي عبري كيس الجوافه اللي رجله وجعته ده منك لله
لارا بضحك:كيس جوافه قوم يامروان فوقف قدامي بوظت المشهد الرومانسي ياعم مش كده مقدرتش تظبطها😂
مروان:متعرفيش أنا قعدت يومين ادرب عليها وانتي بوظتيها في دقيقتين حسبي الله😒
لارا بضحك:ياعيني لدرجاتي كم المعاناه
مروان بغيظ:انا غلطان اصلا لقتها مديت ايديها ايه
لارا بضحك:هيكون ايه في وجهه نظرك ولاانت رجعت في قرارك ومش هتقدر تتحمل جناني😂
مروان بابتسامه:مسكت ايديها ولبستها الخاتم وطبعت قبله علي يدها
لارا بإعجاب:واو الخاتم حلو وكمان مظبوط عرفت مقاسي ازاي
مروان بضحك:خبره بقي عمتا انا قررت أن كتب كتابنا يبقي قريب
لارا بصدمه:ايه ليه وديت الخطوبه فين انت بتنط فيه مرحله الخطوبه وبعدين كتب كتاب وبعدين الفرح فين الخطوه الاولى هااا🙄
مروان بعفوية:هقولك بمان احنا نعرف بعض بقالنا سنين عديده فمش محتاجين فتره خطوبه بتبقي تعارف واحنا عارفين بعض
لارا بتردد:بس انا مش مستعده لنطه الرهيبه ديه بالسرعه ديه حته لوعارفين بعض بقالنا سنين
مروان بتنهد:طيب هو كتب كتاب وناجل الفرح وقت ماتكوني مستعده واعتبريها فتره خطوبه بس في نفس الوقت مراتي هااا ايه رايك
لارا:......
مروان:لارا سرحتي فين
لارا:أنا هنا اهو بس سيبني افكر يامروان وهرد عليك أنا مش رافضه الفكره نهائيا بس محتاجه وقت مع نفسي عشان اقدر اخد قرار
✨✨✨✨
تاني يوم الصبح،سيلا بتعب:ابتديت افتح عيوني اثر شعاع الشمس بس أحسست بشئ غريب فابتديت افوق لقيت نفسي نائمه في حضنه وهو محاوط خصري بزراعه جيه امتي ده حاولت اتحرك بس لقيته صحي
مالك بقلق:انتي كويسه حسه بحاجه
سيلا:اهدا أنا كويسه هي كلها حادثه بسيطه
مالك برفعه حاجب:بسيطه كل الخرشمه ديه مش شيفاها كتير شويه ولاانتي مستنيه ايه اسوء من كده
سيلا بضحك:هتكسر أو اموت...لقيته قطع كلامي بقبله
مالك:بعدت عنها قليلا بلاش جنان ياسيلا متقوليش الكلام ده تاني حته لوعلي سبيل الهزار
سيلا:طيب مش غريبه أن القيك يعني بقالك فتره مشغول لدرجه ان شبه مبشوفكش
مالك بغيظ:يعني امشي عشان ترتاحي
سيلا: لا مقولتش كده كان مجرد سؤال لانك شبه مش معبرني بقالك اسبوع ومبتجيش غير بعد ماانام وتمشي قبل مااصحي فصارحني لومش طايق وجودي هروح اقعد عند لارا فتره وخليك انت مش مضطر تفضل في الشغل معظم الوقت عشان تخلص مني كنت لسه هقوم لقيته شدني لحضنه وحاوط خصري مالك
مالك بعفويه:كنت أنظر لعينيها اهدي ياسيلا أنا مش هطيقك ليه مثلا ليه فكرتي كده
سيلا بضيق:عشان انت عملت زي الكل يامالك وانا مش هفرض نفسي علي حد عشان ظروف جمعتنا
مالك بنبره خافته علي عكس مايشعر به من الم وضيق فهو اذاها بالفعل دون أن يشعر:مسحت بيدي الأخري علي وجنتيها سيلا مفيش حاجه من اللي بتفكري فيها عارفه أن تصرفي غلط وانا اسف بس انا كنت محتاج اقعد لوحدي شويه مش معناه أن مش طايقك وانك فارضه وجودك عليا وانا حابب وجودك ياسيلا مقدرش استغني عن جنانك وقهوتك الغريبه واكلك الغريب وحاجات تانيه كتير انتي وحشتيني وبعد كل ده عايزه تسبيني وتروحي ل لارا
سيلا بغيظ:بقي أنا قهوتي غريبه يامالك منك لله😒
انا غلطانه أن بعملك دور علي حد غيري يعملها بقي
مالك بضحك:يعني سبتي كل اللي قولته وركزتي في حوار القهوه وبعدين هتحرميني منها ولاايه😂
