حب عن طريق الفايسبوك

الحلقة 16/17

🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸 
                       
🌹الحلقة 16 🌹

احمد: حبيت نشوفها يمكن قلتهالها في وقت الغير مناسب... تعرف ياعم حكيت مع بنات اشكال والوان.. اما هي الوحيدة لرفضت تبعت صورتها نشوفها.. لا وبلاما تخمم مرتين بلوكاتني...
العم: والحل راح تبقى تستنى في شيء من الخيال.. طريقك مغلوق.. مكان حتى نقطة توصلك ليها..
احمد: مزال عندي امل.. صحبتها
العم: صحبتها؟!.. كفاه صحبتها.. مفهمتش!!
احمد: قبل ماتبلوكيني فيس عطتني فيس تع صحبتها على اساس باه نتفاهو.. لانو قلتلها حاب نبني دار ونستقر.. ايا قلتلها تفكرلي وحدة بنت حلال.. وانا كنت نقصدها هي بظات اما مفهمتش عليا....
العم: اممم تسمى تقلها شوفلي مراءة لزواج وتحبها تقبل تحكي معاك... ياخي بغل ياخي..
احمد: ااااا متفاهمناش علاهوتطياح درك..
العم: لانو في مخك داب مڨيل.. فهمني برك ليكون واحد حاب على وحدة يقلها افكرلي..
احمد: امالا وشش نقولها... قلت نجيبها من طريق هذي لانو حبيت نبين نيتي الصافية..
العم: مش قتلك بغل.. المراءة تجي بلحنانة.. بالاهتمام.. الوفاء والصدق.. تسقسي عليها دايما تحسسها بلامان...
تنهد احمد وهبط راسو: قادر نكون خسرتها..
ربثلو العم على كتفو: خليها على ربي يا بني.. ربك مع المليح يدبر..
سرح احمد يخمم فلي جاي عائلتو امو لدائما تنق عليه يتزوج...خيانة حبيبتو ليه..تعلق بمساج فلفيس..حلوة طفلة مزال مشافها..سيناريو حياتو تعدى قدام عينيه..وااااه يا دنيا لراكي تدي وتجيبي فينا...رجع راسو للوراءوتنهد تنهيدةتهد جبال..
#يتبع
🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸 
                        
🌹الحلقة17 🌹
هزت صارة تلفون تطلب في نهال.. رن اكثر من مرة اما لارد رفعت حاجبها حايرة اول مرة متهزش عليه.. دخلت للفيسبوك لاقاتها كونكتي... بعتتلها لت بعد..
صارة: نهال طلبتك اكثر من مرة علاه متهزيش.. بقات مدة تستنى فردها.. حتى شافت ثلاث نقطات يتحركو عرفتها راح ترد عليها..
نهال: مسمعتش تلفون..
صارة: تتمسخري كفاه مسمعتيش وهو فيدك... 🤔
نهال: تحاسبي فيا ولا.. اني نخدم بل pc..  عندك مانع.. وتلفون يتشرجا.. معليش... 😡
صارة: مالك انهال علاه تحكي معايا بطريقة هذي.. سقسيتك فقط.. انا لغالطة جاية نحكيلك على احمد..
نهال: اممم ميهمنيش فيكم ومعندك علاهتحكيلي هذي حاجة تخصك..
صارة: من وقتاه الالة ولات حاجتي وحاجتك مشكيف كيف.. تقدم ملحوظ انهال..
نهال: من ليوم متخصنيش ... ومنحبكش تحكيليعلى احمد تاعك.. نخليك راح نرقد.. وقفلت الفيس فوجها طرشقت بلبكاء بكات تقول عمرها لا بكات...
اما صارة بقات مصدومة من صحبتها واختها... مفهمتش علاه لتعمل فيه معاها... بقات تخمم مدة من بعد حلت الفيس.. بعتت مساج لاحمد.. انا قابلة نعاونك منحبش نخسر صحبتي.. وقفلت..طيشت روحها على سرير تخمم وش لقلب نهال عليها..
🌸احمد رن تلفون كإشارة وصلو مسياج..جبدو من جيبو وطفى دخان..حلو يلقى مساج من عند صارة...تنهد مغمض عينيه ويدعي فسرو انو تقبل تعاونو ماهوش مستعد لخيبة اخرى..فتح عينيه ودخل قراه..ترسمت علامات الدهشة يقرا ويعاود بعدهها ناض منفوض...وقلبو يضرب ف الف... حتى العم وقف معاه حاير..
احمد.: ياعم قبلت ياعم وتحضنو راص عليه..
العم:شكون قبلت ماقلتش بلوكاتك ولا انا غالطة..
احمد وهو يضحك دنيا موسعاتوش :انت لا.. صحبتها قبلت تعاوني..تولد امل جديد تكون نهال حلالي ومولات  داري...
العم:ان شاءلله يارب كساعة ياولدي...ربي يفرحك ويهنيك وتكون قسمك ونصيبك..
احمد:امين يارب امين..انا نخليك نروح هذاك هو الوقت تاخر..
ركب احمد سيارتو والفرحة مسيعاتوش... حط لغناء على طول صوتو يغني معاه...
#يتبع