حب عن طريق الفايسبوك

الحلقة 28

🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸 

🌹الحلقة: 28🌹
ضحك احمد:ايه احمد بشحمو ولحمو....وشاف مع صارة تفهم روحها...هزت صارة صاكها..انا نخليكم تتفاهمو...
ضيقت نهال عينيها فيها...لعبتيها عليا معليش حسابك من بعد...شاورتلها رايحة هزت تلفون تعيط لسامي تتلقاه بما انها جات...
بقاء مدة يشوف معاها بلا حتى حركة...حشمها على روحها...هبطت راسها تلعب بصوابع يديها...حمحم...ممكن نتمشاو...هزتلو رتسها بلموافقة رفدت صاكها وتمشاو شوي وهو كل خطوة يدور يشوف معاها يكدب على  روحو يقول معجباتوش زينها بسيط اما جدابة...وصلو بحدى كرسي كبير يقعدو عليه...
احمد:نقعدو شوي لازمنا نحكو ونوضحو بعض الامور... وفقتو رأي وجلسو... بقاو مدة يشوفو مع لبحر واحد فيهم مانطق حرف... حتى قرر يكسر الصمت..
احمد: وش تحكيلي...نشوف فيك مش فرحانة بشوفتي لا...
نهال بحشمة: شيء.. ملقيتش الي نحكيه تفاجئت هههه..  وحطت يديها  زوج  تركزت بيهم على لكرسي...اما  احمد وقت شافها حطتهم  استغل الفرصة حاجة داخلو تقلو المسهم راح نولي حلالك راح تولي قطعة منك.. شبك صبعو صغير مع صبعها... لقطة هاذي خلتها ترجف بكلها احمد :نحبك نهال قطعت مأت الكيلومترات باه نشوف نظرة منك ...حبيت نعرفك اكثر...ونثبتلك نيتي صافي اتجاهك.. حكمها من دقنها دورلها وجها ليه...احكي علاه ساكتة ولا معجبتكش..امممم...عادي احكي
هبطت راسها بلعت ريقها...علاه متعجبنيش احمد راك راجل وسيد رجال...عمري نقيس رجولة بزين...اما تفاجئت برك معرفتش نحكي والا نتصرف...
احمد:لاحظت هذا الشيء بصح انا حبيت نجي نشوفك..لازم نتفاهمو على امور بزاف قبل كلشيء...كنت قادر نقابل باباك لاول...اما خفت منتفاهموش ونطيح كلمتي معاه..
نهال:نفهم مزالك مصر على حكاية زواج...
احمد:مصرو اكثر  من اي وقت فات...انا نحب عليك... تعرفي قداه وانا نخمم فلقائنا كفاه ىاح يكون كون جاء حلال راني حضنتك حشيتك بين ضلوعي شميت ريحتك.. بستك نحيت وحشي منك.. اما الله غالب لا كنتي من مكتوبي... منخليش فيك عضم صحيح هههه. اما انا نشوف فيك مزالك خايفة مني ومن زواج ...كل مرة تقلي خمم فيها على اساس انا ولد صغير وانت ماكش قابلة بيه..
نهال:لالا حاشى علاه مانقبلش بيك..مجرد تخمام صباح كي مرديتش على ميساجي... انك تزيد تخليني قريب هبلت..خاصة دروك بعد ماشفتك وعرفت نيتك والشعور لتحملو اتجاهي..اي وحدة في بلاصتي تموت بلفرحة ... بصح قلت مزالني صغيرة ومزال نقرا ممكن منوفقش بين قرايتي ومسؤولياتي  .. وتكره مني تخليني..
احمد:كفاه نكره منك.. وهو كاين واحد بعقلو يكره من لعسل هذا لكل.....نحبك تعرفي انهال  بالي هذا وحط يدو على قلبو...هذا حبك وتعلق بيك قبل مايشوفك... منتخيلش روحي بلا بيك....خاصة بعد ماشفتك..نحارب دنيا لكل وتكوني ملكي وتحت جناحي..بصح انهال الي اولو شرط اخرو نور...انا راجل شرقي يعني نغير على حاجتي...طلعت نهال راسها شافت معاه...حارت في نبرت صوتو الي ولات جدية...هز يديهاحطها بين يديه...نحبك تسمعيني مليح وانت الي تقرري مصيرنا...هزتلو راسها قريب دوخ من قربو...
احمد: شوفي يابنت قلبي...
#يتبع