حب عن طريق الفايسبوك

الحلقة 3

🌟حہبہ عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸                          
🌹الحلقة ❸🌹                                                                                                             
وقفت في الكوزينة دير في السلاطة  رامز يلعب موراها تخمم او تقطع حتى جرحت صبعها ..
نهال: اي اي يا يما رايحة نموت  الدموع طاحو من عينيها او ذيك السلاطة رجعت حمرة من الدم ... شدها رامز من ساقها قعد اعيط معاها جات يماها نجري : يا وخذي على بنتي رفدت منشفة كانت قدامها او لفتها على يدها قعدتها على الكرسي وجها مخطوف من الخوف  تبكمت ما قالت حتى كلمة من غير الدموع لي  طيح على خدودها تخزر فيهم بعينيها لكبار ...
يماها :نهال بنتي كيفاش حتى جرحتي يدك ياك ديما نوصيك على الموس  بالشوية يا بنتي وين كان مخك قولي....
نهال: كان في مسنجر او تمتم بصوت قليل ...
يماها: واش راكي تقولي سمعيني ولا نقولك خلي نربطلك يدك او طيري لبلاصتك تريحي انا كمل عليك يا بنتي باين عليك عيانة عندي غير انت في هاذ الدنيا موحال نقدر نشوف بنتي تبكي ...
نهال : يا ماما صايي خلي نكمل  شوية دم او سطر افوتو ما نقدرش نخليك ديري الشغل كلشي وحدك نعاونك يا عمري او ما كان لاه تعاودي تقوليلي ديري الشغل وحدك ... مسحت دموعها او عنقت يماها ربطت يدها رجعت دير في لعشا رمات ذيك السلاطة او عاودت وحدة خلاف رجعت ما تخممش في هذاك الميساج حطت راسها مع شغلها او لعشا ....تعشاو خملت الحالة ما بين هي تلم في لماعن حست بيد على شعرها تخطفت دارت لقاتو باباه تبسمت او باساتو على راسو ..
نهال : يا بابا علاش اليوم طولت تعشينا بلا بيك مي ذرك نوجدلك تتعشا ...
ابراهيم: يا بنتي الخبزة واعرة هاذا وين كملت حتى يديا ما زال ما غسلتهمش او راني ميت بالجوع ... حطيلي يا بنتي مي بشرط تقعدي قدامي .... تبسيمة صغيرة او التعب على وجهو راح يغسل يديه ...
نهال تشوف في باباها او الغلبة لي راهو فيها على خاطرهم ... كل ما تحط عينها عليه تتحمس او تزيد تقرر تقرا او تنجح باش تعاون باباها على هم الدنيا ... وجدت كلشي قعدت تستنا فيه حتى سمعت تكركير تاع كلاكاتو عرفاتو بلي تعبان حتى المشي ماشي قادر يتمشى قعد مقابلها هز ياكل باين فيه جيعان ... رفدت يدها تمدلو الخبز لمح يدها تخلع حط كلشي من يدو ...
ابراهيم: يا بنتي واش صرالك غير الخير علاش كان الدم في هاذ المحرمة قولي يا بنتي ....
نهال : والو يا بابا غير تجرحت جرح خفيف ما تخافش والله راني مليحة هايا كمل عشاك او روح ترتاح راك عيان ...
رجع ياكل مي لعيا غلبو قالها موحال نقدر نزيد ناكل هايا يا بنتي روحي ترقدي غدوة تقراي تنوضي بكري .... راح خو لبيتو هي كملت خملت كلشي راحت لبيتها تكسلت على فراشها هزت تليفونها قعدت تخربط حتى شافت ميساج اخر من عند هاذا لي اسمو احمد ... يا ختي رجعي عليا حايب نحكي معاك stop...
#يتبع ...