I'm Your Psychopath [Completed]

viii.

"Өөр юм хэрэгтэй юу?" Тэр өөрт нь ямар ч хамаагүй ч хүчилсэн маягтай ийн асуух агаад надад зориулж бэлдүүлсэн цайг тоомжиргүйхэн урд минь тавих аж. "Хөөе."

Би толгойгоо удаанаар сэгсэрсээр цайг авахаар гараа дээшлүүлсэн ч бараг л тасралтгүй чичрэх гараа харчхаад буцаан доошлууллаа.

Одоо ч юу болоол өнгөрчихсөн тухай хангалттай ойлгож амжихгүй байна. Миний насаараа итгэж ирсэн цор ганц хайрын маань эзэн зөвхөн Акито байсан байхад, одоо түүний гэх ямар ч оршин тогтнол энэ ертөнцөд үгүй гэж бодохоор сэтгэл үнэхээр хоосон оргиж байна.

Эцсийн эцэст би түүнд хайртай хэвээрээ л байсан бололтой.

Зүгээр л хайргүй гэж итгэх хүртлээ өөрийгөө хуурахыг хүссэн юм шиг байна. Намайг хаяад явчихсан болохоор нь би ч гэсэн түүнд хариуг нь барих ёстой гэдэгт итгэснээсээ болоод... хамгийн үнэ цэнэтэй нэгнээ хамгийн адгийн явдлаар алдчихлаа.