Forget Me Not

🖤6🖤

Unicode

"Jimin...​ရှောင်​ပြေး​နေရတာ မ​မော​သေးဘူးလားကွာ.."

Taehyung​မေးလိုက်​တော့ တံခါးအပြင်ဘက်ကို ခပ်​ဆွေး​ဆွေး​ငေးကာ လုပ်​​နေ​သော Jiminမျက်ဝန်း​ထက်၌ နာကျင်မှုတချို့ ​ပေါ်​ပေါက်လာခဲ့သည်..။ ခုဆို Jungkookနဲ့ မ​တွေ့မိဖို့အတွက် ဘူဆန်သို့ တစ်​ယောက်တည်း ထွက်လာခဲ့ခြင်း ဖြစ်သည်။ ​ပြောရရင်​တော့ Hoseok​မွေး​နေ့ညကတည်းက ထွက်လာလိုက်တာ ခုထိ မပြန်ရ​သေး....။

Taehyungလိုက်လာတာ​တော့ မကြာ​သေး​ဘူး။ Jiminမှာ သူပဲရှိတာမဟုတ်လား..။ ဆိုးတူ​ကောင်းဖက် ဒီသူငယ်ချင်း​လေးကို သူဘယ်လိုမှ ပစ်မထားရက်ဘူး။ Jiminခံစားရရင် သူလည်း အနည်းနဲ့အများ ခံစားရတာမို့...။

"​​ရှောင်​ပြေး​နေရတာက ​ပိုပြီးဖြေသာလို့ပါTaeရယ်.."

ဟုတ်ပါသည်..။ Jiminလုပ်ရပ်က မမှားဘူး..။ Jimin​ရှောင်​ပြေးသင့်ပါတယ်​လေ။

​နောက်ဆို ၄​ယောက်ဆုံဖို့ မလုပ်​တော့မှ ထင်တယ်။ အတိတ်​တွေက မထွက်နိုင်​သေးတဲ့ Jiminအတွက် သူတို့ စဥ်းစား​ပေးရမယ်​လေ..။ Jungkookအတွက်လည်း စိတ်မ​ကောင်း​​ပေမယ့် Jimin ခံစားခဲ့ရတာ​တွေကို သူအသိဆုံးမလို့ Jiminအတွက်ပဲ သူရှိ​နေ​ပေးမှာ...။

"ဒီမှာ ဘယ်​လောက်​နေအုန်းမှာလဲ"

ဘူဆန်ရှိ Jiminဘိုးဘွားပိုင် အိမ်​လေးထဲမှာ ထိုင်ရင်း နှစ်​ယောက်သား ခြံဝန်းဘက်ကို ​ငေးကာ ​ပြော​နေကြခြင်း ဖြစ်သည်။

Taehyung​မေးလိုက်​တော့ Jiminက ​အေး​ဆေးစွာ ပြန်​ဖြေ​လာတယ်။

"မသိ​သေးဘူး...ဒီမှာ​နေရတာ ပိုသက်သာသလိုပဲ..."

"မင်းအဆင်​ပြေရင်ပြီးတာပဲ..."

"မင်း​ရော ဘယ်​တော့ပြန်မှာလဲ..."

"မင်းနဲ့မှ ပြန်မယ်"

"Tae..မင်းအလုပ်​တွေ ထားခဲ့လို့ အဆင်​ပြေတာလား..."

သူ့အလုပ်အတွက် ပူ​ပန်ပေး​နေ​သော Jiminသည် ကိုယ်တိုင်လည်း အလုပ်​တွေပစ်ထားခဲ့တယ်ဆိုတာများ ​မေ့​လျော့​နေ​လေသလား။ Jimin ဘူဆန်​ရောက်​နေတာ 2ပတ်​လောက် ရှိပြီ။ သူက မ​နေ့တစ်​​နေ့ကမှ ​ရောက်လာတာရယ်..။