وردة الجنوب

بارت الثالث

#وردة_الجنوب
#البارت_الثالث
الكاتبة الفاطمية الصغرى

ألف طلقة
ولا العيش في ذل

الشاعر ادم اللامي

««««««««««««««««««««««««

بعد الكلام سمعته من رقية، مااجاني نوم عيوني ماغمضت،صار فجر و أذن واني جسمي يرجف صار مغص لعبان نفس وصداع و جوع

نزلت ع كيفي للمغاسل جوه اريد اغسل، من طلعت صار بوجهي مطبخ تفاجئت بجمال المطبخ وترتيب، فتحت الثلاجة اخذت موزة و كلاص عصير،اكلت وشربت وصعدت نمت غفيت

حسيت سجى تكعد بيه،ماادري بيش ساعة
سجى: ياسمين بابا يريدج
تفاجئت وخفت يوم 4 بيتهم هو لا صاحني ولا شفته للرجال بس مرته تجي تكعد شوي وتنزل

كمت لبست صاية ولفيت شال ونزلت غسلت وشربت مي، بعدها توجهت للصالة بس قلبي يرجف،شفته كاعد هو و مرته وبناته

ابو علاء: تفضلي بوية استريحي
(كعدت واني ارجف من الخوف احس برد بضلوعي رغم جو حار هسه )
ابو علاء: بنتي الي جاي يصير لا يرضي الله ولا رسوله ولابشر بس بعد هاي عادات مشت علينا واني اكلج بنيتي مارضا عل بناتي مارضه ع بنات ناس وهاي حوبه تخطي ومتبطي واني صاحب بنات اريد تبريني الذمةواني ان شاء الله امن عليج وماعوفج
( الخوف ترس قلبي احس روحي راح طك وتموت)
ابو علاء: العصر يجون يعقدولج ويرحون
( التفت ع مرته ام علاء)
ابو علاء: ام علاء شوفي احتياجات البنت خطيه بنيتي انتي هذني خواتج وياج لا تخجلين
ام علاء: بعيوني يابو علاء
( اني اباوع صافنة وبداخلي اعتب ع اهلي خلوني هيج صح هم ميحبوني بس اني احبهم)

كمت واني ارجف شنو راح يصير بيه متوجهة للمجهول، ام علاء راحت للسوك اشترتلي صاية جديدة و حذاء وملابس داخلية، بنات انطني دشاديش و شالات و حضرلي جنطة، فعلاً حنينات اتمنيت هن خواتي او عندي خوات مثلهن، غير شامبو وليفة و العطور, شغلات هواي ماشايفتهم بحياتي، بس الخوف مسيطر عليه

سجى راحت جابت مرايا و خيط و ملقط
ياسمين: لا ما احف اخااف
سجى: معليج ميصير ترحين هيج شكلج
(مناقشة وياها عقيمة)
وافقت بدت تحف الي اول ماحطت الخيط عطت ماتحملت حفتلي وكملت بس حواجبي مالعبت بيهم لان هنا ضعاف
سجى: ما العب بحواجبج واخربهم
ياسمين: تمام

شيرت جسمي وهن كاعدات يسولفن وياي حاسات بيه, نظرت شفقة بعيونهن، من اشوف هل نظرة اموووت قهر، كملت جسمي
سجى: المنطقة ح.... بالحمام
ياسمين: مااعرف واخاف
سجى: شوي شوي تتعلمين

اخذت منها ورحت للحمام ماعرفت اسويها متت من الوجع، هم ماكو هواي لان هسه بدت تنزل عليه، سبحت دموعي تنزل ولا مرة دخلت للحمام مابجيت اتذكر اهلي شلون باعوني هسه اني متوجهة للمجهول