وردة الجنوب

بارت 30

#وردة_الجنوب
#بارت_30
الكاتبة الفاطمية الصغرى

مهما بلغت قوة المراة لكنها تحتاج من يشعرها انها مازالت طفلة
بقلمي 🖋️
متابعة للحساب انستا
يوزر fatimihsughraa

««««««

شويه واجه مصطفى ويا ابوو رجال جبير مبين تعبان ممرتاح،دخل للاستقبال واجه مصطفى
مصطفى: وين علي وزين؟
ياسمين: فوك يقرون
مصطفى: صيحيهم يسلمون ع جدهم
(تعمد يعلي صوته يمكن يريد امه تسمع)

صعدت كتلهم وطاروو ع جدهم، اخذت مي ودخلت
ياسمين: السلام عليكم
ابو احمد: وعليكم السلام بابا هلا بيج، مصطفى منو هاي الحلوة
مصطفى: زوجتي بابا
ابو احمد: انتي الماخذه عقلي ابني
(خجلت ورحت كعدت يم مصطفى)
ابو احمد: شلونج بابا
ياسمين: الحمدلله
ابو احمد: الحكومة شلونها وياج
(مفهمت قصده)
مصطفى: مو زينة بويه حرب
ابو احمد: اكلج بابا انتي شكد عمرج
ياسمين: 23 سنة
ابو احمد: بعدج صغيرة بابا
مصطفى: ها يابه سالمين
ابو احمد: هههه لا بويه الله يهنيكم

ترخصت وكمت اسوي شاي، شفت عمتي بالهول تحوم بلكرسي باوعت عليه
ام احمد: هاا سووها جابه للبيتي
(عفتها ورحت اسوي شاي وهي ترعد)

ماعرف ليش نطيتها الحق يعني باعها علمود وحدة، وعاف بيته وجهاله وهسه ذكرها،واجه يسئل يمكن يريد يبري ذمته اجه مصطفى
مصطفى: حجيه الوالد يريد يسلم عليج
ام احمد: شنو يسلم خل يطلع لاريده ولاريد سلامه خل يرجع منين ماجه

مصطفى يقنع وماكو دخل عليهم
ابو احمد: سلام عليكم
مصطفى: وعليكم السلام
(عمتي نبلع لسانها)
ابو احمد: ام احمد شلونج شخبارج الحمد لله ع السلامة والبقية بحياتج
(مردت ابد، كامت ترجف وعيونها بالكاع)
ابو احمد: اني عرف مقصّر وياج ويه ولادي وبناتي بس بعد صارت
ام احمد: رجع منين ماجيت ممحتاجيك صارو زلم ينحلف بيهم، روح للعفتني بنص طريق علمودها
ابو احمد: حقج بس القلب مايهوى

فرت كرسيها ورجعت للغرفة وطبكت الباب
مصطفى: يابه بعدها زعلانة تفضل ستريح هنا
ابو احمد: لا بابا طالع اني وصلني للبيت وجيها غير وقت

طلعو عمتي نحيبها واصل لشارع، ملل قهر عبالك فتحت جروح ،بليل عمتي طلعت من الغرفة وتعاركت ويه مصطفى المن جايبه وووووو طلايب متخلص، دك موبايل مصطفى احمد

مااعرف شنو كال بس عمتي نطت
ام احمد: شبي اخوك
مصطفى: مبي شي كال جاي للبيت انتظرني
(صدك شوي ودخل احمد وسلم وكعد)
احمد: مصطفى البيت ميهدئ من المشاكل واريد رجع فاطمة هناا
(عمتي نطت)
ام احمد: اي يمه جيبها اني محتاجتها تساعدني حتاجها بليل
مصطفى: بنتك مو ادمية ماتحملها اني
احمد: معليك بيها اني مسؤول عنها بس خليها يمكم لان هناك مسويه البيت جحيم بلمشاكل
مصطفى: لعد تريد تسوي بيتي مشاكل احمد بنتك ماجر عدل واني متحملها
ام احمد: مصطفى شبيك اني اريدها تخدمني ويمي بليل انتو نايمين متدرون شنو بيه اني اريدها
( مصطفى سكت بعد ماحجه شي بس ضاج)
ام احمد: هسه جيبها وتكعد وياي بلغرفة