Incheon Airport ကြီးထဲ လူတွေက ပျားပန်းခတ် လှုပ်ရှားလို့နေသည်။
Kyung Soo ကတော့ Luggage တွေနား ထိုင်နေတဲ့ အဖိုးနားကပ်ကာ မှာစရာရှိတာ တတွတ်တွတ်မှာကာနေသည်။
အဖိုးက ခြေထောက်တွေ ပြန်ကောင်းလာဖို့အတွက် Paris ကိုသွားကာ ဆေးကုသမှုခံယူဖို့ ဆုံးဖြတ်ခဲ့တာဖြစ်သည်။
ဒီက အလုပ်တွေကိုတော့ ရှယ်ယာရှင် တစ်ဦးဖြစ်တဲ့ Kim Jongin ဆီ ခဏလွှဲထားခဲ့ကာ ဆေးကုသမှုကိုပဲ အာရုံစိုက်ထားနိုင်ဖို့ ရည်ရွယ်ခဲ့တာဖြစ်သည်။
အဖိုးအတွက် Kim Jongin က စောင့်ရှောက်ဖို့လူတွေ ထည့်ပေးလိုက်ပေမယ့် Kyung Soo က စိတ်မချတာမို့ ဦးလေးလီကိုပါ လိုက်သွားစေခဲ့သည်လေ။
အဖိုးလိုက်ပါသွားတဲ့ လေယာဥ်ထွက်ခွာသွားတာနဲ့ Kyung Soo လေဆိပ်ထဲကနေ ထွက်လာလိုက်သည်။
Driver မောင်းတဲ့ကားကို စီးကာ အိမ်ပြန်ရောက်ပြီးနောက် အိမ်ထဲမဝင်တော့ပဲ ဂိုထောင်ထဲက ဆိုင်ကယ်ကို ထုတ်ကာ တစ်ပတ်နှစ်ပတ်လောက် ပတ်စီးဖို့ ကြံစည်လိုက်သည်။
ဆိုင်ကယ်ကို ခြံပြင်ထုတ်နေတုန်း ဖုန်းထဲ စာဝင်လာတာမို့ ဖွင့်ကြည့်တော့ Kim Jongin ဆီက ..
ဒီနေ့ Kim Jongin က အရေးကြီးတဲ့ အစည်းအဝေး တစ်ခုရှိသည်ဟုဆိုကာ အဖိုးကို လိုက်မပို့နိုင်တော့ကြောင်း ကြိုအကြောင်းကြားထားပြီးသားပင်။
အခုမှစာပို့ပုံထောက်ရင် အစည်းအဝေး ပြီးသွားခဲ့ပြီထင်သည်။
~ အဖိုး သွားပြီလား ~
Message ကိုကြည့်ကာ Kyung Soo နှာခေါင်းရှုံ့လိုက်သည်။
အဖိုး??? ဘယ်သူက ခင်ဗျားအဖိုးလဲ?? ကျွန်တော်က ခင်ဗျားအဖိုးလား???
~ ခင်ဗျား လေယာဥ်ချိန်သိတယ်မဟုတ်လား ခင်ဗျားမှာ နာရီမရှိဘူးလား.. ပြီးတော့ ဘယ်သူ့ကို အဖိုးခေါ်နေတာလဲ ~
Kyung Soo တစ်ယောက် message ကို reply ပြန်ပြီးတဲ့နောက် ဖုန်းကို မသိမ်းမိပဲ တစ်ဖက်က စာကို ထိုင်စောင့်နေမိသည်။
YOU ARE READING
Rebirth As A Mafia's Bridegroom [카이수]
Fanfictionအရာအားလုံးဆုံးရှုံးပြီး နောက်ဆုံးမှာ ပြန်လည်မွေးဖွားလာခဲ့တယ် မာဖီးယားတစ်ယောက်ရဲ့ အိမ်ထောင်ဖက်အဖြစ်နဲ့ ~~~