حب وحرب( في ليبيا يحرم العشق )🇱🇾🔥
البارت 22
كتابة Mona alzwiy
_________
طلعت الاء مع خالتها ، تقعد عندها يومين ،، نضال سارح وعقله مش معاي ،، مشيت قعدت يالاه قتله:
_نضال نبي نسألك لكن تجاوبني مش تغير الموضوع
_ ها
_ جهاد اللي يبي يجوز الاء هوا نفسه اللي غدر بيك المره اللي فاتت وخلا اعدائك يجهموا علينا في البيت يبو ياخذو السلاح
_ اي نفسه
_ وكيف تبي تعطيه اختك حرام را
لف عليا : وانتي شنو دخلك معش اتدخلي روحك في مواضيع مش شورك
_ نضال سالتك بالله تحكي،، حرام عليك تعزق اختك هالعزقه السوده
_ غاليه راها مصدع فوتي امي
زعلت من كلامه صبيت خانقتني العبره مسك يدي وردني قال:
_ جهاد كان صاحبي، واللي صار غصب عنه،، حكيتلك من قبل شنو صار معاه،، و الاء أغلب الناس عرفوا قصتها ،،تتجوز وتنستر احسن حل،خير من تجيبلنا العار،،وجهاد مافيه عيب غير القصه القديمه ،، وتوا قاعد معانا ضد جماعة هارون لكن من وراهم يعني على اساس هوا معاهم لكن كل شي يمشي بكيفي
_ اها،، باهي وهيا توا مشيت والخميس هوا يبي يخطبها كيف يصير
_ لا ماصار منها الخميس عنده مشيه للشرق
_ اوكي
_ حطيلنا الغداء
صبيت حطيت الغداء وتغدينا ،غسلت المواعين ورقيت لقيته راقد ع السرير ويده على عيونه،،، بعد حس عليا جيت فتحلي يده،، مشيت رقدت يالاه وراسي على يده،، رفع يدي اللي حطها ليا في الميه الساخه انا فكيت منها الشاش ،،حبها وقالي:
_ توجع فيك؟
_ لا امس بس الميه مش ساخنه واجد لكن توجع
_ اي عشان اتأدبي
_ خلاص نضال بلا نكد
صح فكينا من النكد ،،لف عليا يحب فيا باعدته وقعمزت نفخ وقال بعصبيه:
_ لين امتى يعني من حملتي وانتي اتعززي عليا
_ مش هكي لكن مانقدر
_ شنو اللي ماتقدري
_ مانقدر وخلاص
صبيت بسرعه رفعت معاي تليفوني ،، طلعت قعدت في الصاله اللي فوق،، شفت مريم ردت عليا ،
_ وعليكم السلام، اي اختي انا مريم خليفه من معاي.
رديت عليها ( هلا مريم كيف حالك انا غاليه يوسف بنت مرفت )
شافتها طول قعدت تكتب انفتح باب الدار وطلع نضال عاقد حواجبه وراقيله صكرت التليفون بدون ما نطلع من الماسنجر حطيته يالاي بخوف ،،قالي بعصبيه: صبي ديري شاهي
STAI LEGGENDO
حب وحرب (في ليبيا يحرم العشق )
Romanceروايه ليبيه حقيقيه ، تحكي عن بنت يتيمه ، يعطيها عمها رهينه لدى ميليشياوي ، ، من اروع القصص الليبيه خليط من الحزن والفراق والإهانه والحب ، كلها تحدث مع مراهقة 16 عام . عندما تبداء الحرب في بلادنا ،،هل يجوز أن تكوني لاجئه الي...؟!🇱🇾🤍
