وردة الجنوب

بارت 29

#وردة_الجنوب
#بارت_29
الكاتبة الفاطمية الصغرى

نملك الحب و وفاء فيخيب ظننا
خيبة ظن اعظم درس للأوفياء

بقلمي 🖋️

«««««

دخل مصطفى وكف يمي بس ضايج، باوع عليه
مصطفى: ياسه جاوبيني بصراحة جنتي تاخذين مانع
ياسمين: اني وعدت نفسي بعد مابرر الشخص واحلف  تريد صدك تريد لا بس اني مجنت اخذ حب مانع ولاجه بالي اصلا

دنك باس راسي وابتسم وطلع، حس نفسي  كاره كلشي،من اذكر اهلي توهم ذكروني نشعل ونطفي،طلعت عمتي نايمة بصالة مصطفى كاعد ع تلفزيون، بس عبرت منها حجت
عمتي:  هااا شعجب عفتي المانع وحبلتي  شنو الله هداج
مصطفى: يمه
ياسمين: أي والله ،الله هداني

عفته رحت للمطبخ جوعانة، كامت ترعد
عمتي: ماتحترم انت منطيه عين 👁
مصطفى: يمه انتي مو مريضة شجابج ع هذا الحجي
اكو ناس ظل سنين مصير جهال احنا كم سنة والحمد الله الله رزقنا
عمتي: حشه لله تلكاها تاخذ مانع ليش كون هسه صاير من زوجت غير هسه بلمدرسة وانت مو صغير راح تدخل 40

مصطفى مجاوب واني طكت روحي  ماتحمل بعد
ياسمين: انتي ليش تكرهيني شنو سويتلج اني هاي لان خادمتج وخدمت امج جنه وشايله البيت كله والخطار كله صار وتم ترا لعبت نفسي واني اكلج مماخذة سم ماخذة مرض ليش مصدكين
(كامت ترعد)
عمتي: حيوانة تعيريني  منو انتي كلج خدامة عدنا لاتنسين نفسج لو ابني كبر راسج وخلاج شيخين علينا

مصطفى خزرني وشرلي دخل للغرفة عفتها فتت سويت لفة وكلاص جاي ولاهتميت، هي بعدها ترعد مصطفى يسكت بيها، طكت روحي شوكت اتحمل ،صار مغرب مصطفى طلع مدري وين وهيه لزمت المبايل تخابر وتعلي صوتها حت اسمع
عمتي: ابشركم العاجر حبلت مدري جانت تاخذ مانع

ماخلت واحد ماتصلت بيه، لارا اتصلت بيه
لارا: هلو خالة
ياسمين: هلا حبي
لارا: الف مبروك الحمل
ياسمين: الله يبارك بيج حبي شبساع وصل الخبر
لارا: اوو بيبي مخلت واحد بلعشيره مكالتله
ياسمين: ههههه الله يعيني عليها

حجينا شويه سديته، منار خابرت باركتلي وتعاتب اليش مضوجة امها،  نهديت بيها
ياسمين: كافي منار امج بعد ماتحملها شمسويتلها تكرهني هيج،هاي جزاتي عايفه جهالي وجايه خدم بيها،انتو بناتها محد بيكم كلفت نفسها واجت وياها وداريها هسه دكليلي ليش مضوجتها، اسفة بعد ماسكت الواحد يقلل من قيمتي

حسيتها ضاجت وترخصت وراحت،  طلعت اصلي عمتي :وين مصطفى يجي يساعدني اريد توضة
(مجاوبتها رحت جبتلها مي وخليته يمها والمصلاية،اجه مصطفى جايب اكل)
مصطفى: هاا تأخرت عليكم
ياسمين: لا عادي