( في لندن )
الساعه ٩ الصبح قام زايد و دخل الحمام يغسل ويهه عشان يصحصح و خذ له دش على السريع بعدها خذ تلفونه و لابه و طلع للصاله حط تلفونه و اللاب على الطاوله و راح يسوي له اي شي ياكله ، فتح اللاب على موقع طيران الاتحاد الرسمي و حجر تذكرتين لـ ابوظبي و سكر اللاب و انسدح على الكرسي يشوف تيك توك ، طلعت شمسه من الغرفه و التعب باين عليها ، قام زايد وحضنها وباس رقبتها و باس راسها ؛
زايد : صباح الخير ياويه الخير انتي
شمسه : صباح النور
زايد : شو تبيني اسوي لج ؟
شمسه : لا تتعب عمرك انا بسوي لي ساندوج
زايد : افا مافيها لا تعب ولا شي آمريني
شمسه : عيل ابا كرك
زايد : من عيوني يا عيوني
***
( في ليوا )
الساعه ١٢ طلت فطيم و ركبت مع هزاع بيروحون بوظبي لان عندها موعد اسنان على الساعه ٣ ولا تقدر تأجله ، و صلت العياده الساعه ٢ بالضبط دخلت تشوف اذا في مجال يدخلونها الحين ( قبل موعدها بساعه ) طلبت الموظفه الهويه قرت الاسم وقالت ( ما شاء الله ) ما عطت فطيم اي اهميه للي قالته ؛
فطيم : في مجال تدخليني الموعد الحين ؟
الموظفه : لا مافي اي مجال
***
تأففت فطيم و قعدت في كراسي الانتظار ، فتحت سناب و بالغلط فتحت على الخريطه و شافت ان عيال عمها موجودين معاها في نفس العياده ، قامت من مكانها بكل ثقه وطلعت من قسم انتظار النساء و راحت صوب قسم انتظار الرجال كانوا قاعدين ( ياسر ، مطر ، سالم )و معاهم رياييل مايعرفونهم ؛
فطيم : ما شاء الله وانا اقول ليش الموظفه يوم قرت اسميه ذكرت ربها
( ساكتين و منصدمين علي جرئتها الرياييل ، اما عيال عمها عادي متعودين )
فطيم : انزين منو عنده موعد مع
قاطعتها النرس وهي تنادي سالم ؛
فطيم : سالم موعدك عند اي دكتور ؟
سالم : عند دكتوره ريم
فطيم : يوه منو عيل عند دكتور اياد ؟
مطر : هب انا ، انا عندي موعد عند دكتور محمد
![](https://img.wattpad.com/cover/258385406-288-k933369.jpg)