ရထားပေါ်ကဆင်းသည်အထိ Mu Qing သူ့ကိုစကားမဆိုပေ။ luggageကိုဆွဲရင်း လွယ်အိတ်ကိုပိုက်ကာ ရှေ့မှဆင်းသွားလေ၏။ Feng Xinလည်း အင်မတန်ပင် ခေါင်းခြောက်လာရသည်။ တနေ့ညက သူတို့အနမ်းပင် အစမပျိုးလိုက်နိုင်။ Mu Qingက ခေါင်းမော့လာပြီး သူ့နှုတ်ခမ်းနားဝင်သက်ထွက်သက်နွေးနွေးဖြင့် ဖိအပ်နမ်းဖို့ကြိုးစားလာချိန်တွင် သူစတင်ပျို့အန်မိ၏။
အမှန်သည်ကား ပေါက်စီ၂လုံးနှင့်အတူ ခေါက်ဆွဲတစ်ပွဲ၊ ပွဲနို့နွေးနွေးကိုပါသောက်ထားမိသည်ကြောင့် အစာမကြေဖြစ်ခြင်းပင်။ အချိန်ကလည်း တိုက်ဆိုင်စွာပင်၊ အနမ်းအစပျိုးမည်ကြံကာမှ အန်ချင်လာ၏။ တစ်ဖက်လူက မည်သို့ပင်ရှင်းပြပါစေ သူ့ကိုရွံ့ရှာနေသည်ဟု ပြောလာသည်။
သူ.. သူလည်း နမ်းချင်တယ်လို့ !
ထိုညကပင် Mu Qingက ဝယ်ထားသောအရာတွေအားလုံးကို လွှင့်ပစ်ပြီး စကားပင်မဆို ကျောပေးကာအိပ်လေ၏။ မနေ့ကလည်း မေးထူးခေါ်ပြောသာ၊ လေထုက ဖရိုဖရဲဖြစ်လျက် အေးစက်နေသည်ဟု Feng Xinခံစားရသည်။
သူအထုတ်ကိုဆွဲကာ နောက်ကနေလိုက်ရင်း လှမ်းခေါ်ရသည်။
"Mu Qing စောင့်အုံး !"
ခြေလှမ်းတို့ကရပ်တန့်သွားပြီး သူ့ကိုနောက်လှည့်ကြည့်လာသည်။ Mu Qingကပုံမှန်အတိုင်းပင်ဆိုသော်ငြား မျက်ဝန်းထဲတွင် သိမ်ငယ်သည့်အရိပ်အယောင်အနည်းငယ် စွန်းထင်းနေသည်။ သူက ငယ်ပေါင်းကြီးဖော်ဖြစ်သည်။ ပါးစပ်ဟတာနဲ့ အူဘယ်နှခွေရှိပြီး၊ ဘယ်နှပေရှည်ကြောင်းအပြင်၊ သွားဘယ်အချိန်က ကျိုးသည်၊ လူပျိုဖော်ဘယ်အချိန်ကစဝင်သည်ကအစ Feng Xinသိ၏။
Mu Qingအနောက်ကလှမ်းခေါ်သံကြောင့် ခြေလှမ်းကို အရှိန်လျော့လိုက်၏။ လွန်ခဲ့သည် ၆နှစ်ကပင် သူဒီလူ့ကို သဘောကျသည်ဟု ကိုယ့်ကိုယ်ကိုယ်သိခဲ့ရသည်။ အမှန်ပင် သူတွေးထားသည့်အတိုင်း ထိုလူက သူ့ကိုချစ်သူရည်းစားအဖြစ် ဆက်ဆံဖို့ ရွံ့ရှာနေခဲ့၏။ ထိုလူသာ သက်သောင့်သက်သာဖြစ်မယ်ဆိုလျှင် သူခံစားချက်တို့ကို သိမ်းဆည်းထားနိုင်သည်။ အကွာအဝေးတစ်ခုမှာပဲ သူငယ်ချင်းလိုဆက်နေလျှင် ထိုလူ၏မျက်နှာကို သူတစ်သက်လုံး ငေးကြည့်နိုင်၏။
KAMU SEDANG MEMBACA
In Another Life, I would be your boy【2Xuan - Fanfiction】
Fiksi PenggemarHeaven Offical's Blessing Fanfiction Main Cp : He Xuan × Shi Qing Xuan 🔮🎲 မူရင်း : မော့ရှန်းထုံရှို့လောင်ရှီး၏ ထျန်းကွမ်းစစ်ဖူ ပိုင်ဝူကျင့်ကျိဝတ္ထု