-Hisoka's pov-
Заримдаа бидний чин сэтгэлээсээ итгэсэн бүхэн худлаар дүүрсэн ширэнгэд төөрч, хайрласан болгон минь цусан далайд живж болдог. Тиймээс юу ч үнэн, бас чин сэтгэлийнх байх боломжгүй.
Ядаж л би энэ бодолдоо итгэхийг оролддог байсан юм. Оргүй хоосонд хучигдаж амьдрахдаа ядахнаа өөрийн өчүүхэн бишрэлээр амьдралын замаа гаргахыг хичээж байсан хэрэг. Өөр хэний ч биш, зөвхөн өөрийнхөө үгэнд итгээд, түүнийгээ сэтгэлийнхээ мухарт цоожлохыг.
Гэвч юмс хэзээ ч хуучных шигээ үлддэггүй.
"Бэлэн үү?" Люсифер машиныхаа толинд над руу хальтхан харсаар асуух бол би энгэрийн халаасан дахь тамхиа гаргах зууртаа хүндхэн санаа алдлаа.
Цонхоор үзэгдэх хэзээ ч юм хаягдаад бөөн тоос шороонд дарагдчихсан, бараг л нурж унах нь холгүй барилгыг харахдаа би ахин нэг удаа буцах тухай бодож үзэв. Хэзээ ч үнэн гэж санагддаггүй гэр гэх газар луугаа, яасан ч минийх гэж мэдрэгддэггүй тэр оромж руу буцах тухай яагаад ч юм зүрхлээд дахиад нэг төсөөлж үзлээ.
YOU ARE READING
I'm Your Psychopath [Completed]
HorrorГанц шөнийн тоглоом арван өдрийн тарчлал болж, хэсэгхэн зуурын тачаадал мянган шөнийн таашаал болж хувирна.