سيلا بعفوية:ايوه ابقي صرف نفسك بقي زي ماتصرفت الاسبوع اللي فات
مالك بتنهد:طيب سماح المرادي واوعدك متكررش
سيلا:ونفترض اتكررت
مالك بضحك:ابقي عاقبيني زي ماتحبي وقتها😂 بس معادا أن تفكري تسيبي البيت
سيلا بابتسامه:انت وحظك يامالك وقربت منه وطبعت قبله علي خده واتحركت من جنبه بس بهدوء عشان رجلي كنت هقع بس هو لحقني
مالك بعفوية:لحقتها وحاوطت خصرها بزراعي مش ناقصه توقعي تاني خلي بالك وسندتها لحد ماوصلتها الحمام لقيت الباب بيخبط فاتجهت ناحيته فلقيته مروان:صباح الخير الصراحه جيت امبارح متاخر وعرفت الصبح اللي حصل لسيلا هي كويسه
مالك:اه يعني هي متخرشمه شويه بس الحمدلله مفيش كسور
مروان بابتسامه:افهم منك انك قررت تستسلم لمشاعرك يامالك ولالسه معند وشايف أنها فتره وهتنتهي
مالك بعفويه:نوعا ما استسلمت حاليا بس هيفضل قرارها في النهايه يامروان
مروان:يعني ايه
مالك:يعني أن صعب استسلم كليا لمشاعري ديه يامروان عشان انا لحد دالوقتي معرفش سيلا ناويه علي ايه ولو قرارها الانفصال مش هقف في طريقها وفي نفس الوقت مش هيبقي تعبي أنا زياده لما تبعد
مروان بعفوية:طيب حته لومعترفتش بده يامالك فتصرفاتك وحته نظراتك وطريقتك هتبين أن فيه اختلاف اصلا اه اديها حريه الاختيار بس قبلها حسسها أنها مهمه وانك عايزها في حياتك خليها تثق انك هتفضل معاها ومش هتمشي أو تتخلي عنها بس لو في نيتك غير ده او متردد متعملش حاجه لانك هتاذيها
مالك:متقلقش مش. هفكر اذيها
مروان:كويس لما تتحسن محتاج اتكلم معاكم في حاجه
مالك:موضوع لارا فهز رأسه تمام تتحسن بس تقدر تتحرك ونشوف الحوار ده ونتكلم لوقتها عايز منك طلب وقربت منه وهمست دورلي علي اللي ورا الحوار ده وقولي من غير ماحد يعرف
مروان بابتسامه خبيثه:ياااه واخيرا اشتقت لحوارات ديه يومين ويكون عندك القصه ومافيها يامالك😈
مالك بوعيد وفي نفسه:اعرف بس اللي وراها ومش هرحمه علي أنه فكر يأذيكي بالمنظر ده لانه لحد دالوقتي مشفش الوش التاني لمالك الشافعي لما حد يفكر يأذي حد يخصه مش مراته وحبيبته فاخيرا اعترف في نفسه انو يكن لها مشاعر وليس مجرد احساس مسئوليه
✨✨✨✨
مني بزعيق:انتي يازفته اصحي
لينا بتذمر:ياماما حرام عليكي سبيني انام يوم إجازتي طيب مش كده لقيت كوبايه مايه متلجه ادلقت علي وشي اعاااا أنا غرقت ليه الإنسان يعمل كده في بنته اه ياني🥲
مني:مبتجيش غير بكده قومي فوقي عشان مراد شويه وجاي
لينا بنعاس:نعم ياماما اديني اتنيلت صحيت ايه مراد مين اللي جاي😳
مني بنفاذ صبر:أنا مش عارفه متحملك ازاي😒هيكون مين مثلا خطيبك يامجنونه عزمته علي الغدا ولارا هتيجي كمان
لينا بغيظ:وعزمتيه ليه هااا ماكنتي عزمتي لارا وبس اوف مش بدري جايه تقوليلي قبلها بشويه كيس جوافه أنا هنا
مني بضحك:لاانتي فجله ياحبيبتي مزروعه في السرير قومي يابت فوقي وغيري هدومك😂
لينا:طيب ماما بمانك حابه مراد اوي كده انا متبرعالك بيه اتبنيه وسبيني في حالي انتي وهو
مني:لينااااا اخر مره نتكلم في الحوار ده هو حاليا خطيبك وكلها فتره ويبقي جوزك وهو مفهوش اي عيب عشان تكلمي عنه كده أو حته متحترمهوش
