🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸
🌹الحلقة: 35🌹
دخل لصالون سلم على خالو محمود... يسأل على حوالو...
خالد: وش الاحوالكم ان شاءلله لباس كل... ودار لنهال... ايه وفارة تع نهال وش حوالها...
نهال وهي قريب تكرز عليه: الف مرة نقلك مابقيتش تقلي فارة...
ضحك عليها خالد: ايه امالا خلي نقلك همتارو احسن...
ضربت رجلها مع الارض وشافت مع باباها: بابا احكي معاه قلو راني كبرت... ويخلي لعبو سامط ليه... نفخت عليه وجات طالعة مع دروج...
اما هو فستاذن خالو على اساس يروح يغسل يديه.. اما هوكان لاحقها...
جات نهال تدخل لشمبرة وتقفل الباب ... سبقها حط رجليه ودخل حكمها حاصرها مع لحيط... حتى خلاها تشهق من عملتو... تفرفط تحب تبعد اما كان اقوى منها...
نهال: وش تعمل هبلت بعدني ياهم.. بعد وتفرفط
خالد: وكون مانبعدش وش راح تعمل... زعما امممم...
نهال: تحب تشوف وش راح نعمل... حركلها براسو... يالا نشوف زعمة... اما نهال قرمت عليه بعضة... خلاتو يعيط لرب الي خلقو... حيت جاو وللديها يجرو.. يشوف وش الي صرى... مع ذخلو لقاوه وجهو احمر عروق رقبتو منفوخين... يشوف معاها... كون يلقى يضربها يلسقها فلحيط...
سلمى: وش الي صرى لهنا.؟؟
محمود: نحب على تفسير سي خالد وشجابك لهنا؟؟
خالد وهو يمهمه: شفت باب بيتها مفتوح قلت خلي نخوفها... لخر ضهرت الفارة كبرة ولات جرد كبير مسموم. يعض...
نهال: تسمع فيه ابابا... اقعد ساكتلو هك... ودارت لخالد.. اخر مرة نشوفك دخلت لبيتي راني كبرت.. مبقيتش صغيرة... حتى تداسرني...
حلتلها سلمى عينها نتع اسكتي... اما هي فكملت تهدر... منسكتش اماما كفاه هذا يدخل عليا هك... مبقيناش صغار...
خالد غاضتو هدرتها : مكاش قصدي نقلقك... اسمحولي انا نروح...
محمود: وين رايح اولدي... راهي كما اختك... متزعقفش منها... اقعد تعشى ومن بعد ساهل الحال
خالد: ماهياش اختي اخالي وانا اليوم جيت على هذاك الموضوع... كل مرة نفتحو معاك تقلي مزال وقتو..وبما انو قالت كبرنا...بانتلى هذا وقتو...
شافو لكل مع بعض... نهال: وانا موضوع ثاني خير... ولا انا آخر من يعلم...
خالد: شوفي مع باباك... نفض قشو.. خالي نخليكم على خير وغدوة نرجع نحكو اوكي....
محمود: تنهد باهي اولدي... الله يسهل
اما خالد شاف مع نهال متوعدها... خالد: راح تشوفي وجهي ثاني انهال انت الي خربتي فيا يا فارة.. هبط بسرعة قفل باب بقوة خلاهم يتفزعو...
#يتبع
YOU ARE READING
حب عن طريق الفايسبوك
Romanceنحلاتي 🐝🐝🐝جيتكم بالجديد 💥💥💥 قنبلة الموسم حاجة منطرحتش من قبل 🍁🌺 كرونيك جديد 💃💃💃💃فقط معايا انا 🌺🌸🌺🌸 🕸☠️śŏŋặí☠️🕸 كرونيك تحت عنوان 🍁🍁 ⚔️حہبہ عہنہ طريہقہ آلَفہآيہسہبہؤُكہ⚔️ ❌⛔ممنوع النقل دون اذني ❌⛔ 📝كرونيك كاملة 📝 🎀🌺حب عن طريق ا...
