وردة الجنوب

بارت الخامس

#وردة_الجنوب
#البارت_الخامس
الكاتبة الفاطمية الصغرى

كل مجتمع تحكمة الاعراف و التقاليد البالية مجتمع فاشل
يحتاج ألى ثورة
احدثهم عن الحب
فيحدثوني عن الرغبة الجنسية !!..

«««««««««««««««««««««««««««««««

كاعدة وقلبي نيران تلهب, اجه مصطفى طلع سامع امه
مصطفى: شوو انتي كاعدة توزعين بطفل
ام احمد: ميريد لعد شنوو يبقى طفل بلا هويه
مصطفى:لا مو بكيفه غصباً عليه هذا ابنه لو بس فالح بالسكر و الك..... تنطي فلوس و ديحي كومي امي جيبي طفل للأمه

راحت واجت شايلته وياه حفاظات وحليب
ام احمد: هاج هذا عليوي
( هي سمته علي، ماصدكت صار بحضني اخذته وظليت اشم بي فدوة ريحته تنسين دنيا كلها)

نومته بصفي واريد اشبع من وجهه ماكو، يومية ينعاد الكلام ع عقد حت يطلعون جنسية ال علاوي وهو قافل، اجت منار يمي سمعت صوت مصطفى
ياسمين: فدوة منار اريد احجي ويه مصطفى
منار: بشنو
ياسمين: صيحي فدوة وتعاي سمعي شحجي
منار: ادللي ام عليوي

طلعت منار شوي واجت مدت راسها
منار: ها همزين حاطه الشال ع راسج، تفضل خويه
(دخلو سوه منار بعدها مصطفى يمشي)
مصطفى: السلام عليكم
ياسمين: وعليكم السلام
مصطفى: كالو طالبتني أمري
ياسمين: مايأمر عليك ظالم فدوه بعد لا تلح ويه غيث لا تزعل اخوك مخبل أخاف ياخذ ابني
مصطفى: بس لازم تعقدون حت طفل يصير عند الجنسية
ياسمين: عوفه بلكي الله يهدي
مصطفى: براحتج مثل ماتحبين
ياسمين: شكراً تعبتك

طلع واجت منار يمي تعلمني شلون اهتم بي الاشياء تخص طفل، مرنا 40 يوم و غيث حت ماشايف الطفل و لا يعرف شي عن طفل .
.

اجت منار بليل جايبه ملابس الي منها، وجايبه ملابس علوش جدد، داخليات الي جدد وسانت....
منار: يله كومي
ياسمين: شنو
منار: اسوي جسمج ش .....
ياسمين: لا مااريد
منار: كومي مادام علوش نايم
ياسمين: تمام

اخذتني للغرفة بدت تنظف بيه تذكرت بنات ابو علاء شكد حنينات، اووف مشتاقتلهم عبالك اعرفهم سنين مو ايام، كملت تنظيف جسمي حولت ع وجهي حفافه
منار: اكملج دخلي سبحي من طلعين اسحب شعرج
بلكي الله ويحن قلبه عليج وتعقدون ويسجل الطفل بأسمكم
ياسمين: هذا حلم
منار: ان شاء الله يتحقق يله كومي سبحي

رحت دخلت للحمام انطتني دشداشة قصيرة حمره هي جابتها الي، سبحت وافكر بلكت الله يهدي ونعيش براحة و نرتاح و الطفل يسجل

طلعت من حمام دخلت للغرفة منار تنوم علاوي
منار: حمام العافية
ياسمين: الله يعافيج شنو كعد علاوي
منار: اي وشرب ممه و رجع نام كعدي بينما اخلي علاوي بكاروكه اجي اسحب شعرج
ياسمين: تمام