Unicode
"Jiminရေ ငါခဏ အိမ်ပြန်အုန်းမယ်"
"အင်း Taehyung"
"ညကျ ဆိုးလ်ပြန်မှာမို့လား"
"အင်း"
"ညနေလောက်ကျ ငါပြန်လာမယ်"
"အေးပါ"
Taehyungဆိုသည်မှာ ဘူဆန်သာ ပြန်လာပေမယ့်လို့ ကိုယ့်အိမ်ကို ပြန်နေတာရှားလှသည်။ ဘူဆန်ရောက်လည်း Jiminအိမ်မှာပဲ အနေများသည်။ တခါတလေသာ သူ့အိမ်သူ ပြန်တတ်သည်။ တချို့ကဆို Jiminအိမ်က မင်းအိမ်လားဆိုပြီး Taehyungကို စနောက်တတ်ကြသေးသည်။ Jiminရဲ့မိဘတွေက နိုင်ငံရပ်ခြားမှာဆိုတော့ Jiminရဲ့အိမ်က လွတ်လပ်သည်လေ။ ဆူပြောမယ့်သူမရှိ ။ ဒါကြောင့်လည်း Taehyungလာနေဖြစ်တာ များသည်။
အစက ဘူဆန်မှာ နေအုန်းမယ်လို့ စဥ်းစားထားပေမယ့် ဟိုတနေ့က Purple Centerမှာ Jeonကို တွေ့ခဲ့ပြီးနောက် ဒီမှာဆက်နေချင်စိတ် မရှိတော့ပေ။ သူက ဘယ်လိုလုပ်ပြီး ရောက်နေရတာလဲ မသိဘူး။ စိတ်ရှုပ်တယ်။
Jimin ကိုယ့်ကိုယ်ကိုလည်း အားမရဘူး။ ဘာလို့များ ခုချိန်ထိ မတည်မငြိမ်ဖြစ်နေရတာလဲ မသိဘူး။ Jeonကိုလည်း မုန်းတယ်။ ကိုယ့်ကိုယ်ကိုလည်း မုန်းတယ်။ သူ့ကို တွေ့တိုင်း မတည်ငြိမ်နိုင်သေးတဲ့ ကိုယ့်နှလုံးသားကိုလည်း မုန်းတယ်။
Taehyungအိမ်ပြန်သွားပြီ ဆိုတော့ အိမ်မှာ Jiminတစ်ယောက်တည်းရယ်။ အိမ်စောင့် အန်တီကြီးတို့ကလည်း အိမ်မကြီးထဲ သိပ်မလာဘူး။ ကိစ္စရှိမှသာ ရောက်လာတတ်သည်။ ချက်ရေးပြုတ်ရေးကိုလည်း Jiminက ကိုယ်တိုင်ပဲ လုပ်သည်။ အန်တီကြီးတို့ကို ချက်ပြုတ်ရေးနဲ့ ပတ်သတ်ပြီး အနားယူခိုင်းထားတာ ကြာပြီ။
လွန်ခဲ့တဲ့ နှစ်တွေပြန်လာတုန်းက ခြံအတွက် လူထပ်ငှားထားတာ ရှိတယ်။ လူရွယ်ပိုင်းမို့ သွက်သွက်လက်လက်နဲ့ ဆိုတော့ ခြံအတွက် အဆင်ပြေတယ်။ အန်တီကြီးတို့ လင်မယားကိုတော့ အေးအေးဆေးဆေးပဲ နေစေသည်။
ညကျ ဆိုးလ်ကို ပြန်တော့မှာမို့ ဒီနေ့ ဘူဆန်မှာ လျှောက်သွားရင် ကောင်းမလား စဥ်းစားမိသေး။ သွားဖို့ရာ နေရာ စဥ်းစားကြည့်ပြန်တော့လည်း ဘယ်မှ သွားချင်စိတ်ရှိမနေပြန်။
YOU ARE READING
Forget Me Not
Fanfictionငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