Unicode
ဒီနေ့တော့ Jiminရဲ့ စိတ်တွေ အပြည့်အဝ ကြည်လင်မှု ရှိနေခဲ့သည်။ မနက်အစောထပြီး ပင်မဆိုင် Chimလေးဆီ ထွက်လာခဲ့ပြီးနောက် မီးဖိုဆောင်လေးထဲမှာ တစ်ယောက်တည်း ကိတ်မုန့်တွေကို စိတ်လိုလက်ရ ဖန်တီးနေခဲ့တယ်။ ဆိုင်ဖွင့်ဖို့ရာ အတော်လေး စောသေးတဲ့ အချိန်ဖြစ်တာမို့ ဝန်ထမ်းတွေလည်း တစ်ယောက်မှ ရှိမနေခဲ့။
စိတ်အာရုံက ကိုယ်တိုင်ပြင်ဆင်နေတဲ့ ကိတ်တွေဆီမှာပဲ ရှိနေခဲ့တော့ အချိန်တွေ ဘယ်လောက်ကြာသွားခဲ့လဲ မသိ..။ ဝန်ထမ်းတွေ ရောက်လာသံကြားမှ ရပ်တန့်ဖို့ သတိရလိုက်သည်။ သူစိတ်လိုလက်ရနဲ့ အနုစိတ်ဖန်တီးထားသော ကိတ်မုန့် ၅လုံးတောင် ရှိနေပြီပဲ။
ဒီနေ့အတွက်တော့ ဒါလေးတွေက Chimဆိုင်ရဲ့ Special Cakeလေးတွေ ဖြစ်မှာ အသေအချာပဲ။ ဆိုင်မှာ ဝယ်ယူအားပေးနေကြ ပုံမှန် Customerလေးတွေဆိုရင် Jiminကိုယ်တိုင် ပြုလုပ်ထားတဲ့ ကိတ်မျိုးရတဲ့နေ့ဆို ပိုလို့ ဝမ်းသာကြတယ်။ Jiminရဲ့ လက်ရာနဲ့ ဖန်တီးမှုက သူမတူအောင် ထူးကဲလှတာကိုး။
ဆိုင်တွေ တစ်ဆိုင်ပြီး တစ်ဆိုင် တိုးချဲ့လာပြီးနောက်၊ ဝန်ထမ်းအင်အားတွေလည်း တစ်စတစ်စ များလာခဲ့ပြီးနောက် Jimin ကိတ်မုန့်ဖုတ်တဲ့ နေ့တွေက နေ့တိုင်းမရှိတော့ပေ။
ဒါကြောင့် Jiminရဲ့ Special ကိတ် ရတဲ့နေ့နဲ့ တိုးတဲ့ Customerတွေက ပုံမှန်ထက် ဝယ်ယူအားပေးလေ့ ရှိကြတယ်။ကိုယ်တိုင် စိတ်နှစ်ပြီး အသေအချာ ပြုလုပ်ထားတဲ့ လက်ရာလေးတွေကို ကိုယ်တိုင်ကိုယ်ကျ ကောင်တာထဲ ထည့်ဖို့လုပ်နေတုန်း
"အဲ့ ကိတ် ယူမယ် ထည့်ပေး..."ဆိုတဲ့ ကြားဖူးနေကျ ရင်းနှီးပြီးသားဖြစ်တဲ့ အသံကြောင့် မော့ကြည့်လိုက်တဲ့အခါ ရင်ထဲရှိ မငြိမ်မသက် နှလုံးသားတစ်စုံက လှုပ်ခါသွားခဲ့တယ်။အသံလေးကြားရုံနဲ့တင် ဘယ်သူဘယ်ဝါဆိုတာ မကြည့်လည်းပဲ Jiminအတပ်သိပြီးသားပါ။ အဲ့လောက်ထိ သူနဲ့ပတ်သတ်တဲ့ အရာရာတိုင်းကို Jiminရဲ့ နှလုံးသားက အမှတ်မရှိ မှတ်မိနေခဲ့တာ။ မေ့ပစ်ဖို့ အခါခါကြိုးစားတိုင်း ရင်ထဲကို ပိုတိုးလို့ရောက်ရှိလာခဲ့တဲ့ သူတစ်ဦးကို သူ့နှလုံးသားက အမှတ်သည်းမရှိ....။
YOU ARE READING
Forget Me Not
同人小说ငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