"1970ခုနှစ်"
တောင်ကိုရီးယားနှင့်မြောက်ကိုရီးယားဟူ၍ကွဲပြားနေသောကာလ....။
•❄︎•❄︎•❄︎•
ကိုရီးယားနိုင်ငံ၏ဆောင်းကား ဆောင်းဦးမှာပင်ကမ်းကုန်အောင်အေးလိုက်သည့်ဖြစ်ချင်း။သို့သော်နိုင်ငံ၏အခြေအနေအရအပူလောင်ဆုံးအဆင့်သို့ဦးတည်နေသည်။
1970ခုနှစ်သည်ကိုရီးယားပြည်သူတို့အဖို့အလှုပ်ခက်ဆုံးနှစ်တစ်ခု...။ပြည်တွင်းစစ်ကြီးသည်အချင်းချင်းပြိုင်ဆိုင်မှုကြောင့်တောမီးပမာတစ်စတစ်စပြန့်နှံ့လာခဲ့သည်။တောင်နှင့်မြောက်သည်လည်းအချင်းချင်းဗုံးများအဆက်မပြတ်ကြဲခဲ့ကြသည်။
ထိုကြောင့် ကြားရှိရွာများမှာမူနလန်မထူနိုင်လောက်အောင်ပင်ပျက်စီးယိုယွင်းနေရသည်။ဗုံးထိ၍အိုးအိမ်မဲ့သူကမဲ့၊သေကျေသောသူများကအတုံးအရုံးနှင့်ရွာပျက်ကြီးများသဖွယ်ပင်။ပညာရေး၊စီးပွားရေး၊ကျန်းမာရေးတို့တွင်လည်းအဘက်ဘက်မှချို့တဲ့လျက်ဖြင့်အဆိုးရွားဆုံးကာလအပိုင်းအခြားသို့ရောက်ခဲ့သည်။
"1970ခုနှစ်...နို၀င်ဘာ27ရက်"
"ဆရာလေးရေ စာလာတယ်"
အိမ်ရှေ့မှစာပို့ဦးလေးကြီး၏အော်သံကြောင့်ကျောင်းဆရာလေးဆော့ဂျင်မှာအပြေးတစ်ပိုင်းထွက်လာသည်။စာအိတ်အားဖွင့်ဖောက်ကြည့်မိတော့ရင်ထဲတွင်လှိုက်ကနဲ...။သူနယ်သို့ဆင်းပြီးစာသွားသင်ရမည်တဲ့။နယ်ဆိုသည်ထက် ရွာလေးတစ်ရွာ။သူတစ်ခါမှတောင်မကြားဖူး၊မသိဖူးသည့် ခေါင်ပါးလှသည့်ရွာငယ်လေးပင်။
"အို... မသွားရပါဘူးသားရယ် မေမေ
စိတ်မချပါဘူး"
မေမေကခေါင်းကိုတွင်တွင်ခါကာ အကြောက်အကန်ငြင်းသည်။
"မေမေကလည်းဗျာ စာတောင်ကျနေပြီပဲဟာ သားသွားမှဖြစ်မှာပေါ့"
ဆိုလ်းမြို့အလယ်ရှိကျောင်းဆရာလေးကင်ဆော့ဂျင်၏အိမ်တွင်လည်းစကားစစ်ပွဲအလားတစ်စတစ်စနှင့်ပြန့်လွှင့်နေသည်။
"မသွားရဘူးဆို မသွားရဘူးပဲနော် ကင်ဆော့ဂျင်ဒီလောက်စစ်ဖြစ်နေတဲ့နေရာကို မေမေကမေမေ့သားကိုသွားခွင့်မပြုနိုင်ပါဘူး မေ့သားလေးတစ်ခုခုဖြစ်မှမေမေရင်ကျိုးရချည်ရဲ့သားရယ် မသွားပါနဲ့နော် သားနော်"
DU LÄSER
𝗗𝗜𝗦𝗧𝗔𝗡𝗖𝗘
Romantik"ရှင်သန်နေတဲ့နယ်နမိတ်စည်းမျဉ်းတွေနဲ့ပြထမ်းထားတဲ့ဥပဒေတွေသာမရှိခဲ့ရင် ကျောင်းဆရာလေးကင်မ်ဆော့ဂျင်အပေါ်ကျွန်တော်သိပ်ချစ်ရပါသည်။" "ရွင္သန္ေနတဲ့နယ္နမိတ္စည္းမ်ဥ္းေတြနဲ႔ျပထမ္းထားတဲ့ဥပေဒေတြသာမရွိခဲ့ရင္ ေက်ာင္းဆရာေလးကင္မ္ေဆာ့ဂ်င္အေပၚကြၽန္ေတာ္သိပ္ခ်စ္ပါသည္။" J...
