أية الغيث ( الجزء الثالث من غروب الروح)

أية الغيث الفصل الثالث

عاوزة تفاعل حلو يا نايمين 😑

( الفصل الثالث🥀🥀)
لم تراه بعد تلك المرة التى قام  بتوصيلها هي وسلمى لمقر الشركة .. ما زالت تتذكر لهفته ليغادر ليرى مخطوبته فما ان خرجن من السيارة حتى انطلق بعدها بسرعة اليها.
تحاول ان تشغل نفسها ولا تفكر به ... تقنع نفسها انه لم يعد مهمآ لديها وستنساه وما ان يأتي المساء وتضع رأسها على وسادتها تفكر به .. الى متى هذا العذاب .
اتجهت لمكتب ليث وهي تتسائل ما الامر المهم الذى يريدها به يا ترى ، استقبلتها سكرتيرته التى ما ان رأتها حتى سمحت لها بالدخول ، اخذت نفسآ عميقآ ثم طرقت باب المكتب ثم دخلت
ابتسم لها ليث حينما رآها وقال:
_ أيوش ازيك يا بنتي
ابتسمت له ثم جلست على المقعد المقابل له وقالت:
_ الحمد الله يا انكل ازيك انت
_ اتمنى تكوني سعيدة بشغلك معنا
ابتسمت له أية وقالت:
_ الشغل جميل وانا مبسوطة اوي .. الحقيقة احساس جميل لما تكون مسؤل عن نفسك وبتشتغل وتقبض راتب اخر الشهر تحس نفسك حاجة كبيرة
_ هههه قعدتك مع صبا بنتي مأثرة عليكي لدرجة بقيت تتكلمي زيها
_ هههه صبا هو حد يقدر يكون زيها بنتك دي يا اونكل ملهاش مثيل
_ في دي عندك حق بس بردك هتفضل حبيبة ابوها
_ يخليهالك يا رب يا اونكل
_يارب ... نيجي بقا للمهم
انتبهت له اية وقالت:
_ انا تحت امرك
_ ممم اسمعيني يا اية انتي عارفة حد بمكانتي ليه منافسين كتير وقليل جدا الي بحبني وبتمني ليا الخير ودي اكبر المشاكل الي بعاني منها
_ مش فاهمة تقصد ايه يا انكل وانا ازاي ممكن أساعدك
_ متخافيش انتي اكتر حد ممكن يساعدني ... انتي عارفة الفترة الأخيرة تم طرد موظفين كتير بسبب اني اكتشفت انهم بسربوا معلومات لمنافسينا غير طبعآ الي حاولوا كتير يسرقوا ملفات مهمة اوي لصفقات كتيرة علشان كدا انا بعاني اوي لما ألاقي حد كفئ وامين اقدر اعتمد عليه .. يعني عندك السكرتيرة بتعتي سمر  انا تعبت لغاية ما قدرت اقدر اثق بيها وأمنها على شغلي علشان كدا انا عاوزك تساعديني
_  شوف اقدر أساعدك ازاي يا انكل وانا تحت امرك
ابتسم ليث بانتصار وسعادة وقال لها دون مقدمات :
_ انا عايزك تبقي سكرتيرة غيث ابني وتبقي مسؤلة عن كل حاجة تخص شغلو
نظرت له بصدمة ولم تتفوه بأي شيئ ، نهض ليث من مقعده واتجه ليجلس بالمقعد الذى يقابلها .. تنهد بقوة وقال :
_ انا عارف اني الي طالبوا حاجة صعبة عليكي بس صديقي لولا اني بحاجة ماسة ليكي مكنتش طلبت .. انتي اكتر حد ممكن اقدر اثق بيه واعتمد عليها خصوصا اننا داخلين على مرحلة مهمة بشغلنا والكل بترصد لينا وعاوز يوقعنا وغيث محتاج سكرتيرة شاطرة وكفئ واهم من كل دا يقدر يثق بيها ويأمن ليها ... قلتي ايه يا بنتي
_ الحقيقة يا انكل انت فاجئتني وانا ..
قاطعها ليث وقال:
_ انا عارف وفاهم هتقولي ايه .. بس عاوزك تعرفي انو دا في مصحلة ليكي 
نظرت له باستفهام فأجابها وقال:
_ أية انا مش عاوزك يا بنتي تضعفي وتوقفي حياتك علشان حبك كان من طرف واحد .. انتي ليه مستسلمة كدا ويأسانة متقلليش من نفسك انتي جوهرة وغيث خسر كتير لما ربط نفسو ومركزوا بحد غيرك وصدقيني هو الخسران مش انتي غيث لازم تتخطيه علشان تقدري تكملي وعلشان تعملي كدا .. لازم يكون وجودوا ميفرقش معاكي خالص وانتي لما تبقي قريبة منو هتساعدي نفسك علشان تقدري تنسيه وتساعديني انا كمان ... ها قلتي ايه
تنهدت بقوة وقالت:
_ محتاجة وقت افكر بالعرض
_ براحتك يا بنتي وكوني واثقة انك لو رفضتي انا مش هزعل وهتفضلي بالمكان الي يعجبك بالشركة
ابتسمت له أية ثم غادرت اما ليث نهض عن مقعده ووقف امام الحائط الزجاجي  وقام بالاتصال بزوجته فجاء صوتها المتلهف :
_ ها يا ليث طمني اية وافقت
_ هههه اهدي مالك...  دا انتي  حتى مردتيش السلام ..ولا حتى بليتي ريقي  بكلمة حلوة
ابتسمت سلمى وقالت :
_ ايه بليتي ريقي بكلمة دي .. انت بقيت بيئة اوي يا بيبي
_ هههههههههههه ماشي يا سلمى ع اساس جايبها من الشارع انا ...دا انتي يا قلبي مخلتيش حد في القصر الي وبقي يتكلم زيك حتى الخدم دا حتى عم عبدوا البواب الغلبان بقى زيك
_ والله ؟!
دا بقى الي عندي يا حبيبي عجبك ولا لأ
تنهد ليث بحب وقال:
_ على قلبي زي العسل
ابتسمت سلمى بحب وقالت:
_ قلي بقى حصل ايه
_  تقدري تقولي انها اقتنعت ..شوية وقت وهتوافق
_ يعني هي وافقت
_ قالت محتاجة وقت علشان تفكر بس انا واثق انها هتوافق
_ ليث انا خايفة اننا بالي نعملوا يأثر سلبآ
_ ازاي مش فاهم
_ انا خايفة أية تبقى بجد عاوزة تتخطى غيث وتنساه ويبقى وجود غيث مش مهم بحياتها
_ متقلقيش يا قلبي الي بحب بجد مش ممكن ينسى او يتخطى حبو واية بتحب ابنك بجد
_ يا رب يا ليث الي بنفكر فيه يبقى حقيقة
_ ان شاء الله يا حبيبتي
_ انا هقفل دلوقتي علشان احاول اصحي بنتك الكسولة على كليتها دي بقت تروحش خالص وانت السبب بكدا
_ وانا علاقتي بدا ايه
_ دلعتها اوي يا ليث وبقت تتصرف بمزاجها
_ حبيبت ابوها تعمل الي عاوزاه
_ انا عارفة مش هاخد  منك حاجة سلام دلوقتي يا حبيبي
_ سلام يا اميرة قلبي
اغلق مع زوجته وابتسم بحب فسلمى لن تتغير ابدا