حب وحرب (في ليبيا يحرم العشق )

البارت23

حب وحرب( في ليبيا يحرم العشق ) 🖤🇱🇾

البارت 23

▪︎ كتابة Mona alzwiy
--------------------

يا ايها العمر السريع خذلتني ، ووضعت احمالاً على احمالي ، خذني الى عمر الصغار لأنني ،، لم انتهي من ضحكت الاطفال..🖤
يا ايها العمر السريع قهرتني ،، ووضعت على اكتفي الاحمالِ ،، وابكيت عيني بدمع الحزنِ ،، حزناً ابات في الروح لاينقض محالِ.. يا ايها العمر السريع خذلتني...🖤

________________

فتحت عيوني براحه الشمس مقابلتي الروشن مفتوح ،،نضال راقد ع الكرسي يالاي ،،،

_ نضال نضال

فتح عيونه بسرعه وكأنه كان واعي ،، قعمز بسرعه ومسك يدي

_ ها غلاي نضتي كويسه توا ؟ شنو تحسي ؟

_ نبي الحمام

صبا مسك يدي قعمزني ،، حاسه بألم حطيت يدي على فمي،، حول البطانيه وصباني وصلني لباب الحمام قتله

_ خلاص نقدر ندخل بروحي

_ اسكتي بس

_نضال خلاص خليني قتلك ماناقصني را

_ براحتك

فتح الحمام وقالي ادخلي،،، دخلت وانا ماسكه في الساس ،، راسي ثقيل وحركتي ثقيله ،، طلعت لقيته قاعد ع الكرسي منزل راسه ويده على عيونه شافني صبا مسكني ،،، قعدت ع السرير دخلت الممرضه جايبه الفطور،،، كليت زبادي بس ،،، قالي نضال غيري دبشك عشان نطلعوا،،، صبيت غيرت لبس المستشفى لبست البجامه و العبايه وطلعت،، قدام المستشفى زحمه والسيارات مصكرات الشارع،،، مسكت في يده لف عليا ابتسم ومسك يدي زين لين وصلنا للسياره ،،، رن تليفونه رد

_ الو،،، تمام الحمدالله ،،اي طلعنا اشوي وانجو،، اي عينك من خالد ،،تمام

حط تليفونه وقالي : هذي سمر تسأل عليك

_ سبحان اللي يغير وما يتغير

_ خيرك خلاص انسي اللي فات

_ انا ما ننسا مانسيت شي ولا راح ننسا ،، الإنسانه الوحيده اللي حبتني بعد ماما وبابا هيا امي لطفيه الله يرحمها

نزلن دموعي وصوتي انخنق،، اصلآ كان هيا عايشه را حالي احسن من توا ،،

_ ياريتك قعدتي ساكته

_ اها عشان ماتبي كلمة الحق،،،اصلآ اللي صار كله بسببك

_ كيف؟؟

_ اها منك مش شغلك الوسخ غارق في الحرام كله يرد عليا انا وعيالي ،، دمرتنا ودمرت بلادك،،، سلاح وحشيش ومخذرات حتى البشر اتاجر فيهم حرام عليك

_ ياسر خلاص ،،خلاص معش ادخلي روحك في شي مايخصك غاليه ماتخليني انتصرف معاك بشي مايعجبك