အပိုင်း ၃၅

7.7K 564 60
                                    

Unicode

နေ့ရက်တွေ အချိန်တွေ ရွေ့လျား ကုန်ဆုံးလာခဲ့သည်က အရင်အချိန်တွေကကဲ့သို့ ပုံမှန်နှုန်းတိုင်းပင်။ သို့သော်လည်း တစ်စုံတစ်ယောက်အတွက်တော့ အချိန်၏ တိုက်စားမှုက ထင်မှတ်မထားလောက်အောင်နှေးကွေးလွန်းလှသည်။
အချို့လူများအတွက်တော့ အချိန်သုံးနှစ်တာ ကုန်ဆုံးသွားခြင်းက ခဏတာ မျက်စိတမှိတ် မျှဟုသာ ထင်မြင်ကြလောက်သော်လည်း ရှောင်ဟန်အတွက်က ထိုသို့ ဟုတ်မနေခဲ့ပါချေ။

ယခုတွင်မူ ရှောင်ဟန်တွင်် အရင်ကလို နွေးထွေးဖော်ရွေတတ်သည့် အစ်ကို တစ်ယောက်ပုံစံမျိုး တင်ကျန်မနေပါတော့ချေ။ ရှောင်ဟန်၏ နွေးထွေးဖော်ရွေမူ့သည်ကား ခပ်ရေးရေးမျှသာ ကျန်ရှိပေတော့သည်။
ရှောင်ဟန်သည် အချိန်၏ တိုက်စားမှု အလှည့်အပြောင်းများကြောင့် အေးစက်စက်နိုင်လာပြီး စကားနည်းသည့် လူတစ်ယောက်အဖြစ်လုံးဝပြောင်းလဲသွားခဲ့ရချေပြီ။

ယခုတွင်တော့ ရှောင်ဟန်သည် သူ့ရဲ့နွေးထွေးဖော်ရွေတတ်မှုကို လုံးဝထုတ်ဖော်မပြတော့ဘဲ အေးစက်လှသည့် အလွှာထူကြီးတစ်ခုဖြင့် လွှမ်းခြုံထားလေသည်။

ရှောင်ဟန် ယခုလို အေးစက်သွားရခြင်း၏ အဓိက တရားခံမှာ ကျိုးယွဲ့မူတို့ သားအမိကြောင့်သာ...။
ထို သားအမိနှစ်ယောက်၏ နေ့စဉ် သွေးထိုး လှုံ့ဆော် နားသွင်းမှုများကြောင့် ရှောင်ဟန်၏ ပုံစံအလုံးစုံ သည် အခြားတစ်ယောက်ကဲ့သို့ တဖြည်းဖြည်း မသိမသာ ပြောင်းလဲသွားခဲ့ရချေပြီ။

ရှောင်ဟန်က ထိုသားအမိ၏ နားသွင်းမှု့များကို အစ ကနဉီးက မသိကျိုးကြွင်ပြုခဲ့ပါသော်လည်း ကြားပါများလာတော့ နားယောင်သွားတာလည်း ဖြစ်ကောင်းဖြစ်နိုင်ပါသည်။
နောက်ပြီး ကျိုးယွင်ကိုယ်၌ကလည်း သူ့ဆီကို ဖုန်းအဝင်ကော လုံးဝ မလုပ်ခဲ့တာကြောင့်လည်း ဖြစ်နိုင်သည်။
ထိုအတွက်ကြောင့်လည်း ရှောင်ဟန်သည်က
ကျိုးယွဲ့မူတို့၏ ယုံတမ်းစကားများကို အမှန်တရားတစ်ခု အဖြစ် တစ်နေ့တခြား ပိုပိုပြီး အဟုတ်မှတ်သွားလေရတာဖြစ်သည်။

ထိုကဲ့သို့ တမဟုတ်ခြင်းပြောင်းလဲသွားရသည့် အခြေအနေအလှည့်အပြောင်းများကြောင့်ပင် ရှောင်ဟန်သည်လည်း သူ၏ ကနဉီးက ပြုလုပ်ချင်နေပါသည့် အစီအစဉ်ဖြစ်သည့် COFFEE ဆိုင်ဖွင့်ရန်ကိစ္စကို ကျောင်းပြီးပြီးချင်းမှာပဲ အမြန်ဆုံးအကောင်အထည်ဖော်လိုက်နိုင်တော့တာဖြစ်သည်။

Love of an idoit  အရူးတစ်ယောက်ရဲ့အချစ် [Ongoing]Where stories live. Discover now