وردة الجنوب

بارت الرابع

#وردة_الجنوب
#بارت_الرابع
الكاتبة الفاطمية الصغرى

حسبتلها وكل
الحاسبة أطشر
يـ الردتك هلاهل خير
ألمن هلهلت بالشر ؟!

الشاعر ادم اللامي

««««««««««««««««««««««

رجعت غرفتي بداخلي ادعي ربي يهدي،شفت جرجف بي دم شمئزيت شلتها وخليت بطانية بدالها،للان ماشايفه وجه غيث ولا مركزة بي، سمعت يسولف هو و امه،طلعت غسلت جرجف

اجت اخته دخلت تصيح جوعانة اني بالحمام واسمع صوتها، هن لحد الان محد سئل ع اسمي محد يعرف اسمي،طلعت من حمام
ام احمد: تعاي يا ماادري شنو اسمج ادري تغسلين حمام لو علم ذره تعاي اريد اصب غده
ياسمين: ان شاء الله اجيت

صبت غده كعد غيث يتغده، طبعاً اني اكل بعدهم، سريع اكل كام سبح وكشخ وطلع،ولا باوع ع خلقني،نزلت كوثر تضفر شعرها،سحبت كرسي و كعدت تاكل، اني جوعانة بس مااكدر اكعد وياهم،طلعت امهم من غرفتها كاشخة
ام احمد: كوثر يمة رايحه بيت خالتج باجر 40 ابنها واخوج سامر يجي بليل هو و زوجته ماشي واني ظل هناك
كوثر: شوكت اجه من السفر شو ماادري
ام احمد: يي طبعاً ماتدرين اذا 24 ساعة معلقة فوك بغرفتج بعد من وين تعرفين
( عبالك بسمار انطت للبنتها، باوعت عليه )
ام احمد: انتي خلصتي شغل ولي لغرفتج لا تبقين مثل بومة تفترين بلبيت
( هزيت راسي ورحت و كوثر كامت تغسل)
كوثر: راح انام لحد يكعدني
ياسمين: اي

امها طلعت واني صبيت غده وشربت عصير و غسلت ماعين ، بعدها رحت شريت ملابس بره وصافنة اذا هيج حياتي الحمدلله بس شغل نمونه شغل

بليل اجه سامر و زوجته رواء تباوع بطرف عينها
رواء: انتي الفصلية سمعت وكعتي بغيث خطيه والله انتي
( سكتت كلشي ماحجيت٫ صعدت فوك هي و سامر،نزلت كوثر)
كوثر: شنو العشه
ياسمين: ماادري
كوثر: شنو ماتدرين ليش ممسوية عشه
ياسمين: امج كالت لا تقتربين من طبخ و لا تفتحين لا ثلاجة و لا مجمدة
كوثر: هو حجي امي باجر تكلب عليج تعاي نسوي عشه للسامر و زوجته لا تصير مشكلة

رحت وياها ثواني ونزل بدل
سامر: وين العشه
كوثر: هسه اسوي
سامر: وهاي الخدامة شنو شغلها ليش ممسويه شنو تردين نخدمج بنت الكلب بنت الحيوان (بعصبيه)
( جرني من ثوبي لطشني بالحايط مااكدر ادافع عن نفسي، كوثر مالها صوت خنست)
سامر: امج شكو عايفة بيت بيد المزعطة عرفتها شنو منو يمكن تطلع حرامية، بساع سوي عشه صعدي فوك للغرفة

ابجي وعدل بثوبي الي انشك رحت ابدل صرخ
سامر: وين موووووليه سوي عشه حقيرة
( رحت سوي و كوثر صعدت مااعرف شسوت و نزلت طلعت كباب جامد قلالينا و سوينا زلاطة و فواكة و طماطة سوينا صينية)
كوثر: ودي
ياسمين: مااكدر اشيلها
كوثر: تعاي وياي باب الغرفة نطي الج
( مسحت دموعي وصعدت وياها دكت باب و انطتني صينية فتحت زوجته)
رواء: فوتي
( صينية ترجف بأيدي خليتها كدامه، اريد اطلع صاح)
سامر: وين مي
( نزلت ركض جبت مي، نزلت اعزل مطبخ ودموعي تنزل)