ဟန်သည် ဝယ်လာတဲ့ စတော်ဘယ်ရီရေခဲမုန့်ကို အရသာခံစားရင်း ကျောင်းဝန်းထဲက ခုံတန်းလေးပေါ်မှာ တစ်ယောက်တည်း ထိုင်နေလေသည် ။ ထိုစဉ် သရီက သူ့ရဲ့စက်ဘီးကို ဟန် ရှေ့မှာပင်ထိုးရပ်ကာ ဆင်းလာပြီး အနားလာထိုင်သည် ။" ငါ့ကိုလည်းကျွေးဦး ။"
ပြောပြောဆိုဆို ဟန် လက်ထဲက ရေခဲမုန့်ကိုယူကာ တစ်ကိုက်လျှက်စားလိုက်တော့ ဟန်သည်မျက်မှောင်ကြုပ်လျှက် သရီကိုကြည့်လာသည် ။
" ဒါက ငါစားနေတဲ့ဟာလေ ။ မရွံဘူးလား "
" ရွံစရာလား ... မင်း ပါးစပ်ထဲက ဟာတောင် ငါစားဖူးတယ် ။ ဒီလိုနည်းနဲ့လေ "
သရီ သူ့ရဲ့နူတ်ခမ်းကို စုချွန်ကာလျှက်သပ်ပြီး ဟန်လုပ်ပြတော့ ဟန် မေးရိုးပြုတ်ကျသွားသလို ဆွံ့အသွားသည် ။ သရီက သူ့ကိုမချစ်တော့ဘူးလို့ပြောပေမယ့် တစ်ခါတလေ အနှောက်သွားမလွှတ်တဲ့စကားတွေကို အရမ်းပြောသူဖြစ်သည် ။
" ဘယ်လိုတွေ လုပ်ပြနေတာလဲ ခွန်းသရီရာ ။ သူများကြားရင် မင်းနဲ့ငါ့ကို ချစ်သူဖြစ်ခဲ့တယ်ထင်ဦးမယ် "
" အဲ့ထက်တောင် ပိုခဲ့ဖူးတယ်ဆိုရင်ကော "
သရီသည် ဟန်ကို မျက်စိမှိတ်ပြပြီး တမင်ကျီစယ်ကာနေလိုက်သည် ။ နှစ်ယောက်သား အရမ်းကြီး မနီးကပ်ပေမယ့် သရီရဲ့ မျက်နှာက သူနဲ့တော်တော်လေးကို နီးကပ်နေသည် ။
ဟန်သည် သရီရဲ့မျက်နှာကို လက်နဲ့တွန်းထုတ်ရင်း စိတ်မပါ့တပါ ရယ်လိုက်သည် ။
" ဟဟဟ ... ပြောတတ်တယ်နော် ။ မင်း ဝတ္ထုရေးစားပါလား ။ သေချာပေါက် Best Seller ဖြစ်မှာ သေချာတယ် "
" မယုံဘူးလား ... ငါ မင်းကို လျှို့ဝှက်ချက်တစ်ခုပြောပြရမလား ။ တကယ်တော့လေ ငါက အနာဂတ်ကနေ လာခဲ့တာ သိလား .. "
" ဟုတ်လား .... အနာဂတ်မှာ ငါကအရမ်းကိုအောင်မြင်နေတဲ့ ဒီဇိုင်းနာတစ်ယောက်ဖြစ်ပြီး မင်းက ငါ့ရဲ့အလုပ်သမားဖြစ်နေတယ် .. ဟုတ် "
ဟန်က သရီသူ့ကို နောက်သည်အထင်နဲ့ ပြန်နောက်လိုက်ခြင်းဖြစ်သည် ။ သရီသည် ညစ်ကျယ်ကျယ်ပြုံးရင်း သူစားလက်စ ရေခဲမုန့်ကို အရသာခံစားကာ သူ့ရဲ့အေးစက်စက်လက်နဲ့ ဟန်ရဲ့ လက်ချောင်းကိုဆွဲယူပြီး အနီးကပ်ပြောလိုက်သည် ။
YOU ARE READING
ချစ်မိခဲ့တဲ့ ၉ နှစ်တာ
Romanceလူတော်တော်များများက အတိတ်ကိုပြန်ပြင်ချင်တဲ့ စိတ်ဆန္ဒရှိကြမယ်လို့ ကျွန်တော်ယုံတယ် ။ မတော်တဆ အဲ့ဒီအခွင့်အရေးက ကျွန်တော့်မှာသာ ရှိလာခဲ့ရင်တော့.... cover credit to the owners of the original drawings လူေတာ္ေတာ္မ်ားမ်ားက အတိတ္ကိုျပန္ျပင္ခ်င္တဲ့ စိတ္ဆႏၵရွ...