( تل مرعب )
دخلت فطيم بخيلها في الممشى الي قدام الكوفيات ، كانت اتدور كوفي معين مادحينه لها ربيعاتها ، حرفيا كانت هي البنت الوحيده الي في الممشى و الكل عيونه عليها ، وهي تمشي لمحت واحد يشبه حامد نسخه منه طبق الاصل ، قالت في بالها ( حامد شو بيبه هني ها راعي بحر شو بيسوي في ليوا ) دقايق و يوصله اشعار من السناب فتحت تلفونها تشوف منو الي يكلمها ، طلع حامد مطرش لها فيديو فتحت الفيديو تشوفه ( كان يصورها و في على الخيل و كاتب شو تسوين ؟ ) ؛
فطيم : عيل انت الي شفتك قلت يمكن اكون مشبها
حامد : لا انا و شفتج يوم تشوفينيه و ابتسمت لج
فطيم : ما انتبهت ، إلا كيف عرفتني ؟
حامد : شفتج مصوره في الستوري
***
اما ساره كانت تسوق فتك فيصل و فتك فيصل معروف و مشهور لانه مزود و معروف ان الي يسوقه مينون سيايير ، كانت تمشي ساره على سرعة الشارع خطفت عليها وحده تبا تدخل قدامها و شحفت السياره من قدام عصبت ساره و قعدت تهرن عشان توقف الحرمه و وقفت و هي تلحقها سمعت صوت و خافت على طول و قفت السياره يمين ورا الي دعمتها و نزلت تشوف السياره ، الدعاميه طاحت و المنظره الليتات الي على اليمين راحت رحبت السياره و دقت على ياسر ؛
ياسر : هلا ؟
ساره : وينك ؟
ياسر : موجود في تل مرعب
ساره : في وحده دعمتني
ياسر : شي صار لكم ؟
ساره : لا بس شفت السياره
ياسر : زين دقي على الشرطه و انا ياي
***
دقت ساره على الشرطه و وصل ياسر قبل الشرطة و شرحت له بالتفصيل الي صار و نزلت البنت الي في السياره الثانيه تعتذر عن الي صار و تستسمح ؛
ساره : والله اسف و سامحيني عقب شو ؟
البنت : عطيت اشاره اني بلف
ساره : لا تكذبين ماعطيتي
البنت : والله العظيم عطيت اشاره
ساره : اصلا مافي مكان عشان تدخلين قدامي عميا انتي ما تشوفن بسبب كنا بننجلب
ياسر ( و هو يحضن ساره ) : خلاص حصل خير
ساره : انا هب غلطانه
