حب وحرب( في ليبيا يحرم العشق ) 🇱🇾🔥
البارت 28 : كتابة (كتابة Mona alzwiy )
_______
أروع ما قد يكون في العمر عشق ♥️والأروع ان يزهو بالوفاء💤
**********************
سوسن: انت ماتقدر غير عليا اني،،اختك اللي خايف عليها من التعب مدايره هاتف من وراك وتحكي مع الشباب ..
نضال بعصبيه : خلااااص بنت الكلب
عطاها كف صوته بروحه يهز السمع مسك في شعرها وعزقها برا المطبخ لف على الاء عاقد حواجبه قرب منها بطريقه تخوف قربت منه مسكت يده: نضال اهدى اشوي
حول يدي وحط يده في شعر الاء لف يده على شعرها عيطت خبطلها راسها في الساس ،، هيا تبكي وايديها على وجها سحبها لدارها اتعيط وتجدا فيه صكر الباب ويضرب فيها صوت عياطها لين تحنن،، انخبط عليه نبيه يفتح خير من يقتلها بين ايديه ،،قالت سوسن: خليه يقتلها
لفيت عليها : انتي وحده حقيره وفتانه كنا مرتاحين قبل ما انشوفوا وجك يا وجه الفقر
قربت مني مبتسمه بمكر : مزال الدور جايك
استفزتني بكلامها هجمت عليها كريت شعرها ونضرب فيها وهيا تضرب،، قدرت عليا حطتني في الوطا وتضرب فيا انا ماقدرت عليها لأنها اكبر مني،، طلع نضال رفعها من شعرها وعطاها كف ،، صبيت نبكي وانلم في شعري،، هزبها وقاللها امشي لدارك مانبي انشوف وجك,, رقيت وهيا اتشوفلي بنظرة حقد،، رد قفل على الاء الدار وقعمز قعدت امصبيه انبحت فيه خشمه قعد ينزف ضغطه رقا،، جريت سحبت مناديل من الطاوله عطيته مسح خشمه والدم مزال ينزل،،صبا للحمام مشيت وراه وانا نبكي،،، غسل وطلع قعمز ع الصالون ورفع راسه قعدت يالاه وبس دموعي تجري ما تكلمت فتح يده قربت منه ضمني لصدره،، قعد اشوي لين تريح صبا يبي يرقا مشيت جبتله اميه شرب ورقا للدار ،،
فتحت الباب براحه لقيته راقد ويده على عيونه ،، صكرت الباب براحه وقربت منه فتح عيونه وقعمز قعدت يالاه قالي:
_ كنتي عارفه على الاء
هزيت راسي يعني لا
قالي بشك: غاليه!!
_ هيا ما قالتلي شي،، قالت لسوسن بس
_ كيف عرفتي
_ يوم وفاة خالد الضي كان مقطوع نزلت نبي شمعه لقيتها مولعه ضي تليفون بعد انا جيت دساته ،،كانت امطلعته قدام سوسن عادي لكن انا لا مزالت تحسابني فتانه
_ حشاك ي عمري
حط يده علي خدي قربت منه رقدت في حضنه ضمني وقعد سارح رفعت راسي وقتله: مش كنت تبي اتجوز الاء لصاحبك كيف صار
تنهد وقال: كنت نبي أنجوزها،،جتني تترجا ماتبيه ،، قلت ما نظلمها تو يجيها نصيبها،، لكن هذي ماينفع معاها رحمه
YOU ARE READING
حب وحرب (في ليبيا يحرم العشق )
Romanceروايه ليبيه حقيقيه ، تحكي عن بنت يتيمه ، يعطيها عمها رهينه لدى ميليشياوي ، ، من اروع القصص الليبيه خليط من الحزن والفراق والإهانه والحب ، كلها تحدث مع مراهقة 16 عام . عندما تبداء الحرب في بلادنا ،،هل يجوز أن تكوني لاجئه الي...؟!🇱🇾🤍
