The Badass Twins

Chapter 21

Godee's POV

Dumating kami dito sa lugar kung saan gaganapin ang Outreach Program nila. Oo nila lang, hindi kami kasama ni twin. Bahala sila diyan. Nakakatamad kayang makisalamuha sa mga tao. Tapos, ang lamig lamig pa ng klima dito.

"Magandang araw po sa inyo, Sir Blade."
Isang matandang lalaki ang sumalubong sa'min. Lalong gumanda ang ngiti nito ng makita kami nito ni Heaven. Hindi namin siya pinansin, pinagmasdan namin ni twin ang paligid.

"Magandang araw din po tatay Manuel."
Nagmano si kuya sa matanda ganun din ang mga kagrupo niya at nagpakilala. Habang kami twin nakangiwing tumingin sa kanila.

"Bakit po ang tahimik dito, tatay Manuel? Saan po ang mga bata? Excited na po akong makita sila."
Lalo kaming ngumiwi ni twin ng marinig namin ang boses ni Dana. Mahinhin at magalang. Kigwa!

"Nasa Quadrangle po ang mga bata ngayon, Miss Dana."

"Quadrangle? May quadrangle po kayo dito?"
Tanong ni Song. Akala siguro ng mga ito kapos palad ang mga tao dito. Masyadong maganda ang lugar na ito. Maaari ka ng mag bakasyon dito kung gusto mo ng tahimik na lugar at sariwang hangin.

"Opo, tatlong taon na rin po ang quadrangle na iyon."
Tumingin muli sa'min si tatang pero hindi namin siya pinansin.

"Saan ba pwedeng magpahinga tatang? Pagod na kami ni Twin ko."
Sabi ni Heaven.

"Hey, matuto ka ngang gumalang!"
Epal ni Dana. Ngiwian siya ni Twin.

"Ayos lang po, Miss Dana. Ah, Miss Heaven at Miss Godee, ihahatid ko na po kayo sa pagpapahingaan niyo."
Saad ni Tatang.

"Wag na po, Tatay Manuel. Sa quadrangle niyo na lang po kami ihatid lahat."
Awat ni kuya.

"Sige po, Sir Blade."

Naglakad na si Tatang kaya sumunod  na kami sa kanya.

"Anong tawag sa mga kulay luntian na yun, Godee?"
Tanong sa'kin ni Desdes. Kasabay namin siya ni twin. Tinignan ko ang tinuro niya.

"Palayan. Diyan nanggaling ang mga kinakain nating kanin."

"Lumawak po pala ang Palayan niyo dito, tatay Manuel. Di ba po dati pinagmiminahan ang area na yan"
Wika ni kuya. Tumango si tatang saka ngumiti.

"May dalawang anghel na dumating dito, Sir Blade. At tinulongan nila kaming makuha ang lupain namin na sinakop ng gobyerno. Kaya, naitigil ang pagmimina diyan at ginawa naming palayan ito."

"Kahanga hanga ang ugali ng dalawang iyon, tatay Manuel."

"Sobra po, sila rin ang nagpatayo ng quadrangle dito para sa mga bata."

"Nais kong makilala ang dalawang iyon, tatay Manuel. Gusto ko silang pasalamatan."

"Sige po, Sir Blade."

Thir Person's POV

Sa sobrang ganda ng lugar hindi nila akalaing mahihirap ang mga tao dito. Tuwang tuwa ang mga kagrupo ni Blade habang pinagmamasdan ang paligid. Luntiang mga puno, magagandang bahay na gawa sa nipa, mayroon ring igloo bahay na gawa sa bato, ang lamig at sariwa pa ng hangin, ang dami pang bulaklak sa paligid at nakadagdag sa tanawin ang mga bundok.

Ang gulat, hinanakit, pighati, pain na naramdaman nila kanina ay biglang nawala dahil sa lugar na bumungad sa kanila. Hindi nila akalain na sasabog ang bus nila pati mga gamit nila. Ang dami nilang tanong pero hindi naman sila pinapansin ng kambal. Tapos, dumaan pa sila sa lubak lubak na kalsada kaya naalog ata utak nila sa hilo at sumakit pa ang pang-upo nila.