Perfect Match (Salazar Series #3) ✓

Kabanata 21

Caelus Aziel Salazar

“Cae, sa inyo ba tayo tutulog ngayon?” medyo niliitan pa ng katabi kong babae ang boses niya at nagpacute pa sa akin. Kumunot ang noo ko sa kaniya.

“Hindi. Wala ka bang bahay at sa amin ka pa matutulog?” Tanong ko sa kaniya. May nakita akong babae sa kabilang table. Actually wala naman siya doon kanina pero bigla na lang siyang sumulpot at naagaw agad niya ang atensiyon ko.

“Tangina mo Cae, ang sungit ah.” Humagalpak ng tawa si Zymon dahil sa sinabi ko. Umiling ako sa kaniya at tumingin ulit sa kabilang table. Kinakausap niya ‘yung isang babae na halatang lasing na.

She’s pretty. Kung titingnan pa lang sa malayo ay nakuha na niya ang atensiyon ng lahat ng nandito, paano pa kaya kung sa malapitan na.

“Akala ko ba, sabay tayong matutulog ngayon?” Nairita na naman ako sa boses ng katabi kong babae. Bakit ba nililiitan niya ang boses niya? Para siyang dagang naipit sa pinto.

Ano ngang pangalan niya? Jane? Ella? Shane? Aicca? Angela? Samantha?

Ah, bahala na.

“Oo nga sabay pero magkaiba ng bahay. Doon ka sa inyo, ako naman sa amin,” sabi ko sa kaniya. Mas lalo lang tuloy tumawa si Zymon at umiling lang naman si Yosef na nasa gilid ko. Ngumuso ang babae dahil sa sinabi ko.

Tumingin ulit ako sa kabilang table at nakitang nakatingin na siya sa gawi namin. Ngumiti ako sa kaniya at agad ko namang nakita ang pagpula ng pisngi niya. Umiwas siya ng tingin at tinuon ang pansin sa kaniyang kasama.

Damn, she’s cute too.

Tinuon ko na lang ang pansin ko sa kaniya at nakitang inakay na niya ang kaibigan niya. Alam kong hindi niya kayang mag-isa iyon.

“New target ba?” Tanong ni Yosef habang hawak-hawak ang stick ng sigarilyo. Umiling ako sa kaniya.

“No,” sabi ko pa.

Tumigil sila sa may table namin kaya tumayo na ako para tulongan siya. Narinig ko pa ang mahinang pang-aasar sa akin ni Zymon.

“Hi miss, do you need help?” Tanong ko sa kaniya.

Tangina Cae, malamang kailangan niya. Ano bang klaseng tanong ‘yan?

“Pwede ba?” Tanong niya at ngumiti sa akin.

Buhay pa nga ako pero nakakita na agad ako ng angel.

“Sure,” sabi ko at tinulongan na siya. Tumikhim pa sila Yosef na hindi ko na lang pinansin. Tinawag pa ako nung kasama kong babae kanina na nakalimutan ko na ang pangalan.

Hindi pa ako nakatulog nung gabing iyon. I was thinking of her that night. Hindi siya mawala sa isip ko. Hindi ko alam kung bakit ako nagkakaganun, ibang-iba talaga siya sa mga babaeng nakilala ko.

“He’s Caelus Salazar. My boyfriend,” hindi agad ako nakapagsalita sa sinabi niyang iyon. Bumilis din ang tibok ng puso ko dahil doon. Hindi ko alam kung bakit.

May pangit kasing lalaking sunod nang sunod sa kaniya. Kinukulit siya, ex suitor niya daw. Hinahabol pa din siya kahit na ayaw na ni Chelsie sa kaniya. Gustong-gusto ko naman nung sinabi niya na boyfriend niya ako.

Naging close kami ni Chelsie. Nagtataka na nga ang mga gunggong dahil hindi na nila ako nakikita na may kasamang ibang babae. Nakapokus lang ako ngayon kay Chelsie.

“What the fuck Chelsie,” sabi ko sa kaniya. Sinindihan niya ang sigarilyo at alam kong lasing na din siya. Hindi ko alam kung bakit ba kailangan niya pang manigarilyo.

“What?” Tanong niya sa akin.

“Stop smoking,” sabi ko at kinuha ang sigarilyo sa kaniya. Tinaasan niya ako ng kilay.