🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸
🌹الحلقة74:
احمد: عمري ما شفت مهووس كيفك...
خالد: هاك شفت... واليوم موتك على يدو... ورجع زر الامان لوراء...
نهال: اااااحمد... احمد... الله يخليك احبس..
خالد: هههه هاي جات لبرنسيسة... مرحبا مرحبا...
نهال: خالد يكفي هبال... هبط المسدس وش راح تعمل...
خالد: وش وعدتك قبل امممم... وش وعدتك؟؟ انطقي..
احمد: ما تحكيش معااااها... الهدرة معايا انا...
نهال: هبطو سلاحكم وخلونا نحكو بلعقل... حست بدوخة مالت هلى باباها خلات احمد يروح يجري لعندها...
حميد: لولاد يكفي طفلة عيشتوها حالة عمرها لا عاشتها ولا راح تعيشها...
احمد: نهال راكي مليحة.. حركتلو راسها...
نهال: احمد علاه رتكم تعملو فيا هك...
خالد: اووووه على رومانسية... معرفتكش هههه ظهرتي تعرفي تتمعشقي... وقدام باباك مليح مليح
احمد: قتلك ما تهدرشششش مع ****
حميد: فضحتونا ناس الكل تشوف معانا...
ياسمين: واش الي صاري لهنا...
نهال: ياسمين هيء هيء... شوفي حل راح يقتلو بعضاهم...
ياسمين: اهدي نهال... وانتم ازوج وش هذا... سلاحكم علاه خارج من حزامكم... هبطو سلاحكم يالا...
خالد: مستحيل... اليوم يسموني قاتلو
احمد: تحلم.. انا الي نقتلك يا**
ياسمين: ملازم احمد وملازم خالد... نحب نفكركم مزالكم في وقت الخدمة... عندنا مهمة معرضة روحي للخطر باه نجيب معلومات... وانتم لهنا عاملينلي دراما... حساباتكم صفوهم بعد الخدمة ودرك انت واياه الحقوني للمكتب 10 دقايق تكونو عندي... ويكون في بالك راح نكتب بيكم تقرير... تسمعو فيا...
ماعليهم غير هبطو سلاح يشوفو مع بعض كون جات عينيهم رصاص راي قتلت كل واحد فيهم...
احمد: ما تحطش لحكاية حبست لهنا... مزالت المواجهة..
خالد: خوفتني محسوب راح نخليك عايش منا لوقتها...
ياسمين: نهال حبيبتي روحي انت والعم حميد.. وانا نحلها ما تخافيش اوكي...
نهال: ياسمين خالد مجنون شوفني الويل.. خايفة على احمد منو...
ياسمين: متهنية عزيزتي... انت روحي وارتاحي وخليها عليا اوكي...
نهال؛: ان شاء الله ربي يحفظك...
احمد: روحي انت... نحبك تروحي وترتاحي من بعد نجي لعندك...
نهال: نستناك اوعدني ما تتهورش...
احمد: دور وجهو يحاول يتحكم في عصابو... انت روحي ومن بعد نحكو... وقرب لوذنها يهمس نحبك بنوتي مستحيل نسلم فيك... خلاها تتبسم حاشمة وخاصة باباها واقف فوق راسها...
حميد: ربي يحفظك بنتي ياسمين... وانت لولاد تهدو وعندي ما نحكي معاكم لزوج..
#يتبع
YOU ARE READING
حب عن طريق الفايسبوك
Romanceنحلاتي 🐝🐝🐝جيتكم بالجديد 💥💥💥 قنبلة الموسم حاجة منطرحتش من قبل 🍁🌺 كرونيك جديد 💃💃💃💃فقط معايا انا 🌺🌸🌺🌸 🕸☠️śŏŋặí☠️🕸 كرونيك تحت عنوان 🍁🍁 ⚔️حہبہ عہنہ طريہقہ آلَفہآيہسہبہؤُكہ⚔️ ❌⛔ممنوع النقل دون اذني ❌⛔ 📝كرونيك كاملة 📝 🎀🌺حب عن طريق ا...
