🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸
🌹الحلقة:39🌹
نهال سمعت كل كلمة قالها قلبها عصر عليها.... يادوب قادرة تحكي ردتلو.. زوج كلمات بسيف: احمد تاعبة مقدراش نحكي.. تصبح بخير وكبات عليه...
احمد بقى يشوف مع تلفون حاير... قفلت فوجهو من غير ماتخليه حتى يحكي... مسح لحيتو وعدى يديه على شعرو قريب ينحيه... قعد على سرير... رجليه ترجف بكلها... عروق رقبتو ويديه تنفخو... حاير فروحو قبل سوايع كانو لباس ومتفاهمين... عملها بيديه شهوتو وصلاتو للمشاكل معاها... تكي على سرير حط راسو على لمخدة ويديه فوق عينيه مدة يخمم مجاهش نوم... غلط وغلطت كبيرة لازم تتصلح... هز تلفونو يكتبلها sms...(نعرف الي عملتو عملة مش نتع رجال... سامحيني صغرونتي وعد مبقاتش تتعاود غير فلحلال... امسحي دموعك غالين على قلبي.. نحبك ونعشقك عمرك تخمي تبعدي عليا... راك القلب ودقاتو) بعتهولها ودار لجيهة لخرى يحاول يغفى حتى ساعة غدوة عندو طريق طويلة...
وانا حاكمة بلاصتي نشوف مع سقف...نخمم فلي جاي خالد لجاي بعد سنين وحكايتو لمخبينها عليا...حبي لاحمد وغلطاتي لكثرو معاه...حاولت نرقد نوم حلف عليا...نضرب اخماس فاسداس...حتى داتني عيني...
اشرقت شمس يوم جديد...فقت على يدين يعديو على شعري بحنية..درت نلقاها أمي لغالية...
نهال:صباح الخير امي...
سلمى:صباح النور والسرور لبنتي زينة...يالاقومي اغسلي روحك واهبطي تفطري طولت فنوم ليوم...
تبسمت مع ماما:اوكي اسبقيني دوك نجي...خرجت من البيت...وانا تكسلت في فراشي...عظامي لكل مكسرة. من قلت نوم...اوف اوفنهار جديد ربي يقدرني يارب...
عملت روتيني و هبطت...ملقيت حد باين فطرو قبلي...تصادفت غير مع امي خارجة من كوزينة...
سلمى:بنتي اقعدي افطري وجدتلك فطورك...خوك فطر وراح يقرى.. وبابك عيطلو واحد قالو نسحقك .. ممكن على خدمة ولا وش...
نهال:اوكي معليه ماماتي اما اقعدي معايانتوانسو شوي منحبش نفطر وحدي...
سلمى:باهي اقعدي اني جاية...نغسل يدي ونجي...
دخلت للكوزينة لقات حليبها واجد فوق طاولة... قعدت زهزت تترشف منو... شوي وجات امها... هزت جلبانة باه نفصصها... بعدت الكرسي قعد بحداها... طلعت نهال راسها تشوف معاها.. ماماتي نحب نسقسيك...
سلمى: إمممم سقسي ياروح مماتك...نسمع فيك..
نهال: ماما وشكان قصدو خالد لبارح؟؟.. وعلاه رجع يجي بعد المدة هذي لكل...
#يتبع
YOU ARE READING
حب عن طريق الفايسبوك
Romanceنحلاتي 🐝🐝🐝جيتكم بالجديد 💥💥💥 قنبلة الموسم حاجة منطرحتش من قبل 🍁🌺 كرونيك جديد 💃💃💃💃فقط معايا انا 🌺🌸🌺🌸 🕸☠️śŏŋặí☠️🕸 كرونيك تحت عنوان 🍁🍁 ⚔️حہبہ عہنہ طريہقہ آلَفہآيہسہبہؤُكہ⚔️ ❌⛔ممنوع النقل دون اذني ❌⛔ 📝كرونيك كاملة 📝 🎀🌺حب عن طريق ا...
