Forget Me Not

🖤1🖤

Unicode

အချိန်အခါမဟုတ် ရွာတဲ့မိုးက မထင်မှတ်ထား​လောက်​အောင်ကို သည်းထန်လွန်းတယ်။ မိုးတင်မကဘဲ ​လေပါ ပါလာတဲ့အခါ ​အေးစက်မှုက တဟုန်ထိုး ဝင်​ရောက်လာခဲ့တယ်။ လျှပ်စီး​ကြောင်း​တွေ တဖြတ်ဖြတ်နဲ့ မိုးအ​မှောင်ကျ​နေ​သော ​ကောင်းကင်ယံက လင်းထင်းလျှက် ရှိသည်။

တစ်ချက်တစ်ချက် ခြိမ်းလိုက်​သော မိုးခြိမ်းသံ​ကြောင့် ​စောင်ကိုကိုင်ထားတဲ့ လက်​လေးက ခဏတိုင်း တုန်တုန်ယင်ယင်ဖြစ်ကာ ​စောင်ကို ကျစ်ကျစ်ပါ​အောင် စွဲထားလျှက်..။

*​တော်ပါ​တော့....မရွာပါနဲ့​တော့...​*

သူ​ဘယ်​လောက်ပဲ ​တောင်းဆိုပါ​စေ ရပ်​ပေးမယ့်ပုံ မ​ပေါ်​သော မိုးက​တော့ သူ့ရဲ့တောင်းဆိုမှု​တွေကို လျစ်လျူရှုကာ ပို​တောင်မှ သည်းထန်လာခဲ့​သေးသည်။

*မိုးရွာတိုင်း ဖြစ်​ပေါ်လာရတဲ့ ခံစားချက်​တွေကို​ ​ကြောက်လွန်းလို့ပါ*

*နာကျင်လွန်းလို့ပါဗျာ....*

တစ်​ယောက်တည်း ​ရေရွတ်​နေ​သော Jiminရဲ့ ပါး​ပေါ်မှာ မျက်ရည်တို့ တသွင်သွင် စီးကျလျှက်.....

မိုးရွာတိုင်း ဘယ်ဘက်ရင်အုံဆီက တဆစ်ဆစ်နဲ့ ဖြစ်​ပေါ်လာတဲ့ နာကျင်မှုက အချိန်​တွေ ဘယ်​လောက်ပဲ ကြာသွားပါ​စေ
ခုချိန်ထိ အသားမကျနိုင်​သေး​ပေ။
အမြဲတမ်း နာကျင်ရတယ်၊ ခံစားရတယ်။
​
တော်သင့်ပြီ​လေ Jiminရယ် ဘယ်နနှစ်​တောင်ရှိခဲ့ပြီလဲ...
၅နှစ်​တောင် ကြာခဲ့ပြီပဲ..အတိတ်​တွေထဲက ရုန်းမထွက်နိုင်​သေးဘူးလား။

မှန်ကို ကြည့်ကာ တစ်ကိုယ်တည်း ​ရေရွတ်ရင်း အပြင်သွားဖို့အတွက် ပြင်ဆင်လိုက်သည်။

ဘယ်​လောက်ပဲ နာကျင်ပါ​စေ..
ဘယ်​လောက်ပဲ ပြိုလဲပါ​စေ..
ဘယ်​လောက်ပဲ ခံစားရပါ​စေ..
ဘယ်သူမှ မသိ​စေရဘူး။
အဓိကက တစ်​ယောက်​သောသူ လုံးဝ မသိ​စေရဘူး။

ကိုယ်လုံး​ပေါ်မှန်ကို တစ်ချက်ကြည့်ပြီး ​အပြီးသတ် ပြင်ဆင်မှုအ​နေနဲ့ ​နေကာမျက်မှန်တစ်လက်ကို တပ်ကာ အခန်းပြင်ထွက်လိုက်တာနဲ့
ခက်ထန်​သော မျက်နှာကို တန်း ဆင်မြန်းလိုက်သည်။