حب وحرب( في ليبيا يحرم العشق )🇱🇾🔥
البارت 38
بقلم : منى بن محمد الزوي
________________
نزلت بسرعه على صوت عياط سوسن..لقيتها ماسكه امها وتبكي...وقفت عند الباب لاعرفت انقدم ولا نوخر...وسوسن تخبط في وجها وتضبط في امها ورائد يالاها في الوطا يبكي..
دخل نضال جا يجري بعد شاف سوسن هكي صبا يالاي ع الباب ونزل راسه حط يده على عيونه...
انا مسكت فيه ونبكي،،،سوسن خلت امها وطاحت في الوطا صوتها تغير ووجها احمر ..نضال جرالها رفعها قعدت اتخبط فيه واتقوله نبي امي
ورائد تفحم من البكاء مشيت رفعته ...نضال طلع حسنه شالها للمستشفى وخلا سوسن في حاله قبل ما يمشي كلم راجل اختها بعد نص ساعه دخلت اختها وصغارها قلبن البيت بعياطهن....وجت عمتي غدير وسمر ورزان
انا مسكت رائد ......
اول يوم بات معاي رائد فوق ،،ونضال ماشفته بكل رقد في المربوعه خالات سوسن وعماتها بايتات تحت...حتى سمر باتت وليان بنتها مشيت مع رزان
ثاني يوم نزلت من الصبح بدري لاني اصلآ مارقدت....لقيت اقارب سوسن طارحات في الصاله مرقدات فيها وغرفة الضيوف مليانه..مزالن مرقدات وسوسن طايحه في الصاله هالكه من العياط تبكي بصمت واختها وأخذه تركينه من الصالون ويدها على خدها...
مشيت نجلب في الصبايا وصلت لسوسن سلمت عليها عزيتها مسكت مني رائد اتحب فيه عيونها حمر من البكاء
مشيت لأختها عزيتها ودخلت للمطبخ طيبت قهوه وشاهي وقتها الساعه 8 وانا متفقه مع عزيزه وبناتها 9 يكونن عندي....
طيب الفطور جا نضال جايب كرتونة خبزه طلعتله من باب المطبخ خذيتها منه شفت زياد في طرف الجنان مقعمز يبكي...
جتني سمر حطت معاي الفطور ....على دخلة عمتي غدير ورزان معاهن خديجه الصبايا ناضن وحطينا الفطور،،، جت عزيزه استلمت المطبخ....رقيت ناخذ في دواي جتني سوسن فوق دموعها اربعه اربعه ومادوب اتكلم قالتلي : غاليه نقدر انخلي معاك رائد نبينمشي للمستشفى لأمي
_ هاتيه : خذيت منها رائد هوا ما يعيط عندي يبيني.
نزلت وانا قفلت داري ونزلت وراها...دورت رزان مش قاعده هالبه ماشيه للمطبخ لقيتها تحت الدورج تبكي واتكلم بلتليفون مشيلتها صكرت وانهارت تبكي قعدت ساكته وانشوفلها خليتها لين هديت سألتها: كنتي اتكلمي في زياد؟!
هزت راسها ووجها احمر من البكاء...قالتلي: غاليه نبي انشوفه بلاهي
_ رزان خلاص عاد بلا هبال
_ مش توا،،،توا هوا ماشي للمستشفى ايشوفوا امهم قبل الدفن،،بعدين نبي نمشيله
_ مافي داعي واطلعي را امك تفقدك
طلعت قعمزت في الصاله خوات حسنه قالباتها عياط بالكذب مرضت 6 شهور ماشفت وحده جتها بعد يوم العشاء....
YOU ARE READING
حب وحرب (في ليبيا يحرم العشق )
Romanceروايه ليبيه حقيقيه ، تحكي عن بنت يتيمه ، يعطيها عمها رهينه لدى ميليشياوي ، ، من اروع القصص الليبيه خليط من الحزن والفراق والإهانه والحب ، كلها تحدث مع مراهقة 16 عام . عندما تبداء الحرب في بلادنا ،،هل يجوز أن تكوني لاجئه الي...؟!🇱🇾🤍
