وردة الجنوب

بارت 27

#وردة_الجنوب
#بارت_27
الكاتبة الفاطمية الصغرى
(بارت مفاجئ لعيونكم ❤️فدوة للتعليقات حلوة)

احبوا هونا وابغضوا هونا
فقد افرط قوم في حب قوم فهلكوا
_علي بن ابي طالب ❤️

«««««««««««««««««««««««

وصل للبيت نزل فتح الباب وصعد، الله ياهذا البيت ماشفت بيك بس الوجع والضيم، اجه طفه سيارة
مصطفى: نزلي

نزلت البيت هدوء صبح طلعت مسحولة وهسه رجعت نفس طريقة، صعدت لجهالي نايمين بوس بيهم نايمين طلعت رحت الحمام سبحت وبدلت،اكل مماكلة من ريوك ، جسمي يرجف يمكن ضغطي هبط اكلت لفة جبن ومي

صعدت للغرفة غيث نمت لا اكذب ع نفسي احاول انام ماكدر، وين راح صير تظهر برائتي لو ابقه مظلومة، منو هيج سوه شنو غايته، انا حت ماذيهم ع كد شغلي وممقصرة وياهم

ليش تهمني وين يعرفني منو اله مصلحة يتبلة عليه ،عيوني متاخذ نوم صافنة، نفتح الباب متتحركت ولا شفت منو بس اعرفه مصطفى،ستغربت جكاير

ترست المكان  مصطفئ ميشرب،باوعت مصطفى صافن عليه بيده جكارة،معقولة مصطفى عمره مشارب ولا يحبها ولا يتحمل ريحتها بلبيت يشرب لعد ليامرحله واصل،عدلت كعدتي كعد بصفي
مصطفى: يومية هيج وقت نايمة بحضني
(بس كال قلبي نفجر الم، الله لا يوفق سوه هيج)
ياسمين:  راح تاخذ حقي مصطفى
مصطفى: ماخلي راسي ع مخده اذا ماعرف منو وراها اذا جنتي مظلومة او ظالمة

طلع كوه يمشي بعده ملابسه،صبح صبح واني بعدني ع وضعي غرفة جهالي نفتحت طفرت لكيت زيون يريد ينزل
ياسمين: زيون
(اجاني يركض حضني)
زين: وين رحتي وعفتينا ماما
ياسمين: حبيبي هنا معفتك يروحي انتي اخوك وين؟ زين: بعد نايم
ياسمين: عندك دوام
زين: لا ماما عصري دوامنا
ياسمين: ماشي
زين: جوعان
ياسمين: دلل هسه سويلك

نزلت سويتله ريوك مصطفى مدد بصالة ويده ع عيونه بعده ملابسه،منظرة يكسر قلبي بس مواحسن منه اني، زيون راح تمدد بحضنه، عدل نومته وحضنه، ردت صعد
زين: بابا يريد شاي
( هزيت راسي وسويت شاي بس تعبانة كلش كعدت عمتي)
عمتي: هاي شرجعج لا هلا ولا مرحبا
( مجاوبت صعدت درج بشموخ كافي الله يعرف بريئة يظهر حقي)
عمتي: تعاي سويلي ريوك
( ولا عبالك سمعت شفت فاطمة ع درج فرحانة بعيونها شماته اصلاً قلبي ممرتاح الها و قبل كانت كلش حبابة هسه انسانة ثانية)
فاطمة: ها رجعج عمو خطية متستاهلين
ياسمين: الله موجود يظهر برائتي
فاطمة: اذا ظهرت خابريني هههههه

ضحكت ونزلت،صارت ب9 متت جوع نزلت،عمتي وامها كاعدات،بس نزلت
عمتي:  هاا فوك شينه كوات عينه تفتر بلبيت بلا مستحه