بعد ليله مليئه بالاعترافات ، البض رجع لبيته عشان يرقد و البعض كملوا السهره في الميلس ، الساعه 12 قام سالم على الاتصال العاشر و رد اتصل للرقم ؛
سالم : ياخوي ازعجتني حد يدق عشر مرات في هالوقت ؟
( حبيبته السابقه ) : انا قدام بيتكم اطلع لي
سالم : انتي شو تبين خلاص فكيني شرج
( حبيبته السابقه ) : مابتحرك لين ماتزل لي ابا اتكلم معاك
سالم : هب نازل سوي الي تبينه
( حبيبته السابقه ) : خلاص انا الي نازله الميلس
سالم : لو ترمين سويها وانزلي
***
بكل وقاحه نزلت ودخلت الميلس ، كانوا الي سهرانين روضه و شمسه و فاطمه وراشد و أحمد وياسر ، دخلت ويلست على الكرسي تشوفهم وهم يشوفونها مستغربين يتريونها تقول شي ؛
روضه : اختي ؟ محتاجه شي ؟
فاطمه : ضايعه ؟
( صمت )
ياسر : صمخه ماتسمعين شو ؟
: انا اسمي مها
أحمد : ونحن شو يخصنا ضاويه علينا الحين شو تبين ؟ انتي شايفه الساعه كم ؟
مها ( تتميلح ) : شو فيك ؟ اتكلم شوي شوي
راشد : قطعى من ذا الويه و الصوت ، بزوع
مها ( تتميلح ) : لو سمحت احترم نفسك اكسكيوزمي يعني
ياسر : انتي مغلطه داخله البيت الغلط
مها ( تتميلح ) : لا انا هني اريد اشوف سالم
ياسر : سالم راقد
مها ( تتميلح ) : عادي بنتظر لين مايوعا
أحمد : ياعستيل سالم ، وياصبر ايوب
( دق ياسر على سالم )
سالم : ها ياسر ؟
ياسر ( يتميلح ) : مها از هيير
سالم : يعني سوتها ونزلت
ياسر ( يتميلح ) : هي حبيبي قاعده تنتظرك
( سكر سالم الخط و نزل الميلس ، دخل معصب يصارخ )
سالم ( يصارخ ) : انتي ماعندج اها يايه الحين ماتشوفين الساعه
مها ( تتميلح ) : ادق عليك ماترد علي ليش؟
سالم : خلاص فكيني طلعي من حياتي خلاص
مها ( تتميلح ) : شوفيك حياتي معصب ، هد بيبي
سالم : لين هني وبس ، فارجي ويهج ما ابا اشوفه
مها ( تتميلح ) : انا اسفه ، خلنا ننسى الي حصل ونرجع لبعض
سالم : انا صرت اجز صوتج ، اسمج ، ويهج كل شي يذكرني فيج اجزه وتبين نرجع ؟
