သုံးလဆိုတဲ့အချိန်ကာလတစ်ခုဟာ မျက်စိတမှိတ်အတွင်းမှာပင် ကုန်ဆုံးသွားလေ၏ ။ သူဟာ W One မှာ အချိန်ပိုင်းအလုပ်လုပ်ရင်း သူဌေးရဲ့မျက်စိကျတာကို ခံရတာကြောင့် W One က ရွေးချယ်တဲ့ ပညာတော်သင်ဆုရတဲ့ ကျောင်းသားတစ်ဦးဖြစ်လာခဲ့သည် ။ မကြာခင်မှာ အကောင်းဆုံးစီးပွားရေးတက္ကသိုလ်တစ်ခုမှာ တက်ခွင့်ရတော့မှာဖြစ်ပြီး ကျောင်းပြီးရင်လည်း အလုပ်တန်းရမှာမလို့ သူ့ကိုယ်သူအခုမှ လူမှန်နေရာမှန် ရောက်သွားသလို ခံစားလိုက်ရသည် ။
သူပညာတော်သင်ဆုရတဲ့အကြောင်းကို ဟန်ကိုပြောပြချင်စိတ်ပြင်းပြတာကြောင့် မေ့တေ့တေ့ဖြစ်နေသည့် ဟန်ရဲ့နံပါတ်ကို ပြန်ရှာရင်းဖုန်းခေါ်လိုက်သည် ။
" လူကြီးမင်းခေါ်ဆိုသောဖုန်းမှာ စက်ပိတ်ထားပါတယ်ရှင် "
စက်ပိတ်ထားတယ်တဲ့ ။ တံခွန်ဆီ ဆက်ကြည့်ဦးမှပါဟုတွေးပြီး တံခွန်ရဲ့ဖုန်းနံပါတ်ကို ခေါ်ဆိုလိုက်သည် ။
Ringing ...
" Hello.... "
တံခွန်ကဖုန်းကို ချက်ချင်းကိုင်လိုက်တာကြောင့် သရီ ဝမ်းသာအားရဖြစ်သွားလေ၏ ။
" တံခွန် ... ငါ ခွန်းသရီပါ ။ မင်းတို့အခုဘယ်မှာလဲ ငါမင်းကိုပြောစရာရှိလို့ "
" အော် ... မင်းလား ။ ပြောစရာရှိတာကို ဒီမှာပဲပြောလိုက် "
တံခွန်ရဲ့အသံက အေးစက်စက်နဲ့ နွေးထွေးမှုမရှိတာကြောင့် သူ့ကိုစိတ်ဆိုးနေသည်ဟုထင်ပြီး ဖုန်းပြောနေရင်းနှင့်ပင် သရီရယ်လိုက်သည် ။
" ငါ ဒီကာလအတွင်း မင်းတို့ကိုလာမတွေ့နိုင်ခဲ့တာ ငါ့ကိုခွင့်လွှတ်ပါကွာ ။ ငါရဲ့ဘဝနဲ့သက်ဆိုင်တဲ့ဆုံးဖြတ်ချက်ကြောင့်မလို့ မင်းတို့ကိုဆက်သွယ်ဖို့ မအားဖြစ်သွားတာ ။ မင်းသိလား .... ငါဘာကို ရအောင်လုပ်နိုင်ခဲ့လဲဆိုတာ "
" ပြောပါ ... စကားပလ္လင်ခံမနေနဲ့ "
" မင်းကလည်းကွာ .... ထားပါတော့ ။ ငါအခု W One ရဲ့ ပညာသင်ဆုကို ရခဲ့တာကွ ။ Full Scholarship ကွ မင်းသိရဲ့လား "
" အင်း ... မင်းအတွက် ဂုဏ်ယူပါတယ် ။ ဒါပဲမဟုတ်လား ငါဖုန်းချလိုက်တော့မယ် "
YOU ARE READING
ချစ်မိခဲ့တဲ့ ၉ နှစ်တာ
Romanceလူတော်တော်များများက အတိတ်ကိုပြန်ပြင်ချင်တဲ့ စိတ်ဆန္ဒရှိကြမယ်လို့ ကျွန်တော်ယုံတယ် ။ မတော်တဆ အဲ့ဒီအခွင့်အရေးက ကျွန်တော့်မှာသာ ရှိလာခဲ့ရင်တော့.... cover credit to the owners of the original drawings လူေတာ္ေတာ္မ်ားမ်ားက အတိတ္ကိုျပန္ျပင္ခ်င္တဲ့ စိတ္ဆႏၵရွ...