وردة الجنوب

بارت 24

#وردة_الجنوب
#بارت_24
الكاتبة الفاطمية الصغرى

اعرف عظمة الرسول من رسالة

#الشاعر_ادم_اللامي

«««««««««««««««««««««««««««««

خليت نومي ع نار اجه مصطفى
......هاا خو مصعد ضغطج بربج زعلين من امي متعلمتي عليه
......لا ليش ازعل امك ترزل وانت تكفخ كلش عادي
.....ياستي  صايرة تشيلين بقلبج
....لا ليش شيل عادي  تعودت تكفخ منا ورضه مناا
....هسه مفهمت انتي زعلانة راضية
.....لاعليمن زعل متسوه ابد
.....اممم لعد ليش لابسه جينكو علينا تره منتحمل

صدك مالي خلك كلشي وهاذ شوكت مااجه باله يراضي لازم ارضه،عفته رحت صبيت نومي صاح وراي
مصطفى:  مو قلب عندج حديد لله يعيني عليه
(ضحكت نطيت العمتي خليت كلاص ع طبلة)
ام احمد: هاا تتمضحكين عليمن كدامج سينماا
مصطفى:  يمه شسالفه خليتي كورج وكورها تره مثل مانتي عزيزة عليه هي هم عزيزة
ام احمد: هاا فرت راسك يمه
مصطفى: اي والله من زمان ممخليتني شوف دربي
ام احمد: يححح تولي والله ازوجك اغاتها
مصطفى: ماريد يمه قافل يمه

عفتهم صعدت للجهال، الغرفه مكلوبه كلاب كعدت بنصهم العب بيهم
زيون: ألعابي خربوها
ياسمين:ميخالف ماما خطيه صغار
زيون: لعد كلي البابا ياخذني ويااا
ياسمين: روح كله انت
زيون: لا مقبل انتي نزلي وياي كليله راح يروح يالا
ياسمين: اوو زيون لاتلح
زيون: عفية نزلي
ياسمين: امشي فضني
نزل يكمز كدامي، مصطفى بلكراج يشغل سيارة رحت فتحت الباب وصعدته بقه صافن عليه
مصطفى: هاا سالمين
ياسمين:  مالي خلك خذه وياك كافي يمي

خذه وراح  لكاني علوش
علوش: هاا وين بابا راح اخذ زيون ويا شنو؟
ياسمين: اي
علوش: ليش ماكتولي
ياسمين: اني اريدك يمي تكعد لجهال فوك صيح عليهم اريد غسل ملابس
علوش: اي مواني مربي مال خلفكم عافني وراح

عزه هاي حت انت ماكدرلك،نزلتهم كلبو البيت عمتي ساعة صيح وتغلط ع امهم ساعه هادئة، واني لا ارى ولا اسمع ولا اتكلم

خطيه الي عمرهم ٣سنين تعبو نامو،بقو ذولاك الكبار طلعتلهم بيسكلات جهال من جانو صغار يلعبون بيهم،كعده مكعدت متت تعب   ساعه يلعبون ساعه يبجون  عمتي من صفحة تصيح البيت مكلوب كرهت نفسي

هسه اني بيها عليها يربي شون يخلص عمري مادرياجه مصطفى جايب لزيون رشاشة بطوله شوفها للجهال كامو يبجون  ، اني روحي طافرة صحت بزين
ياسمين: اكلك نته صغيرون جايبلك رشاشة لو تنطيها للجهال لو تروح ضمها
زيون:  بابا تعال الماما  شنو نطي رشاشتي مااا
مصطفى: شبيج ويااا شنو ينطيها الهم غير مالته
ياسمين: لعد خل يضمها
مصطفى: العب بابا معليك بأمك