حب وحرب (في ليبيا يحرم العشق )

البارت 24

حب وحرب( في ليبيا يحرم العشق )🇱🇾🔥

البارت 24
■ كتابة Mona alzwiy
________

ولأنك ابعد من ان تفهمني،  لن اشرح لك مدى خيبتي فيك...🖤💤

::::::::::::

_____________________
_ شنو ؟؟ مرت من؟؟

_ مرت نضال

صبيت هايجه فيها: واتعاودي فيها بكل وقاحه ،،،
قربت منها نسحب فيها مع يدها: اطلعي برااا براااا قتلك

باعدتني منها الاء : غاليه اهدي خلينا نفهموا بس

قعدتني الاء ع الصالون وقالتلها :

الاء: احكي نضال كيف خذاك شني قصتك انتي

_انا سوسن اتجوزت نضال من سنه واشوي وله شهر مايرد عليا انا حامل ولازم.......

•  ماقدرت انتحمل نسمع كلامها صبيتلها بسرعه نضرب فيها : يا حقيره يا رخيصه نضرب فيها ونبكي تهسترت وهيا اتدافع عن نفسها بس والاء تفك فيا منها ضربتها حتى هيا
بعدها طحت في الوطا ايديا على راسي ونبكي، ،، قعدت يالاي الاء :

_ غاليه صبي تو يجي نضال ونفهوا منه

_ شنو تفهمي شنووو اتقولك متجوزها شنو تبي تفهمي شنوو اه ياقلبي اه يا امي

صبيت بسرعه طلعت برا خذيت تليفوني من الطاوله وايديا يرجفن لقيت منه مكالمات فائته ، اتصلت بيه من رد طول فصلت فيه

_ يا حقير يا خاين تعال توا للبيت تعال يا واطي

_ غاليه ضمي فمك يا***

_ والنبي صكر فمك انت وعندك عين تسكتني يا خاين يا قذر

سحبت مني الاء التليفون: غاليه خيرك هبله تبيه يضربك يعني
التفتت لقيت البنت امصبيه يالا الباب قربت منها شفتلها بنظرة استحقار تخطيتها ودخلت قعدت في الصاله يدي على راسي ومش مستوعبه الصدمه يعني شكي طلع يقين ،،، نضال متجوز،،،، قعدت يالاي الاء ساكته واللي ما تتسما قعدت معانا تبي أتكلم رفعتلها يدي بمعني اسكتي
قعدت ساكته اشوي وجا نضال دخل
_ غاااليه

كان معصب بعد شاف مرته الثانيه صبا مصدوم ،، قرب منها بهدوء

_  منو جابك اهني انتي

_ بروحي جيت

عطاها كف وهيا بلا احساس ولا كأنه ضربها

_ خيرك ماترد عليا

_ تي شنو قتلك اني هاااا شني قتلك علاش جيتي اهني خيرك..

قعدت ساكته ومنزله راسها قريب تبكي ،، صبيت انا قلبي يبي ينفجر وراسي سخن دموعي شلال ،، قربت منه قابلته وشيرت عليها

_ هذي اللي شلتني لشقتها صح

_ غاليه اسمعي

_ مانبي نسمع شي قولي شقتها ولالا