لينا:تمام عرفنا انو مفهوش مشكله أنا اللي عندي مشكله ومش عايزه ارتبط ليه مش عايزه تفهمي ده مش هستني اليوم اللي يتخلي عني فيه ويسيبني وقلبي يتكسر أو يموت ويسيبني واكون اتعلقت بيه
مني بحزن فقد أرجعت لها ذكريات مؤلمه وتخلي زوجها عنها وهذه الحادثه التي كانت سبب بذهاب بصرها ولكنها لن تظهر هذا الان:لينا مش كل الناس زي ابوكي ابعدي الفكره ديه عن دماغك هترتاحي مراد شخص كويس وباين انو بيحبك ومتمسك بيكي وهتعيشي مع سيلا كمان فبلاش تخسريه عشان ماضي مآثر عليكي
لينا بسخريه:اه اومال إذا كان ابويا اللي انا من لحمه ودمه اتخلي عني لمجرد اني بنت وهو مبيحبش البنات هيخلي مراد ميتخلاش عني بسهوله لاي سبب مفيش حد كويس كله بيدور علي مصلحته
مني بتعب:كفايه بقي يالينا أنا تعبت لوعشتلك انهارده مش هعيش بكره وانتي عارفه ده كويس ليه عايزه تكسري بفرحتي والحاجه الوحيده اللي هتخليني مطمنه عليكي حته لوشايفه قراري ده غلط وان بجبرك بس مسيرك تفهميني يالينا اعرفي انك لوعملتي حاجه تبوظ العلاقه ديه ومتكملش هموت بحسرتي مش هقدر اتحمل ده وهتكوني السبب
لينا بدموع:لقيت ملامح وجهها ابتدت تتعب وتأخذ نفسها بصعوبه فاقتربت من الكرسي اللي جالسه عليه
وجثيت علي ركبتاااي أمامها ومسكت ايديها لالا عشان خاطري متقوليش الكلام ده اهدي عشان متتعبيش أنا اسفه اوعدك معملش حاجه طول الفتره ديه طالما ده اللي هيفرحك ويريحك هعمله حته لو مش عايزاه اسفه عشان خاطري متسبنيش مش هستحمل حد يسيبني تاني وسندت راسي علي رجليها
مني بنظره حزينه وفي نفسها:مسحت علي خصلات شعرها أنا اسفه أن بضغط عليكي بالمنظر ده بس انا عايزه أن يتم الموضوع في اسرع وقت لازم ابعدك عن هنا لمصلحتك
✨✨✨✨
جاسر بعصبيه:انتي مجنونه ياجاسي انتي اللي ورا اللي حصل
جاسي بجمود:وانا مالي ياجاسر هااا وانت عايز تلبسني اي حاجه وخلاص ومتنساش اللي مضايق عليها اوي ديه حاليا متجوزه
جاسر بعصبيه:مسكتها من زراعها ملكيش دعوه انتي اللي ورا وقعه سيلا علي السلم
جاسي:لا وبعدين اشمعنا أنا هااا مافيه كذه حد في البيت مش بيطقها وكمان ممكن تكون داخت ووقعت عادي ولاهو انت مبتتشطرش غير عليا ياجاسر
جاسر بانفعال:لاخر مره هسالك لأن انتي اللي ليكي مصلحه انتي اللي ورا اللي حصلها ياجاسي مهو صعب اصدق أنها داخت ووقعت بالمنظر ده
جاسي:مش هتفرق كتير بس من عصبيتك ياجاسر باين انك خايف عليها وكمان مضايق مش انت قولت مكنتش بتحبها بس اللي واضح غير ده كله ياجاسر انت لسه بتحبها
جاسر بنفاذ صبر:ايوه لسه بحبها
جاسي بسخريه:انهي حب ده ياجاسر هو اللي يحب حد يعمل معاه اللي عملته يسيبه يوم فرحه قبل كتب الكتاب بعشر دقائق ولايفضحه بأنه علي علاقه بغيره هااا ياجاسر شايف أن ده حب انت بس حاطط سيلا في دماغك مش اكتر انساها لأن مستحيل تبصلك تاني بعد اللي عملته معاها
جاسر بعند:سيلا هترجعلي لأن هي بتحبني وهتنسي كل اللي حصل بكلمتين وهتشوفي أنا عارف أنك ورا اللي حصل ولو جربتي تأذيها تاني مش هرحمك ياجاسي وسبتها
جاسي بعصبيه وفي نفسها:وقعت الحاجه اللي كانت بجانبي بعصبيه انت بتهددني ياجاسر ده مكنش اتفاقنا بس انت تبقي غبي لو صدقت انك ممكن ترجعها بكلمتين انت خسرتها من زمان😏 ابتسمت بخبث هو يمكن متحققش اللي كنت عايزاه من اللي عملته بس مش هستسلم الا لما اوصل للي في دماغي...
يكمل