وردة الجنوب

بارت العاشر

#وردة_الجنوب
#بارت_العاشر
الكاتبة الفاطمية الصغرى

امنوا بما اؤمن به وستعيشون وتموتون سعداء مثلي لو كنتُ في صحراء ويقتلني العطش ووجدتُ بركة من الماء اقول قد انقذني الله وأشرب ...
وان وصلت لها وتبخرت أقول قد أنقذني الله، فقد كان مسموماً ...
أتكلوا على الله هكذا
وأعلموا أن كل شيئ يحصل لسبب 🖤

«««««««««««««««««««««««««««

طلعت اسحل بنفسي رجعت الذكريات لعشته هناا سنتين ارتاحيت من كلشي، و الي مضوجني مصطفى اجر بيته راح يعيش هنا،رجعت نقطة البداية شلون راح اعيش هنا مالي خلك مشاكل

شلون اخذ راحتي البس شال عندي عقدة منه مااريد يطمع بيه، اريد عيش جهالي وبس ،جيرانه ام داود دائماً عدنا سوالفها حلوة وتهون ع عمتي مصطفى اخذ الغرفة مالتنا جوه، البيت خرب موضوع ثاني علي رجع يم ابو احمد ،فاطمة بقت يمنا خذت غرفة خالها سالم

سويت حملة ع بيت اني وفاطمة اجتنا لارا بت مرام،لزمن البيت وياي جلف لارا ماتعرف تسكت
لارا: بيبي هنيالج ع هل جناين زين البيت ماوكع من زبالة، خابري بلدية خلي يجون 10 سيارات حت يلمون زبالة
ام احمد: نجبي واشتغلي بلا صوت

كملنا فوك و نزلنا جوه وحدة ع حمامات ولاخ ع مطبخ ويدعن ع رواء و مروة هواي تعبن خطية،جهال ويانا بالماء شهر 4 سنة 2010 حلو جو

عمتي حاطها كرسيها و كاعدة تسبح و لا عبالك ذيج اجت بيت الشيوخ اخر كشخة و شموخ، 24ساعة تنوح ع غيث دمر صحتها حت من تمشي تكظ الحايط هي مالها دخل بيه اخر شي حجت وياي من طلبت مني اعقد اني ومصطفى

عمتي من شافتنا هيج كامت تكظ تسوي غدة دجاج شوي و تمن احمر, اجه مصطفى واحنا طفرنا مشلتحات بيت بعدنا ممكملين
مصطفى: ليش جهال بالماء لا يتمرضون
( هم شافوا طفرو بابا وبابا هو يحضن ويبوس)
مصطفى: جوعان غدة بسرعة

بدينا نصب غدة و جهال ماتغدو بس يطافرون
ياسمين: كعدووو كاافي
(هو باوع عليه خزرني، لارا ماسكتت)
لارا: خالو هاي شنو نسوان خواتك شكد قذرات طاح حظنا نظف ما يكمل البيت
مصطفى: ههههههه الله يساعدكم

كمل غدة اخذ جهال دخل للغرفة، احنا 3 شعر كفشة نخوف ما يتخوف، المطبخ وصلنا اله تعبنا
لارا: كااافي راح نمووت من تعب
ياسمين: بقت ع مطبخ يله

كملنا المطبخ ومصطفى طلع يريد يروح للمحل
علوش: اياك بابا
مصطفى: بليل بابا اطلعكم
زيون:. اسه ( هسه)
مصطفى: ياسمين تعاي جهال

رحت الهم انطيتهم جبس كعدو هم،لارا وفاطمة راحن للصالة مددات
لارا: لجججج يمه جسمي
فاطمة: اخخخخخ لمينا وصخ هذني خايسات الله لا ينطيهن
لارا: اي والله احس رجلي راح تموت
فاطمة: هههه خلي تموت حت لا تنظفين