وردة الجنوب

بارت 16

#وردة_الجنوب
#بارت_16
الكاتبة الفاطمية الصغرى

لا تشكو للناس جرحاً انت صاحبه
لا يؤلم الجرح الا من به ألم
شكواك للناس يابن ناس منقصه
من من الناس صاح مابه سقم
الهموم كالسيل والاحزان زاخره
حمر الدلائل مهما اهلها كتموا
وان شكوت لمن طاب الزمان له
عيناك تنزف من تشكو له صنم
وان شكوت لمن شكواك تسعده
اضفت جرحاً للجرحك اسمه الندم

«««««««««««««««««««««««««

طبكت موبايل واني نار، اووف شون حجيت وياا هيج، هسه يكول هي تريدني تقرب منها، خرب بيه اجفص بلحجي خل نطمر احسن، ليلتها منمت شون جتني جرئة هيج حاجيته،خلصت ١٠ايام مد وجزر طلايب عرك غلط،مطنشة وكاعدة مصطفى يتصل ع تاب جهال يحاجيهم ،ابد ماتصل واني افور موت قهر ليش ميتصل ليش ميراسل ولايسئل، لعد شون يحبني هوه منو كال يحبني شو وحدي سولف

سامر اليوم شرف واجه للبيت بعد غياب شهر ،كعد كلعادة تفيك والكشخة امه طايرة بي
ام احمد: عمري ماما شعجب صارلك شكد مجاي ليش تخلين تعنالك لبيتك واجي اشوفك
سامر: اي ماما اريدج هناك تنورين بيتي اليوم كلت اني اجي ازورج
ام احمد: هلا بيك وينج صخام سوي ريك سامر بساع
(اني بلمطبخ، كلت بقلبي صكارك موهنا هل جيت جبان ،كبر اموت منه ابو نسوان مدري شون متحملتة نفسه)

سويت ريوك
ياسمين: عمة اجيبه يمكم
ام احمد: اي هنا
( وديته يمهم باوعلي بطرف عينه خليته بلكاع ورحت ،شوف جهال يلعبون بلحديقه بكر يمهم صحتهم يدخلون جوة،دخلو)
سامر: ليش مسلمون جهال غيث الحرامي
(اعرفه جاي يغث بيه طنشتة امه مقبلت ع كلامه)
ام احمد: ماما لادكول حرامي ع اخوك ، بس الله يحنن قلبه يرجع
سامر: شيرجع يمه غير شرب من دمه وهذا ابنج بعد عاقد عليها خلي يطلكها
ام احمد: لا ليش يطلكها من يجي اخوك اخلي يطلكها

سمعهم وفور شسوي يربي، بس لا صدك يرجع غيث مصطفى يطلكني ماتحمل والله،احبه والله مصطفى الشي الوحيد حلو بحياتي اهتمامه رزانته احترمه الي هدوء ،كلشي بي حلو، بس ماعرف سبب منو حياتنا ظاله هيج، منه مني ماعرف جاي نطي مجال احجي ضحك سولف ،بس هو يبعد عني بس الي متأكدة منه يحبني ،لعد ليش ميبادر بكلام فعل ليش دائماً ينهي الموضوع يعوف المكان يطلع

بيومها سامر ظل يمنا، سالم ماجه ،حار شسوه شحجه حته جهال مخلصو منه كل ميمرون من يمه يكفخهم يجوني يبجون، خابرتني ام بكر ع ايجار
ام بكر: شلونج حبي
ياسمين: الحمدلله أنتي شلونج
ام بكر: الحمدلله حبيبتي مصطفى كال انطو ايجار للأم علي
ياسمين: الي
ام بكر: اي
ياسمين: اي جبيهم

نصدمت ليش بأيدي ليش مو عند ام، كلت يمكن متصل بيه رحت شفت ماكو اتصال منه، معقولة زعلان مني، اجوني جهال ام بكر بالباب، نزلت اخذت فلوس وشكرتها، ضميت الفلوس بغرفته، وعزلت غرفة كان سالم ينام بيها، سالم الوحيد ماضوجني حت سلام مايسلم يجي بليل هنا ينام ويطلع الصبح بدون صوت حت ريوك ميريد