🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸
🌹الحلقة: 63
فات وقتنا كامل بين لحكايات وضحك... محسيناش للوقت كيفاه تعدى ..وصل الوقت الي نروحو فيه...كل واحد حكم طريق المرواح باقية نستنى فطاكسي...اما زهري سيارة ما جات...بدات مطر تنزل بلقطرة..ستحليت ملمسها على وجهي طلعت راسي وجبدت نفس كبير..احلى جو...اما لازم نروح...بقيت ماشية بلعقل لعلى نلقى وحدة...حتى المطرة بدات تقوى...حتى نسمع صوت تزمير خلاتني ندور...ما نقولش ما تخلعتش...اما ترعبت...كملت نزرب وهو لاحقني...حتى هبط زجاج...
خالد:ملازم ياسمين...يالا نوصلك...مكان حتى سيارة تفوت الوقت هذا...
ياسمين بتشناف:كثر خيرك نقدر ندبر راسي...تقدر تروح
خالد:اوكي انت ادرى اما عندك ما تمشي وحدك...نعرفها بلاصة مليح...
دورة راسها على بلاصة بكلها ظلمة...وسيارة ماراها تعدي...ترددت من بعد قبلت وطلعت ...
ياسمين:علاه تشوف معايا...تقدر تقلع
خالد:نستاهل انا ***الي جاي نعاون فبك...
يايمبن:ايواه هذا الي منحبوش...خلي مزيتك عندك انا نروح وحدي احسنلي...وحطت يدها على قفل لباب باه تحلو...اكا هو كان اسرع وقفلو من عندو ...
خالد:اركحي احكمي بلاصتك يزيك بلا تفرفيط..وين تروحي...ولا تقولي نخدم فلجيش واحدمايدور بيا...تءتء مش مكتوبة فجبهتك باه يخافوك...وخاصة وانت لابستلي هذي لبسة تقول رايحة لعرس...(ودور مفتاح سيارة مقلع)
ياسمين:نعرف ندافع على روحي...وانت ماكان مادخلك فلبستي نلبس الي نحب...حاجة ما تخصك...
دار شاف معاها:انا نسكت خير...لانو مانعرفش وقادر نخسر معاك الهدرة...
دارة تشوف مع طريق وتمتم:احسن
⭐وصلت لدار مهلوك بتعب...كامل الايام اخيرة وانا من طريق لطريق وزاد كلت عليا بلخدمة...دخلت حليت الباب لقيتهم كامل مجمولين على تاي...اول ما شافوني ناضو كامل يسلمو ويحضنو...وانا حيلي مهدود...نفضت روحي على فوتاي...مرة نسقسي مرة نجاوب...جابولي سنيوة نتع لعشاء حتى لعندي ما قادرش نوض...
احمد:يما غدوة ان شاء اللهيوصلكم خويا جليل تشوفو طفلة...انا مانقدرش نجي عندي خدمة....وتفاهمت مع بابها غدوة تشوفوها...
عايشة:ايه وليدي نشوفو لالة لعروسة...لراح تهبلني عليها...
أحمد:يما الله يحفضك خليني رايض راني تعبان متكمليش عليا انت ثاني...
رودينا:بلباركة خويا..ماتاخدش على خاطرك من يما راك تعرفها...وغدوة صباح نروح نشريلها حوايج الي ندوهم معانا...متخممش خلاص غير ربي يهنيك...
احمد:ربي يحفظك راني متاكل عليكم...حتى لعرس ندير حاجة خفيفة برك...غير يقبولي فلادارة على لعقد ندير حلالية فدار وندخلها وخلاص...
رودينا:ربي يهنيك خويا والي فيه الخير يقدمو ربي....ولا وش قلتي يما؟؟؟
عايشة:وانا كشما بقاتلي هدرة اعملو الي تحبو عليه...وناضت رايحة خلاتهم يشوقز معاها
رودينا:متقلقش روحك خويا...يما وراك تعرفها..
احمد:انا نقولك صح غلبت من درك طفلة ما شافت خيرها من شرها وبداتها بعد...ايا نخليكم تصبحو بخير...
#يتبع
YOU ARE READING
حب عن طريق الفايسبوك
Romanceنحلاتي 🐝🐝🐝جيتكم بالجديد 💥💥💥 قنبلة الموسم حاجة منطرحتش من قبل 🍁🌺 كرونيك جديد 💃💃💃💃فقط معايا انا 🌺🌸🌺🌸 🕸☠️śŏŋặí☠️🕸 كرونيك تحت عنوان 🍁🍁 ⚔️حہبہ عہنہ طريہقہ آلَفہآيہسہبہؤُكہ⚔️ ❌⛔ممنوع النقل دون اذني ❌⛔ 📝كرونيك كاملة 📝 🎀🌺حب عن طريق ا...
