مرت الايام بحلوها ومرها ومر رمضان وكان خفيف على الكل ،،،، ليلة 28 الساعه 10 الليل بعد صلاة التراويح ردت ام خليفه البيت مع حفيدها هزاع ، دخلت الميلس ولفت عباتها وحطتها في سدة طاولة التلفزيون وكانوا عيالها خليفه و سعيد ومجموعه من احفادها يالسين يسولفون :
ام خليفه : اخ ظهريه تكسر
سعيد : سلامتج من شو ؟
ام خليفه : مالقيت كرسي فاضي فالمسيد
( طلع خليفه تلفونه من مخباه ودق على المندوب المصري مال العايله )
خليفه : حسنين
حسنين : ايوه يا باشا
خليفه : بحول لك فلوس واباك تروح تاخذ عشرة كراسي بلاستيك حق المسيد
حسنين : ان شاء الله ، شي تاني ؟
خليفه : لا حبيبي تسلم
،،،،
في بيت بو ساره كانن البنات متيمعين في الميلس الي يلعبن و الي يسولفن و الي يرقصن ، فجأة بندت روضه المسجل الي كان صوته مالي البيت كله :
روضه :بنااات
ساره : بسم الله خوفتينا شو فيج؟
روضه : ماشي بس جي كنت افكر شو رايكن نسوي حفله اول يوم عيد
نوره : ماعندج سالفه عبالي شي صاير
روضه : ترا جد اتكلم شو رايكن؟
فطيم : امم احس يلا
شيخه : شو المناسبه ؟
روضه : ماشي مناسبه بس ان من زمان عن الحفلات وجي
شمسه : خلاص يلا
فطيم : اتفقتوا ؟ خلاص ردي شغلي الغنيه
( وقت السحور )
دايماً يكون السحور في الميلس الخارجي لانه يكفيهم كلهم ، وكالعاده مايبدون ياكلون لين ما الكل يكون موجود ، اتأخرن عاشه و روضه و سلامه :
ام خليفه : وين عاشه وسلامه وروضه ماين
فطيم : الغايب عذره معاه
( اضحكوا فيصل و حمدان ، التفت لهم عمهم خليفه وعطاهم نظره وسكتوا إلا فيصل ماقدر يمسك ضحكته لان قبل لايطلع من البيت مر يشوف عاشه ولقاها تصيح في الحمام )
خليفه : شو يضحك؟
فيصل : اسف ابويه والله هب بيديه
خليفه : زين ضحكنا معاك
فيصل : شوف الواتس
( يوم بترد البيت مر على روضه )
راشد : احس ياني فضول ليش تضحك !!
فيصل : مايخصك
***
دخلت عاشه الميلس ماسكه بطنها وتصيح ، قام ابوها ومسكها ؛