حب وحرب (في ليبيا يحرم العشق )

البارت 17

حب وحرب (في ليبيا يحرم العشق)🇱🇾🔥

البارت 17 : كتابة Mona alzwiy

_________________

، لبسنا وطلعت سمر تجنن هيا حلوه وبيضا لكن مهمله روحها كانت عاطيه وقتها كله لأمها ،،، لبست انا ونضال يسمط عليا مرتي سمحه ومرتي العروس نسيت الزعل وضحكت معاه ،،،قعدت مع الصبايا دخلت سمر سلمت ،،وطلعت قعدت في دارها وهذي اول مره انشوف سمر مرتبكه،،، صبيت كسدت عليها وصاحباتها رقنها لها مسكينه ،،،اشوي واتصل عليا نضال ،،قالي قوليلها تطلع للمربوعه ، وخليها تغسل وجها قبل ماتطلع
_ نضال حرام عليك شنو تغسل وجها عروس  هيا ماتخرب عليها
_ بلا كثرة كلام كلميها هيا،، اسمعي انقولك من توا كان طلعت باللبز اللي في وجها انخرب القصه كلها
_ اوووف نكدي انت باهي
_ تو اتشوفي يا**
قعد يسب صكرت عليه ،،،وقلت لسمر تغسل وجها  وتطلع،،، غسلت وجها وحولت الفستان لبست عبايه حلوه ولفت شالها،،، حطتلها الاء اشوي روج عشان النوره ،، وطلعت، ،وانا نضال من صكرت عليه اتصل بيا مرتين مارديت دزلي رساله 《 واللهي كما ربيتك يا ساقطه انا تصكري في وجي》
نكد عليا قاعده بين الناس وخايفه منه ،،،،، قعدت في صالة الضيوف مع الصبايا،وقعدت يالاي رزان انهدرز انا وياها اشوي اتقول امها كما هالشرقاويه متجوزه ولحق عليها نضال هو الاول را خذيتها لرضا ،،، استكيت والصبايا تفاجئن من كلامها الاء لويت وجها فيا وصبت مش عاجبها ،،، الحمدالله سمر مش قاعده،، ماعرفت شنو انرد عليها الوليه قعدن الصبايا وخالات سمر يقوللها حتى سمر ماتعزقي منها شي طول وجمال ومال ،،، ردت ام رضا : عارفتها سمر ربي يحفظها لكن قبل نبيله وحده صغيره انا
ردت خالة سمر وقالت : حتى سمر بنت اختي صغيره في عز شبابها ومعروف اصلها وفصلها معروف نسبها مش جايه من الشارع
عرفت كلامها ليا ،، هذي خالتهم سليمه من اول ما شافتني حسيتها حاقده ،، انا ماعندي من يدافع عليا صبيت طلعت معش قدرت انتحمل نسمع اكثر من هكي،،، لقيت الاء في الصاله اللي برا اتشوفلي من طرف عينها الود ودها تقتلني ،،رقيت فوق والدنيا ضايقه بيا عيلة معش فهمتلها مره كويسات وعشره لا ،،، مزاجيات كيف خوهن المرضى النفسيين ،،، صكرت عليا داري واصلآ فوق محد يرقا نحن بس ،، حسيت بروحي مخنوقه خاطري نبكي  لكن مسكت روحي مش على ابسط شي نبكي خلاص سادني بكا وقهر ،،صبيت صلحت مكياجي وقلت اللي فيها فيها ،، اللي اتقولي كلمه انرد عليها بعشره ،،، قفلت داري ونزلت ،، شافتني رزان طلعتلي قعدنا مع بعضنا هدرزنا وحكيتلي على شاب تبيه وتحكي معاه ، نصحتها تفوته لان مرات يغدر بيها ،،ومرات تطلع قصتها زي قصة الاء ،، هيا اتقول لا انحبه ويحبني ان شاء الله نتجوزا ،،،تقعد اشوي واتقولي الحب يهبل ياغاليه ،،،شكلها منهبله ع الاخير البنت ،،، حطو العشاء وتعشينا ولبسو سمر الدبله ،،،خطبتها غريبه النضره الشريعه والدفع والتلبيسه في نفس اليوم ،،،ع الاقل هيا دارولها قدر مش كيفي ...
طلعوا العرب رقيت فوق طول اصلآ مانقدر انساعدهن البنات دوبني ليا ثلاث أيام طالعة من المستشفى،،، دخلت داري نبي انغير دخل وراي نضال طول وصكر الباب،،، قلت حي عليك يا غاليه تو ينفصل عليا عشان صكرت عليه
قربت وحطيت ايديا على رقبته : رايفت  عليك انا
لف ايديه على خصري : حتي اني رايفت عليك ،،لكن وخري خير را محرمه عليا انتي توا
ضحكت وباعدت منه ،،قتله: تستاهل هذين عمايلك 
ضيق عيونه وقالي: غير اصبري عليا بس وانحط في بطنك توم
ضحكت من جد جدي عليه وقتله : واللهي جديات تقدر اتخليهم توم
ضحك عليا وقالي : واللهي جريمه دارها عمك جوزك وانتي مزلتي فرخه
شهقت بصدمه وقتله : عيب را كلمة فرخه معش اتقولها
قالي بهزوه وهو يضحك: واللهي عيب وشنو معناها يا استاذه
_ لالا عيب واللهي ما نقدر انقولها
_ تي غير قوليها راجلك انا عادي
_ لا عيب
_ هبله اوحق الله رآها فرخه يعني مزلتي صغيره
_ لالا مش هكي
_ ها شنو امالا
_ خلاص خلاص ماشي
لفيت انفك في شعري رفعاته ليا المزينه فوق تسريحه،،، ماعرفت انفكه حوست الدنيا على بعضها،،،دخل نضال للحمام وانا قاعده انفك في شعري، دخل الشعر في الساعه والإكسسوارات وحاست الدنيا مشيت للحمام انخبط عليه ويدي فوق راسي خايفه انقطع شعري : نضال اطلع بسرعه نضال اجري
_ تي خيرك خيرك
_ اطلع بسرعه
• فتح الباب وطلع بسرعه تي خيرك شنو في
فكلي شعري يوجع فيا،،،نحكي وانا منضري تحفه من الاخير ويدي معلقه فوق،،،
_ امطلعتني على هدي
_ اها اها على هذي فكلي شعري را يوجع فيا را
قعد يقلد عليا : را يوجع فيا را
نضااال بلا هم زايد فكه هيا
قرب يفك فيه : شنو الحل معاك انتي بلاهي عليك شنو انديرلك توا امتى تعقلي
_ تو نعقل غير فك شعري را يطير العقل
فكه ليا وماحوتك فكه ،،،، غيرت دبشي وغسلت وجي ورقدت...
لثاني يوم نوضني نضال يبي فطور ،، صبيت غسلت وجي ونزلت درت فطور للبيت كله ،، حطيته في الصاله طلعن البنات ورقيت نوضت خالد يفطر ،، فطرنا وطلع نضال لمينا حوستنا وقالي خالد نبي اندوش،،، بخرت البيت ورقيت اندوش لخالد جتني الاء من عند الحمام
_ غاليه نبي تليفونك اشوي انكلم صاحبتي ..